1 PIYƐR 2:24 - Nouveau Testament Doyayo

²⁴ Gii hi zulɔ yɛr hinha̧a̧l wɛ, pɛɛnihi muul ɔnɛ a tɛ̧ɛ̧gbeet ha yɔ̧ ya̧a̧rhant a wɛ kalɛ an wɛ wɛɛ wɔrkɛ a hinha̧a̧l gbaŋgi, wɛ wɛɛ wɛ za̧a̧ a waabil riit gbaŋgi. Nɔk diilɔ wɔ dagɔ hi za̧a̧sin muul nɛ.

1 PIYƐR 2:24 ပူးပေါင်းရင်းမြစ်များ

MATA 27:26

Bɛɛ anbɔ Pilatu bitsihi Barabas wa̧a̧ gbɔnɔ rek be. Wɛɛ raa dood zaadɛ hi lɛb Yeesu hi kpoot yɔ hi yɛɛn tusɛ, wɛɛ loo Yeesu gaa dood naandu an hi rek hi doog dɔ̧ɔ̧r ha.

MATA 5:20

Be gisin raako, gid nɛ́ wōō hinriit nɛ daar Bɛtmaakdɔkya wɔ hi Farisaya wɔ gɛ, nɛ taa gulk a Bɛt wáát du nɛ zaŋ.

MATA 8:17

Yeesu woo anbɔ an hinyɔ Bɛtya̧a̧kɛŋkya bɔ Esaya dɔgɔ a Yeesu zulha gi wooyyɔ a gii hi zulɔ loo zaŋgdums wɛ yɔ wɛ gi nɛ waanuko, wɛɛ pɛrsɛ gums wɛnɛ.

MARKUS 15:15

Yɔ Pilatu ha̧a̧g an gi gɔs saal wɔ kpoosya̧ gi harihi be tutsihi Barabas gɔ luknɔ du. Kuudu wɛɛ raa dooɗɔ hi lɛb Yeesu , wɛɛ gaahige hi kaŋg hi dooge.

LUKA 4:18

a Waar Bɛt Mɔkilɔ gi be zulha, anyɔ gɛbsibe an be dɔks ya̧a̧rya wɔ Bɛt dɔglɔ rɔbo. Yaazibe an be dɔks luknɔyaadɛ a hi bisihibisɔ an hi tuu luknɔ du, be dɔks yɔ̧ɔ̧rɛ a lɔlya̧ gi kpɛ̧ɛ̧rɔ, be gbaa dood wɔ hi gihi gɔluko, wɔ hi taan tɛŋk an hi ɓats dood wɔ hi gihi gɔlik zulɛ, a aakil du.

YOHANA 1:29

Yoosugɔ Yohana gbɛn Yeesu gi zaak a ge, raa a Bɛt Tamwaa bɔ gi ha̧sig hinha̧a̧l a waal du gɛrɛ!

YOHANA 19:1

Pilatu wɛɛ raa dood hi loo Yeesu hi lɛmnig kpootyɔ hi yɛ̧ɛ̧n tusɛ.

TƆMSYAADƐ WOOSƐ 10:35

Dood hɛbtdi sɛw, za̧a̧nyɔ hoob gig ha̧a̧k Bɛto gi wɛɛ gi wook hinrɔb a gi muutdu, bɛs Bɛt bɛsɔ.

TƆMSYAADƐ WOOSƐ 10:39

Wii wi gi segyaadɛ ɔɔnɛ; wi gbɛn hinyɔ woo sɛw a Yahuduya hɛbt du hi a Urusalima, hi wa̧a̧ge hi doog a dɔ̧ɔ̧r ha wɔrɔ.

TƆMSYAADƐ WOOSƐ 13:29

Kuudu yɔ hi woosig hinyɔ Bɛt ɗɛɛrwolɔ raa gi zulha gi da̧a̧ sɛw gi wɔrɔ, hi sidzig a dɔ̧ɔ̧r bɔ hage hi i̧i̧ge.

TƆMSYAADƐ WOOSƐ 5:30

Nɛ doo Yeesu a dɔ̧ɔ̧r ha nɛ gbɔŋge; yɛrɛ baa wɛ Bɛtya̧ wɛɛ rɛmsige,

ROMA 6:11

Yɔ anbɔ nɛɛ hi zul nɛ hɛw, seen zul nɛ an nɛ wɔr a hinha̧a̧l gbaŋg sa̧a̧nɛ, wɛɛ nɛ gi za̧a̧tili a Bɛt zulɛ a Yeesu Kristu dɔŋgo.

