1 PIYƐR 2:6 - Nouveau Testament Doyayo

⁶ Hinɔ gii hi bi̧i̧ a Bɛt ɗɛɛrwol du: a sɔ̧ɔ̧nɛ, be gbaak bet za a Siyona, bet gbɔɔl tɛŋkya yɔ be herige gi wɛɛ hin rɔb yɔ daarlɛlɛ. Za̧a̧nyɔ ɗɔbsige seem taag wa̧a̧k nɛ zaŋ.

1 PIYƐR 2:6 ပူးပေါင်းရင်းမြစ်များ

MATA 12:18

a Bɛt raa a wal be sɛr bɔ be herig gɛrɛ. Za̧a̧nyɔ ha̧a̧b ge hi kpoos be sɛw, hat be sɛw gi a ge. Bé gbaa Mɔkil be a gi zulha, gi wɛɛ gi dɔks dood wɔ hi mɛ̄ɛ̄be gɛ ha̧a̧tig be dɔglɛ.

MARKUS 12:10

Nɛ́ zaŋg dɔgl yɛrɛ hi bi̧i̧ a Bɛt ɗɛɛrwol du: a bet yɔ lukwɔŋkya wɔ hi bisige gii wɛɛ bet gbɔɔl tɛŋkya gɛ ya?

LUKA 20:17

Yeesu wɛɛ sɔ̧ɔ̧hi, raa: a hin yɛrɛ hi bi̧i̧ a Bɛt ɗɛɛrwol du rɛ, wadigɔ gi ri: a bet yɔ wɔŋkya wɔ hi bisige, gii wɛɛ bet gbɔɔl tɛŋkya a lɛl yoogil bɔ hi gbaag gedu.

LUKA 23:35

Dood hi er hɔdi hi gig seeko; dood gbɔlɛ wɔ hi kpɛ̧ɛ̧lik Yeesu ha̧a̧ltɔnɔ hi dɔko: a za̧a̧s nɛ dood zaadɛ be, yɛrɛ gi gi Masihu bɔ Bɛt herig giya, za̧a̧sig zulɔ ma!

YOHANA 7:38

Za̧a̧nyɔ ɗɔbsibe, zɛɛ gbɔɔl mɛm za̧a̧tigya gi zɔb a gi kpoos du, anyɔ Bɛt ɗɛɛrwol dɔgɔ .

TƆMSYAADƐ WOOSƐ 1:16

a yɛ̧ɛ̧dɛ be wɛ, rii an hinyɔ Bɛtdɔglɔ dɔgɔ gi tuur anyɔ Bɛt Mɔkilɔ da dɔg nɛ amntɔnɔ a Dawda ya̧a̧ du a Yahuda za̧a̧nyɔ dos nɛ dood wɔ gɔ hi wa̧a̧ Yeesu gbɔnɔ gi zulha.

ROMA 10:11

a za̧a̧nyɔ gɔ gi ɗɔbsige, seem taag wa̧a̧ko.

EFESU 1:4

Yɔ Bɛt da kimdir nɛ waal ket gɛ, ɔksɛ hi Kristu, wɛɛ sɛ̧ɛ̧wɛ an wɛ wɛɛsig doodɔ wɔ wɛ taan hin-a̧a̧b a gi muutdu. Yɛɛl ha̧a̧g wɛ muul ro

EFESU 2:20

Hi wɔ̧nɛ a sɛŋk yɔ tɔmsyaadɛ hi Bɛtya̧a̧kɛŋkyaadɛ hi yɛɛl luk wɔŋk hage. Yeesu Kristu hi zulɔ gii gi bet gbɔɔl tɛŋkya yɔ er luk sɛŋk yoogil du an gi ɓaasige.

2 TIMƆTE 3:16

Hinyɔ hi bi̧i̧ a Bɛt ɗɛɛrwol du sɛw, hinya̧ hi tuuz hi Bɛt Mɔkil ɔ̧ɔ̧nɛ, hinɔ bɛr an hi gogn hin hi za̧brin ha̧a̧lwookya, hi walkin hin-a̧a̧bi, hi wɛɛ hi kaŋkin dood a hinyɔ har Bɛt gedu,

1 PIYƐR 2:4

Zaan a Waar Yeesu ge. Gii gi bet za̧a̧til yɔ dood hi bisige. Anyɔ Bɛt herig nɛko, wɛɛsig hin rɔb yɔ daarlɛlɛ.

1 PIYƐR 2:8

Hi wɛɛ hi bi̧i̧ ɓɛ: a bet dɔɔsiŋkya, hɛɛl doodmatigya. Yɔ hi ta̧a̧ Bɛt dɔgl kɛŋk gɛ gii hi siŋk dɔɔ. Bɛt nagsihi anbɔ.

2 PIYƐR 1:20

Yɛɛlin nɛ mɛɛ hinyɛrɛ: a Bɛt ya̧a̧ɔ yɔ hi bi̧i̧ a ɗɛɛrwol du doo za ɗɛ̄ɛ̄ an gi wad hi hinmɛɛkɔ gɛ.

2 PIYƐR 3:16

Boosin hin bɔrɔ dɔglɔ anyɔ gɔ gi book a ɗɛɛrwol wɔ gi bi̧i̧k gedu sɛw. A lɛlyɔ gi book hin wɔrɔ dɔglya̧ gedu, lɛl za hi giro kɛŋkya̧ ɓaaɓa. Dood wɔ hi mɛɛhin gɛ hi wɔ kpoosya̧ hɔglɔ hi zɛmrik hin wɔrɔ gbɔnɔya̧ lɛlɛ anyɔ gɔ hi gɔk a Bɛt ɗɛɛrwol zaadɛ du. Yɔ anbɔ hi ha̧tirgo zul ya̧a̧nɛ.