1 PIYƐR 2:11 - Nouveau Testament Doyayo

¹¹ Saam mi rɔbɛ wɛ, nɛ gi an rɔ̀bɛ gbɔnɔdaakyaadɛ a waal yɛrɛ gedu. Ya̧a̧nɛ mi zɔ̧nɛ, bɔnɛ ɔs muulɗɔkum wɔ gbɔnɔ an hi gaa kol nɛ nɔko hi ha̧tirge.

1 PIYƐR 2:11 ပူးပေါင်းရင်းမြစ်များ

LUKA 21:34

Oon zul nɛ, bɔ hinnak yɛ̧ltɔnɔ hi bumwɔniki hi zul-zɛksig yɔ waal du gi wɛɛn kpoos nɛ ɓaatili, bɔ hinɔ gi dunɛ a ɔ̧tɔ ge.

TƆMSYAADƐ WOOSƐ 15:20

Yɛrɛ yɛwɛ bi̧i̧sihi ɗɛɛrwoli a bɔhi tɔb namb ɓi̧i̧limya wɔ hi gɔnik maako hi wɛɛ hi kpɔɔnik loorɛ, bɔhi naamansi, bɔhi tɔb nambyɔ hi ɓɔ̧rɔ, bɔhi tɔb namb ga̧a̧mɛ.

TƆMSYAADƐ WOOSƐ 15:29

Dɔglɔ gɛ an bɔnɛ tɔb namb wɔ hi gɔn maako, bɔnɛ tɔb namb ga̧a̧mɛ, bɔnɛ tɔb namb yɔ hi ɓɔ̧rɔ, bɔnɛ naamansi. Nɛ oo muul nɛ an bɔnɛ gɔ hin-a̧a̧bɛ wɔrɔ. Gid nɛ oo zul nɛ hi hin wɔrɔ gɔkɔ, nɛ woo rɔbo. An Bɛt gi oonɛ, wɛ ɔɔ naako!

ROMA 12:1

Yɛ̧ɛ̧dɛ mi wɛ, ya̧a̧nɛ mi gin zɔ̧ko hi Bɛt ya̧a̧rmɛɛkɔ an nɛ gaa muul nɛ an namb za̧a̧til yɔ hi gbɛɛr hi nɔms Bɛt a sɛŋk ha, yɔ gi hin gaati, hinyɔ Bɛt gɔ ta̧a̧ hinɔ, giigi woos nɛ yɔ gi an nɛ woos Bɛt nɛ ɗɔbsinge hi rɔbo.

ROMA 7:23

Wɛɛ mi gbɛnik ꞋꞋmaakdɔglꞋꞋ za a mi muul du, gi book nɔk hi kpoos mi ꞋꞋmaakdɔglyɔꞋꞋ, gim wɔk a ꞋꞋhinha̧a̧l maakdɔglꞋꞋ yɔ gi a mi muul du gedu.

ROMA 8:13

Gid nɛ waak an hinyɔ doo hɛbtdi ha̧a̧ge, nɛ wɔrɔ. Wɛɛ gid nɛ gbɔŋk muul ɗɔkum wɔ hi Bɛt Mɔkilɔ, nɛ́ za̧a̧.

2 KƆRƐŊGTU 5:20

Wi gis ma Kristu tɔmsya ɔ̧ɔ̧nɛ a lɛlza, Bɛt gin elik hi ya̧a̧ winɛ, wi gin zɔ̧k a Kristu nuŋgdu: ta̧a̧n saams yɔ Bɛt gi gɔk hi nɛya!

2 KƆRƐŊGTU 6:1

Yɔ anbɔ anyɔ wi wook hi Bɛto, wi gin zɔ̧ko a bɔnɛ dag Bɛt gɛmsilɔ ditɔs.

2 KƆRƐŊGTU 7:1

Saammi rɔbɛ wɛ, nɛ anyɔ wɛ dag hin wɛrɛ Bɛt raa a bé woosɛ sɛwi, yɔ anbɔ, yɛwɛ gaas zul wɛ wɛ ha̧s hinyɔ gi ɓi̧i̧lik muul wɛ hi mɔkil wɛ sɛw; an hoob yɔ giwɛ ha̧a̧k Bɛto, yɛwɛ gaas zul wɛ gi da̧a̧.

GALATIYA 5:24

Za̧a̧nyɔ wɛɛ Yeesu Kristu dooɔ, do̍o̍ ɗɔkum ha̧a̧l wɔ sɛw a Yeesu dɔ̧ɔ̧rha an hi wagɔ.

EFESU 2:19

Yɔ anbɔ, nɛɛ wɔ nɛ taa Yahuduya gɛ, nɛ táa ma rɔ̀bɛ, nɛ taa dood wɔ hi fu̧u̧z lakɛ, nɛ ɔksɔ nɛ gi hɛbtwaato, nɛ gi an Bɛt doodɔ zaadɛ wɔ, nