1 PIYƐR 2:21 - Nouveau Testament Doyayo

²¹ Bɛt elzin an nɛ woo anbɔ. Kristu yɔ̧ ya̧a̧rhant a nɛ dɔŋ be, wɛɛsin gbɔnɔdorkya an nɛ fɔb tɛ̧ɛ̧sɔ nɛ woo an giya.

1 PIYƐR 2:21 ပူးပေါင်းရင်းမြစ်များ

MATA 10:38

Za̧a̧nyɔ pɛɛ dɔ̧ɔ̧rɔ gi fɔ̄bzib gɛ, rı̄ı̄ an gi waa hi bee gɛ.

MATA 11:29

Ha̧n gbɔŋgil be a nɛ durk du, fɔn hinyɔ be gisin goko. Yɔ anbɔ, be gi doo kpoos saŋktya hi zultiisigya, zaanɛ nɛ zɛms kol nɛ holumlɛlɛ.

MATA 16:24

Wɛɛ zɛmr raa walɛsɛrɛ ɔ̧ɔ̧ wɔ: a za̧a̧nyɔ ha̧a̧ge an gi fɔbzibe gi ɔs zulɔ hinmɔkugɔ gi pɛɛ dɔ̧ɔ̧rɔ gi fɔbzibe.

LUKA 24:26

Taa nɛ an Masihu gi ha̧a̧ya̧a̧r a hin wɔrɔ gedu sɛw an kuudu gi gul a gi gbɔlums du ya?

YOHANA 13:15

Be goksin gbɔnɔɔ giya an nɛ woo an bee yɔ be woo be.

YOHANA 16:33

Be dɔksin hin wɛrɛ sɛw an nɛ dag ɗɔɔtil saŋtumi a ɔksig wɛ bɔ gedu. A waal du nɛ dag zɛksili. Yɛrɛ ɓaasin kpoos nɛ, bee be ɗɛɛ waal ɗɛɛ.

TƆMSYAADƐ WOOSƐ 14:22

Hi gaa Yeesu fɔkya wɔ tɛŋko an muulya̧ gi ɓaa hi waa Bɛt ɗɔbsigi hi kpoos gbunu, bɔhi hɛɛ Bɛt gbɔnɔ. Hi wɛɛ hi raahi a gulkɔ a Bɛt wáát du gɔ mɔ yɔ̧ya̧a̧r ha̧a̧ltɔnɔ kete.

TƆMSYAADƐ WOOSƐ 17:3

Gisihi dɔgl wɔ hi bi̧i̧ ɗɛɛrwol bɔ gedu walkugo a gi nɛ an Masihu gi yɔ̧ ya̧a̧r gi wɛɛ gi rɛml a wɔrk du. Pol gi zuunik hinɔ gaattɔnɔ a Bɛt ɗɛɛrwol bɔ gedu. Raa a Yeesu yɔ be gisin dɔglɔ dɔko gii gi Masihu bɔ.

TƆMSYAADƐ WOOSƐ 9:16

Yɔ anbɔ bé wɛɛ bé zunsig hinyɔ gɔ gi ha̧a̧nya̧a̧r sɛw a be nuŋg dɔŋgo.

ROMA 8:29

Ya̧a̧nɛ da yɛɛl sɛ̧ɛ̧hi, da gbaahi nɛ dordi an hi fɔ waawal muutɔ hi wɛɛ an giya, an kuudu waawal gi wɛɛ hinda gbɔɔl a yɛ̧ɛ̧dɛ ɔ̧ɔ̧ kitɛ tees du.

1 KƆRƐŊGTU 11:1

Woon an miya, anyɔ mi wook an Kristu be.

EFESU 5:2

Ɛmbin a hat du anyɔ Kristu ha̧a̧g a nɛɛge, gi wɛɛ gi gààsɛ zulɔ a Bɛt ge an gaasɛ hi namb yɔ hi gbɛɛrɔ hi nɔms Bɛt an gaasɛ hi ki̧i̧lɔ hɛmnti.

FILIPI 2:5

Ginin mɔkil nɛ gbun bɔ gii anyɔ gi fu̧u̧zig a Yeesu Kristu ge.

1 TESALONIKI 3:3

an bɔ̄ doo gbun nɛ teesdu gi ɔɔ muulɔ a ya̧a̧rhant yɔ wɛ waak gedu. Nɛ mɛɛ hi zul nɛ hɛw an ya̧a̧rhant wɔrɔ labɔ, Bɛt gii gbaasɛ.

