1 PIYƐR 2:12 - Nouveau Testament Doyayo

¹² Waan rɔbtɔnɔ a dood wɔ hi mɛɛ Bɛt gɛ hi tees du. An hi gin seek an hinha̧a̧lwookyaadɛ, hi gi book ya̧a̧ha̧a̧l nɛ zul ha si̧, ɔɔnɛhi hi gbɛn woos nɛ rɔbɛ wɔ, hi ɗɔbs Bɛt a ɔ̧tyɔ gɔ gi zaa gedu.

1 PIYƐR 2:12 ပူးပေါင်းရင်းမြစ်များ

MATA 10:25

Rii an walsɛr gi wɛɛ an ɗɛntɔ, gbaar bɔ be gi wɛɛ an báátɔ, à hi el za̧a̧n raatya bɔ gii a Belzebil, yɔ hi dɔ̧ɔ̧s doodɔ wɔ raa du nuŋg ha̧a̧l yɔ daarlɛl gɛ ya?

MATA 5:11

Dood hi niinɛ hi zɛksinɛ, hi wɛɛ hi ralsin ya̧a̧ha̧a̧l yɔ gi sɛw a be dɔŋgo, yɔ anbɔ hat gi a nɛɛge.

MATA 5:16

Lɛlgaal nɛ gaag a dood muutdu sɛw anbɔ an hi gbɛn hinrɔb yɔ nɛ wooko hi ɗɔbs Baa nɛ yɔ gi a bɛtha.

MATA 9:8

Yɔ dood saal wɔ hi gbɛn hini daa anbɔ hoobha̧a̧hiha̧, hi wɛɛ hi baan Bɛto anyɔ gaa dood tɛŋk anbɔ.

LUKA 1:68

a bant gi a Israhilaya wɔ Waar ya̧ Bɛt ge! Ya̧a̧nɛ, zaa a doodɔ hi an gi tuus zulya̧ aakil du.

LUKA 19:44

Anyɔ mɔ́ mɛ̄ks ɔ̧tyɔ Bɛt zaa du a mɔɔge an gi ɗaasum gɛ, hi nuumɔ hi waat mɔ hii duhɔ, hi taasum bet gòksil ɔɔk gbunu a zaa ha.

LUKA 6:22

Gid dood hi hɛ̧ɛ̧nin lɔlɛ, hi nininɛ, hi wɛɛ hi wɛɛnin an dood bɔbtini a Za̧a̧n Waa bɔ gi dɔŋgo,

YOHANA 13:31

Yɔ Yahuda tuu gi rekɔ, Yeesu raa a yɛrɛ hi ɗɔbs Za̧a̧n Waa bɔ ɗɔbs ma. Hí ɗɔbs Bɛt a gi zulɛ.

TƆMSYAADƐ WOOSƐ 15:14

a yɛ̧ɛ̧dɛ be wɛ, lagsinbe! Simɔŋ fɔk hinyɔ Bɛt yɛɛl gi woo nɛ a dood dɔɔmɛ wɔ hi zulha an gi zaa gi her zaadɛ wɔ gɔ hi wɛɛsig doodɔ.

TƆMSYAADƐ WOOSƐ 24:13

Wɛɛ hi ɗɛ̄ɛ̄ an hi zuun hinyɔ hi gib gɛ̧ɛ̧nik hi rɔb ɓɔri gɛ.

TƆMSYAADƐ WOOSƐ 25:7

Yɔ hi kamzige, Yahuduya wɔ hi tiiz a Urusalima hi rɔge, hi gɛ̧ɛ̧nig hin-a̧a̧bɛ gbɔlɛ kittɔnɔ, wɛɛ hi ɗɛ̄ɛ̄ an hi zuun hinyɔ hi gig gɛ̧ɛ̧nik hi rɔb gɛ.

TƆMSYAADƐ WOOSƐ 28:22

Yɛrɛ ha̧a̧wi an wi kɛmsim mɔkil mɔ wɔ. Wi mɛɛ a gbɔnɔ gɛ̧ksil bɔrɔ, dood waal du sɛw hi dɔk a gbɔnɔ a̧a̧byɔ.

ROMA 12:17

Doo gi gɔsin ha̧a̧lɛ bɔnɛ wɛɛnsig ha̧a̧lɛ. Tɛnɛ an nɛ gɔ hinyɔ bɛr gii a dood muutdu sɛw.