ROMA 6:13

Bɔnɛ yaa naan a hinha̧a̧l du an wɔdyɔ gɔ hi woon ha̧a̧lɛ; yɛrɛ gaan zul nɛ a Bɛt ge an dood wɔ hi wɔrɔ hi wɛɛ hi wɛɛzɔ. Gaan muul nɛ sɛw a Bɛt woos du an wɔd hinrɔb woonikya.

ROMA 6:16

Nɛ mɛɛ a nɛ́ gaa doo za zul nɛ an gbaari an nɛ kɛmsig tɔnɛ, nɛ gi za̧a̧n bɔ gbaar ɔ̧ɔ̧nɛ. Zaabe nɛ gi hinha̧a̧lyɔ gi kaŋk doo a wɔrk du gbaar ɔ̧ɔ̧nɛ, zaabe nɛ fɔk Bɛto, nɛ gi dood riitɛ a Bɛt muutdu a tɔn nɛ kɛŋk bɔ gi dɔŋgo.

ROMA 6:2

Taa anbɔ nɛ zaŋ! Wɛɛ yɔ wɛ wɔr a hinha̧a̧l gbaŋgi, gi an wɛ wɛɛ wɛ waak ri a hinha̧a̧l du nɔ?

ROMA 6:22

Yɛrɛ ɓɔryɔ, yɔ nɛ tuu a hinha̧a̧l du a aakil du nɛ wɛɛs Bɛt gbaarɛ ɔ̧ɔ̧, woos nɛ rɔb bɔ gin gaak gaatigi a Bɛt muutdu, wɛɛ yɔ̧ɔ̧sumɔ be gɛ za̧a̧tig faa.

ROMA 6:7

Ya̧a̧nɛ doo gi wɔrɔ, hinha̧a̧l tɛŋkɔ taa gi zulha ma, da̧a̧da̧.

ROMA 7:6

Yɛrɛ ɓɔri wɛ wɔr a maakdɔgl bɔ wɔ̀wɛ nɛ gi gbaŋgi, zul wɛ tuu gɔ ma aakil du. Yɔ anbɔ wɛ woosig Bɛt woosɔ hi gbɔnɔ sego an hinyɔ Bɛt Mɔkilɔ giwɛ raako, wɛ taa wook hi gbɔnɔ amnt bɔ an hinyɔ maakdɔgl bɔ bi̧i̧ nɛko.

1 KƆRƐŊGTU 15:3

Mi baar mi gogsin hinyɔ mi dagɔ, mi ɔɔnin an hingok gbɔɔl yɔ daarlɛlɛ a Kristu wɔr a wɛ hinha̧a̧l dɔŋgo anyɔ Bɛt ɗɛɛrwolɔ dɔgɔ:

2 KƆRƐŊGTU 6:17

Waar Bɛt wɛɛ raa: a nɛ yɔ anbɔ, tuunɛ hi teesdu, hɛɛtinnɛ hi hiya. Bɔnɛ ki̧i̧ hinyɔ ɓi̧i̧lɔ, gɔ gi anbɔ be zenɛ.

GALATIYA 3:13

Bɛt ɗɛɛrwolɔ wɛɛ raa a ri ya? Raa a Bɛt bootɔ gi a za̧a̧nyɔ hi wiig a tɛ̧ɛ̧ muul gi zulha sɛw. Yɛrɛ Kristu yɔ wɔr a dɔ̧ɔ̧r muulɛ wɛɛsɛ an doo bootya a Bɛt muutdu a wɛ kalɛ, wɛɛ tuus zul wɛ a maakdɔglɔ bɔ bootɔ gedu.

EFESU 5:9

Ya̧a̧nɛ lɛlgaal humlɔ gɔ fu̧u̧ a rɔbgɔk du, a hinriit yɔ gi gedu, a rɔb du sɛw.

FILIPI 1:11

Waabil nɛ gi ɛmb hi woos riitɛ wɔ Yeesu Kristu gi wook hi nɛya hi tɔɔ du gbɔɔltɔnɔ an hi ɗɔbsin Bɛto hi baaninge.

