1 PIYƐR 2:5 - Nouveau Testament Doyayo

⁵ Nɛɛ hɛw, ɔɔn Bɛt gi loon an bet za̧a̧tili gi wɔmnin lukɔ yɔ Mɔkilɔ gɔ gi waa gedu. Nɛ wɛɛsig maakwookɔya gaatɛ an nɛ gɔsig maak rɔb mɔkilyaadɛ wɔ hi bɛsig a Yeesu Kristu dɔŋgo.

1 PIYƐR 2:5 ပူးပေါင်းရင်းမြစ်များ

ROMA 12:1

Yɛ̧ɛ̧dɛ mi wɛ, ya̧a̧nɛ mi gin zɔ̧ko hi Bɛt ya̧a̧rmɛɛkɔ an nɛ gaa muul nɛ an namb za̧a̧til yɔ hi gbɛɛr hi nɔms Bɛt a sɛŋk ha, yɔ gi hin gaati, hinyɔ Bɛt gɔ ta̧a̧ hinɔ, giigi woos nɛ yɔ gi an nɛ woos Bɛt nɛ ɗɔbsinge hi rɔbo.

ROMA 15:16

yɔ wɛɛnim Yeesu Kristu woosɔya a dood wɔ hi taa Yahuduya gɛ hi tees du. Mi gi wook Bɛtdɔgl woosɔ an dood wɔ hi taa Yahu-duya gɛ hi wɛɛsig dood ɔnɛ, hi wɛɛs Bɛt an maakgaas rɔb yɔ ta̧a̧, gaas yɔ Bɛt Mɔkilɔ gaasige.

1 KƆRƐŊGTU 3:16

Nɛ mɛɛ a nɛ gi an Bɛtluko, wɛɛ Bɛt Mɔkilɔ gi waak a nɛ muul du!

1 KƆRƐŊGTU 3:9

Wii be wi woosyaadɛyɔ hi Bɛto, nɛɛ be nɛ gi Bɛt bak ɔ̧ɔ̧nɛ. Zaabe nɛ gi Bɛtlukɔ yɔ wɔmɔ.

1 KƆRƐŊGTU 6:19

Nɛ mɛ̄ɛ̄ a muul nɛ gi an Bɛtluk gɛ ya? Bɛt Mɔkilɔ yɔ nɛ dag a Bɛt ge gi waak gedu ro! Nɛ taa nɛnɛ, nɛ gi Bɛt dood ɔ̧ɔ̧nɛ,

2 KƆRƐŊGTU 6:16

Ɔksigɔ nɔni gi hi Bɛtluko hi maakwɔd nɔ? Wɛ gi Bɛt Za̧a̧til bɔ luk ɔ̧ɔ̧nɛ anyɔ Bɛt raa: a be waa, be ɛmbɔ a hi tees du; a be wɛɛsihi Bɛtya̧, hii be hi wɛɛsib dood benɛ.

GALATIYA 6:10

Yɔ anbɔ, Bɛt gi gaawɛ gbɔnɔ, yɛwɛ woos dood sɛw hinrɔbo, wɛɛ yɛwɛ woos zɛnɛ wɔ hi ɗɔbs Yeesu an wɛɛ hinrɔb gi daarlɛl be.

FILIPI 1:11

Waabil nɛ gi ɛmb hi woos riitɛ wɔ Yeesu Kristu gi wook hi nɛya hi tɔɔ du gbɔɔltɔnɔ an hi ɗɔbsin Bɛto hi baaninge.

FILIPI 2:17

Ɗɔbsig nɛ gi an gaas yɔ hi gbaas Bɛto, kinsa ga̧a̧m mi yɔ gɔ gi gub a ɗɔbsig nɛ bɔ gi dɔŋgo gi wɛɛ gaasɛ a gaas nɛnɛ bɔ geha. À anbɔ, kpoos mi gi kpɛ̧ɛ̧kpɛ̧, wɛ́ dagtin hat lɛlgbunu.

FILIPI 4:18

Yɛrɛ mi dag gaas yɔ nɛ yaansim Epafortitus. Mi dag hinyɔ gi nɛ an nɛ gaam sɛw, daar hinyɔ ha̧a̧m nɛ hɛw, mi lɔ̄ɔ̄ hinza ma gɛ. Gaas wɔ nɛ gaam hi gi an kurum ki̧i̧lhɛmntya yɔ hi gbaas Bɛt gi harig gi ta̧a̧.

KOLOSIYA 3:17

Woos nɛ wɔ nɛ wook sɛw, zaabe dɔgl nɛ wɔ nɛ book sɛw, woon hinɔ sɛw, boon hinɔ sɛw a Waar wɛ Yeesu nuŋg du an fɔkɔyaadɛ rɔbɛ, nɛ́ wɛɛ nɛ́ baanik Baa wɛ Bɛt a Yeesu dɔŋgo.