ROMA 13:13

Yɛwɛ ɛmb ɛmbil rɔb anyɔ gɔ wɛ ɛmbik lurk du, wɛ ɔɔ daŋkt ha̧a̧lɛ hi bum-wɔniki, mansnaak ha̧a̧lɛ, hi ɓi̧i̧limi, hi gbaani, hi ka̧a̧si.

ROMA 14:18

Za̧a̧nyɔ gi woosig Kristu woos anbɔ gi bɛs Bɛto, gi riis dood be.

ROMA 15:9

wɛɛ an dood wɔ hi taa Yahuduya wɔ hi mɛɛ nɛ Bɛt gɛ, hi baan Bɛt a gi ya̧a̧rmɛɛk dɔŋgo, anyɔ Bɛt ɗɛɛrwolɔ raa a yɔ anbɔ, be baanumɔ a dood wɔ hi taa Yahuduya gɛ hi teesdu, be wɛɛ be ɛɛhinɛ an be ɗɔbs nuŋg mɔ.

1 KƆRƐŊGTU 14:25

dɔgl wɔ hi yaat nɛ a gi kpoos du hi midɔ, gii be yɔ wɛɛ yɔ zagl hi zulɔ a hi muutdu yɔ ɗɔbs Bɛto, yɔ dɔgɔ a Bɛt gi nɛ teesdu hi rɔbo.

2 KƆRƐŊGTU 1:12

Yɛrɛ hinyɔ gi gɔsig zul wi gbɔlumsɛ, gɛ mɔkil wi gisiw raak a ɛmbik yɔ wi ɛmb a waal du, rɔbɔ a nɛ gbaŋgi, wi ɛmb hi gaatigi hi mɔkil rɔbo, Bɛt gii gi wook hinɔ wi kpoos du. Wi ɛmb hi tɛŋk yɔ Bɛt gɛmsilɔ giw gaak giya, wí ɛ̄mb an hinyɔ doo gi gognik hinmɛɛkɔ dubt gɛ.

2 KƆRƐŊGTU 13:7

Yɛrɛyɔ, wi zɔ̧k Bɛt an bɔnɛ gɔ hin-a̧a̧bi, wi rāā a an hi ta̧a̧w du. Yɔ anbɔ ha̧a̧wi an nɛ woo hinyɔ bɛr giya, wɛɛ wii be an wi kɔm nɛ an ya̧a̧gɔ̧ɔ̧nyaadɛ hɛw hinza gɛ.

2 KƆRƐŊGTU 8:21

Ya̧a̧nɛ, wi tɛk hinyɔ bɛrɔ, wi taa tɛk a Waar Yeesu muutdu kpɔdi, wi tɛk a dood muutdu hɛw.

EFESU 2:3

Hɔɔ, wɛ sɛw, wɛ da wɛ gi nɛ an hiya, amntɔnɔ wɛ da wɛ waak an muul wɛ bɔ ɗɔkumɔ ha̧a̧l bɔ ha̧a̧ge, wɛ fɔk hinyɔ kpoos wɛ hi mɔkil wɛ gihi ha̧a̧ko. Yɔ anbɔ wɛ da wɛ riitin nɛ hi dood zaadɛ; Bɛt nɔɔtigɔ gi nɛ an gi lɛwɛ an hii be.

EFESU 4:22

Nɛ mɛɛ a hinyɔ gi seek waabil yɔ nɛ waak amntɔnɔ, nɛ hod doo amnt bɔ hodɔ. Ɗɔkum ha̧a̧l wɔ hi gi ha̧tirgo dooɔ, wɛɛ gig gbɔŋko.

FILIPI 1:27

Hin gbunu: ɛmbil nɛ yɛgi bɛr gi riitin hi Kristu Dɔglɔ Rɔb bɔ. Zaabe an mi dag gbɔnɔ mi zaa mi seenɛ, zaabe mi dāg zaak a nɛɛge gɛ, mi kɛm ɔnɛ a hi dɔgl nɛ booko a nɛ waak hi kɔmbil nɛ gbunu hi mɔkil nɛ gbunu, nɛ kɛɛsig Dɔgl Rɔb bɔ ɗɔbsugɔ hi tɛŋko hi kpoos gbunu nɛ gig ka̧dugo.