KOLOSIYA 2:14

Yɔ wɛ da wɛ taa nɛ maakɔdɔglɔ fɔk gɛ, wɛ gin nɛ Bɛt belkɔ wɛ zulha. Bɛt wɛɛ ɔsɛ belk bɔ, pugd belk bɔ bi̧i̧ nɛ a ɗɛɛrwol du, wɛɛ taar belkɗɛɛrwol bɔ doog a dɔ̧ɔ̧r ha an wɛ mɛɛ a bitsɛ belk bɔ dɔglɔ da̧a̧da̧.

KOLOSIYA 2:20

Yɔ Kristu wɔrɔ, nɛɛ hɛw nɛ wɔr hi giya. Yɔ anbɔ waal mɔkil wɔ hi zɛnɛ an wɔrkɛdɛ. Hi taan tɛŋk nɛ zulha. Ri nɛ ɛmbik an dood waalduyaadɛ nɔ? Ri nɛ ta̧a̧k hinlisya̧ wɔ nɔ?

KOLOSIYA 3:3

Nɛ mɛɛ a nɛ wɔɔrɔ, za̧a̧tig nɛ bɔ yaat ɔksi hi Kristu a Bɛt ge.

IBRANIŊKO 10:10

Hi Bɛt ha̧a̧tigɔ yɔ Yeesu Kristu woo gi gaa muulɔ gii wɛ gaa a Bɛt muutdu dɔɔ gbun gaati.

IBRANIŊKO 10:5

Ya̧a̧nɛ yɔ Kristu gi guzig a waal du, raa Bɛto: a hā̧ā̧mɔ maaknamb wɔ gɔ hi gbɛrsum gɛ, ha̧a̧mɔ gaas gɛ, wɛɛ mɔ kimsib muulɛ.

IBRANIŊKO 12:13

Fɔn gbɔnɔ et wɔ hi dɔɔ nɛ wɔ, an bɔ dɔɔ gumtilya gi hɛɛ gbɔnɔ, dɔɔɔ gi ɓɛdɔ, ɔɔn gi za̧a̧ gi ɓaa.

IBRANIŊKO 7:26

Rii nɛ an wɛ dag Bɛtmaakwookya gbɔɔl mɔɔt an giya, gi gi doo gaat a Bɛt muut du yɔ taan hinha̧a̧lɛ. Doo yɔ taan hin-a̧a̧b nɛ zaŋ, yɔ hɛɛtin hi hinha̧a̧lyaadɛ, yɔ hi dɔɔnig a Bɛt dɔŋgdi,

IBRANIŊKO 9:28

gbunɔ gii Kristu gi gaa zulɔ dɔɔ gbunu an gi ha̧s dood kittɔnɔ hinha̧a̧lya̧; gi midzig dɔɔ eesimɛ a dood wɔ hi gig nɛ ook an gi za̧a̧sihi hi. Midzigɔ bɔ gi taa a hinha̧a̧l dɔŋgo.

YAKUBA 5:16

Yɔ anbɔ, walkin hinha̧a̧l nɛ a nɛ teesdu, zɔ̧btinnɛ Bɛto an nɛ za̧a̧. Doo hinrɔbwookya Bɛtzɔ̧kɔ gin tɛŋk gbɔɔltɔnɔ.

1 YOHANA 2:29

Nɛ mɛɛ a Kristu gi doo riityɔ, gi an nɛ mɛɛ hɛw a za̧a̧nyɔ woo hinyɔ rii mɔɔy a Bɛt ge gi Bɛt waayɔ.

1 YOHANA 3:7

Waat mi hatil wɛ, bɔnɛ ɔɔ doo za gi maatinɛ. Za̧a̧nyɔ gi wook hinyɔ rii gi doo riityɔ anyɔ Kristu gi doo riit be.

HINWƆ HI MITS YOHANA 22:2

gi zɔk a waal gbɔɔl bɔ gbɔnɔɔ gbɔɔl bɔ teesɔ gedu. Tɛ̧ɛ̧za̧a̧tigya hi gi a kasiŋ eerɛ wɔ ge sɛw, hi huŋk dɔɔ koobl daa eerɛ wɛl nuŋgo; hi huŋk dɔɔ gbunu a sɛɛ nuŋgo, tɛ̧ɛ̧ bɔ kpasɔ wɔ hi wɛɛ yɛ̧ɛ̧sɛ an hi za̧a̧sin dood hɛbt sɔmsɔm.