1 TESALONIKI 4:2

Nɛ mɛɛ dɔgl wɔ wi gaanɛ hi Waar Yeesu tɛŋkɔ.

2 TIMƆTE 3:12

Rɔbo, za̧a̧nyɔ ha̧a̧g an gi ɗɔbs Bɛt hi gbɔnɔ a ɔksig wɛ bɔ gedu hi Yeesu Kristu, hi kɛtingeya̧a̧.

IBRANIŊKO 2:10

Ya̧a̧nɛ, Bɛt gii gi hinwɔ kim sɛw zulɔya, gi gig nɛ ha̧a̧k an gi kam walɛwaat kittɔnɔ gi tuurinihi a gbɔlums du, rii an gi loo za̧a̧tigya̧ gbɔnɔdorkya bɔ taan hin-a̧a̧bi gi ha̧a̧nig ya̧a̧rɛ. Gii be, ya̧a̧rɔ bɔ yɔ̧ anbɔ, gaasig da̧a̧da̧.

1 PIYƐR 1:20

Yɔ Bɛt kimdir nɛ waal kɛn gɛ, her Yeesu gaati. Yɛrɛ midzig gɔ ma a ɔ̧t yɔ̧ɔ̧sum du a nɛ dɔŋgo.

1 PIYƐR 2:24

Gii hi zulɔ yɛr hinha̧a̧l wɛ, pɛɛnihi muul ɔnɛ a tɛ̧ɛ̧gbeet ha yɔ̧ ya̧a̧rhant a wɛ kalɛ an wɛ wɛɛ wɔrkɛ a hinha̧a̧l gbaŋgi, wɛ wɛɛ wɛ za̧a̧ a waabil riit gbaŋgi. Nɔk diilɔ wɔ dagɔ hi za̧a̧sin muul nɛ.

1 PIYƐR 3:18

Ya̧a̧nɛ, Kristu Doo Rɔbgɔkya bɔ wɔr a dood ha̧a̧l-gɔkya hinha̧a̧l dɔŋgo dɔɔ gbun gaati an gi ka̧wɛ a Bɛt ge. Wɔr yɔ̧ɔ̧sumyɔ, taa zaa wɔrk nɛ zaŋ. Dood hi gbɔm muulɔ, wɛɛ Bɛt wɛnz kolɔ a za̧a̧tig du.

1 PIYƐR 3:9

Bɔnɛ wɛɛn ha̧a̧l a za̧a̧nyɔ gɔsin ha̧a̧l ge, bɔnɛ nii za̧a̧nyɔ niinɛ. Yɛrɛ rɔbsin dood sɛw. Bɛt elin an nɛ rɔbsihi, nɛ wɛɛ nɛ dag rɔbs a Bɛt naan du be.

1 PIYƐR 4:1

Anyɔ Kristu yɔ̧ ya̧a̧rhant hi muulɔ, mɔkin an nɛ woo hin gbun bɔ gii sɛw: nɛ yɔ̧ ya̧a̧rhant an giya. Mɔkil bɔ lab gi gaan tɛŋko. Za̧a̧nyɔ yɔ̧ ya̧a̧rhant a muul du, ɔɔ hinha̧a̧l da̧a̧da̧ be.

1 PIYƐR 4:13

Yɛrɛ dagin hat anyɔ nɛ dak Kristu ya̧a̧rhantɔ bɔ nɛnɛ an nɛ wɛɛ nɛ dag hat ɓɛ, wɛɛ kpoos nɛ gi kpɛ̧ɛ̧ a ɔ̧tyɔ Kristu gbɔlumsɔ gɔ gi midza gedu.

1 YOHANA 2:6

za̧a̧nyɔ raa a be waak ɔksig gbun hi Bɛto, gi an gi waa an Yeesu yɔ waa be.

1 YOHANA 3:16

Hinyɔ wɛ mɛɛn Bɛt ha̧a̧kɔ ha̧a̧g gɛrɛ: anyɔ Kristu ta̧a̧ an gi wɔr a wɛ dɔŋgo, gi an wɛ ta̧a̧ an wɛ wɔr a nawɛza zaadɛ wɔ hi gi a Bɛt gbɔnɔ du hi dɔŋg be.

HINWƆ HI MITS YOHANA 12:11

Dood wɛ hi ɗɛɛgɗɛ hi Tamwaa bɔ ga̧a̧mɔ tɛŋkɔ, hi Yeesu dɔglyɔ hi boosig nɛ dood tɛŋkɔ. Hi wɛɛ hi ta̧a̧ an hi gaa kolya̧ hi wɔrɔ.