FILIPI 4:8

Yɛ̧ɛ̧dɛ mi wɛ, a hinyɔ zɛ̧ɛ̧r an mi dɔg gedu, mɔkin hinyɔ gi rɔb sɛw, hinyɔ gi an hi ɗɔbsig sɛw, hinyɔ rii sɛw, hinyɔ gaa sɛw, hinyɔ gɔ has kpoos wɛ sɛw, hinyɔ gi bantya sɛw, an nɔ hinɔ gi gi woos rɔbo, zaabe gi rii banti, mɔkin hin wɛrɛ hiya!

1 TESALONIKI 4:12

Gɔ gi anbɔ, waabil nɛ yɛgi riis dood wɔ hi taa Yeesu fɔkya gɛ, wɛɛ bɔnɛ kams dood mɔɔto.

1 TIMƆTE 2:2

Wasin waar ɛ nɛ gbɔlɛ wɔ hi dood wɔ hi gin tɛŋk sɛw hin a Bɛt ge an wɛ ɗɔɔt rɔbtɔnɔ a saŋtum du hi Bɛt fɔk hi gbɔnɔ hi waabil gaati.

1 TIMƆTE 4:12

Bɔ doo za gi ɗa̧a̧m dɔɔ du a mɔ gi walsɛrɔ. Wɛɛsum Bɛtɗɔbsigya wɔ sɛw gbɔnɔdorkya a ya̧a̧boon du hi ɛmbil du, hi hat du, a ɗɔbsig du hi kpoos gaat du.

1 TIMƆTE 5:10

Gi an dood hi book dɔglɔ a da woowoos rɔbɛ; da kaŋk waatɔ rɔbtɔnɔ, dag rɔ̀bɛ, nɛɛs Bɛt doodɔ wɔ dɔɔya̧, ɗààs dood wɔ hi gi a zɛksil du, an bili woowoos rɔbɛ, gid gi anbɔ, hi bi̧i̧ nuŋgɔ.

IBRANIŊKO 13:18

Zɔ̧bsinwi Bɛto, wi mɛɛ bɛttɔnɔ a kpoos wi gaaga, giw ha̧a̧k an wi ɛmb rɔbtɔnɔ a hinyɔ gi gedu sɛw.

IBRANIŊKO 13:5

Bɔnɛ ɗɔkin tusɛ; kpoos nɛ kpɛ̧ɛ̧g a hinyɔ nɛ gin hage; ya̧a̧nɛ Bɛt hi zulɔ gi raa: a bé taam ɔɔko, bé taam bisig nɛ zaŋ.

YAKUBA 3:13

Bɔ gi hinmɛɛkya dubti hi hinkɛŋkya zul du a nɛ teesdu nɔ? Za̧a̧nɔ zuun hinɔ hi ɛmbilɔ rɔbo hi woosɔ wɔ gi wook hi zultiisigi an hinyɔ hinmɛɛkɔ dubt bɔ kpoos du gisig goko.

1 PIYƐR 2:15

Hinyɔ Bɛt ha̧a̧g gɛ: a rɔbnɛwook bɔ gii gi gɔ an dood yoo wɔ hi mɛ̄ɛ̄ hin gɛ hi book ya̧a̧ha̧a̧l nɛ zulha hi waksɔ.

1 PIYƐR 3:16

Yɛrɛ gɔ nɛ gihi gooko, nɛ goohi hi zulhɔniki hi ɗɔbsigi, an kpoos nɛ gi er bɛttɔnɔ. Gid lab dood wɔ hi niik waabil nɛ rɔb bɔ ɔks hi Kristu, seem gi wa̧a̧hi a ɔ̧tyɔ gɔ hi boo ya̧a̧ha̧a̧l nɛ zulha gedu.

1 PIYƐR 4:11

Za̧a̧nyɔ gi dɔk hinɛ, dɔgig anyɔ kɛm Bɛt ya̧a̧ɔ gi dɔko; za̧a̧nyɔ gi woosig doodɛ wooge hi tɛŋk yɔ Bɛt gaage, an dood hi baan Bɛt a hinyɔ nɛ wook hi Yeesu Kristu nuŋgɔ sɛw gi dɔŋgo. Gbɔlumsɛ hi tɛŋko hi gi ge wɛlɛ hi wɛlɛ. Àanbɔ.

2 PIYƐR 3:11

Nɛ yɔ gi an hin wɔrɔ sɛw hi mug laa du anbɔ, nɛɛ be, ɛmbil nɛ gi an gi gaa, nɛ Bɛt fɔk hi gbɔnɔ,