1 TIMƆTE 3:15

an gi nɛ an mi aŋk kete, yɔ mɔ mɛɛ waak yɔ gɔ hi waa a Bɛt raadu, raakɔ a Bɛt za̧a̧til bɔ doodɔ ɔksil hi tees du. Bɛt doodɔ wɔ hii gi Bɛt dɔgl gbaakyaadɛ hi ookyaadɛ an tɛ̧ɛ̧ tɛŋkya yɔ gi gbag tɛŋk gaako hi sɛŋk rɔb yɔ gi luk pɛɛko.

IBRANIŊKO 3:6

Yɛrɛ Kristu woohin hi tɛŋk a Bɛt raadu anyɔ gi waawalɔ, Bɛt gbàag an raatɔ zulya. Bɛt raatɔ gɛ wɛya. An wɛ ook hinyɔ raa a gi gààwɛ hi tɛŋko, wɛ wa̧a̧k dɔglɔ hi walumsɛ hi hat gbɔɔltɔnɔ gi tuur a da̧a̧ki, gi gi anbɔ, wɛ gi Bɛt raatɔ bɔ gii ma.

1 PIYƐR 2:9

Yɛrɛ nɛya, nɛ gi dɔ̧ɔ̧t yɔ Bɛt herig giya, nɛ gi. Waar bɔ Bɛt maakwookyaadɛ ɔ̧ɔ̧, nɛ gi dood gaatɛ, nɛ gi Bɛt dood ɔ̧ɔ̧nɛ an nɛ dɔg woosɔ gbɔlɛ wɔ. Gii elzinɛ gi tudzin a lɛlwil du, wɛɛ gbaan a lɛlgaalɔ gɛrsya bɔ gedu.

1 PIYƐR 4:11

Za̧a̧nyɔ gi dɔk hinɛ, dɔgig anyɔ kɛm Bɛt ya̧a̧ɔ gi dɔko; za̧a̧nyɔ gi woosig doodɛ wooge hi tɛŋk yɔ Bɛt gaage, an dood hi baan Bɛt a hinyɔ nɛ wook hi Yeesu Kristu nuŋgɔ sɛw gi dɔŋgo. Gbɔlumsɛ hi tɛŋko hi gi ge wɛlɛ hi wɛlɛ. Àanbɔ.

1 PIYƐR 4:17

Ya̧a̧nɛ dɔgl-gbaak ɔ̧t bɔ riiri, Bɛt gi yɛɛlik dɔglɔ gbaak bɔ a doodɔ tees du. Gi gi yɛɛlik a wɛ teesdu anbɔ, nɛ dood wɔ hi taas Bɛt Dɔgl Rɔb bɔ kɛŋk gɛ hi wɛɛ ay ma be?

HINWƆ HI MITS YOHANA 1:6

wɛɛ wɛɛnɛ Bɛtɔ hi Baatɔ maak-wookyaadɛ ɔ̧ɔ̧ a gi wáát du. Gbɔlumsɛ hi waar umsɛ hi gi ge wɛlɛ hi wɛlɛ. Aanbɔ!

HINWƆ HI MITS YOHANA 20:6

Za̧a̧nyɔ dag za̧a̧tig bɔ ɔnɛ a rɛmtig biitir bɔ gedu gin hato, gi doo gaati. Wɔrk eesim bɔ taan tɛŋk ma an gi zɛm dood wɔrɔ. Hi wɛɛ Bɛtmaak wookyaadɛ hi Kristu maakwookɔyaadɛ, hi ɗɔɔt waar ɛ hi Yeesu wɛl duko.

HINWƆ HI MITS YOHANA 3:12

Za̧a̧nyɔ ɗɛɛ waalɛ, be wɛɛnig tɛ̧ɛ̧ tɛŋkya yɔ gɔ hi esig a Bɛt be lukɔ bɔ gedu giya, hi taag ha̧sig a lɛl bɔ ge. Be bi̧i̧ Bɛt be nuŋgɔ a gi muulɛ hi Bɛt be waal gbɔɔlɔ bɔ Urusalima seg bɔ gi fu̧u̧zig a bɛtha a Bɛt be ge. Be wɛɛ be bi̧i̧ nuŋg be seg a gi muulɛ.

HINWƆ HI MITS YOHANA 5:10

Mɔ wɛɛnihi Bɛt wáát doodɛ hi Bɛtmaak wookyaadɛ an hi woos Bɛt woosɔ, hi wɛɛ waar ɛ a hɛbtdi.