1 PIYƐR 2:17 - Nouveau Testament Doyayo

¹⁷ Ɗɔbsin dood sɛw. Gi ha̧a̧nɛ yɛ̧ɛ̧dɛ Yeesu fɔkya wɔ sɛw, hoob ha̧a̧nɛg Bɛto, ɗɔbsin waar gbɔɔl hɛbtya bɔ.

1 PIYƐR 2:17 ပူးပေါင်းရင်းမြစ်များ

MATA 22:21

Hi ta̧a̧ a waar gbɔɔl mɔɔt bɔ Kaysara ɔ̧ɔ̧nɛ. Yeesu wɛɛ raahi gɔ a wɛɛnsin waar bɔ Kaysara hinyɔ ginɔ, wɛɛn nɛ wɛɛns Waar Bɛt hinyɔ gin be.

YOHANA 13:35

Dood sɛw gɔ hi gbɛn a nɛ gin hatingo, hi mɛɛn a nɛya nɛ gi fɔkyaadɛ beenɛ.

ROMA 12:10

Yɛgi hatinnɛ yɛ̧ɛ̧dums hat rɔbo, bɔbe gi ɗɔbs naaza hi tɛŋko.

ROMA 13:7

Toosinɛhi hinyɔ hi gin fɔk sɛw. Toon toosɛ a za̧a̧nyɔ gi an nɛ tooge. Toon hinyɔ hi dɛ̧ɛ̧sin a za̧a̧nyɔ gi an nɛ tooge, gɔn hoobo a za̧a̧nyɔ gi an nɛ gɔsig hoob ge, ɗɔbsin za̧a̧nyɔ gi an nɛ ɗɔbsige.

2 KƆRƐŊGTU 7:1

Saammi rɔbɛ wɛ, nɛ anyɔ wɛ dag hin wɛrɛ Bɛt raa a bé woosɛ sɛwi, yɔ anbɔ, yɛwɛ gaas zul wɛ wɛ ha̧s hinyɔ gi ɓi̧i̧lik muul wɛ hi mɔkil wɛ sɛw; an hoob yɔ giwɛ ha̧a̧k Bɛto, yɛwɛ gaas zul wɛ gi da̧a̧.

EFESU 5:21

Bɔbe tiisig zulɔ a naaza dɔŋdi anyɔ hoob gig ha̧a̧k Kristu.

FILIPI 2:3

Bɔnɛ woo hinza hi ka̧a̧si, zaabe hi zulgbɔɔlɛ, yɛrɛ woonhin hi zultiisig gbunu, bɔbe sèeg dood zaadɛ an hi daarigdaar hi gbɔlumsɛ.

1 TIMƆTE 6:1

Dood wɔ hi gi a gbaarums gbɔɔs du hi see ɗɛntɛya̧ an hi rii doo yɔ an hi ɗɔbsihi rɔbtɔnɔ an bɔ dood hi booya̧a̧ ha̧a̧l a Bɛt nuŋgɔ hi Bɛt dɔgl yɔ hi gokingo dood hage.

IBRANIŊKO 13:1

Fɔn waak a yɛ̧ɛ̧dums hat du.

1 PIYƐR 1:22

Yɔ nɛ fɔk rɔb-gbɔnɔ, nɛ gaas zul nɛ gaas ma, wɛɛ ha̧a̧n yɛ̧ɛ̧dɛ Yeesu fɔkya wɔ hi rɔbo. Yɔ anbɔ, ha̧a̧tinnɛ gbɔɔltɔnɔ hi kpoos nɛ sɛw.

1 PIYƐR 2:13

Tiitsin dood nabl wɔ sɛw zul nɛ, a Waar Yeesu dɔŋgo. Tiitsin waar gbɔɔl hɛbtzulya Kaysara yɔ gi waar ɛ zaadɛ waar ya̧ zulɛ.

1 PIYƐR 5:5

Gbunɔ, nɛɛ walɛsɛrɛ wɛ, tiisin zul nɛ a ɗɛntɛ wɔ hi dɔŋdi. Nɛɛ sɛw wɛɛtinnɛ zulhɔnikyaadɛ. Hi bi̧i̧ a Bɛt ɗɛɛrwol du a Bɛt gɔ kpɛ̧ɛ̧ zulpɛɛkya wɔ gbɔnɔya̧, Bɛt gɔ ɓaas zulɔ a zulpɛɛkya wɔ hi gbaŋgi, wɛɛ gi zultiisigya wɔ rɔbtig gaako.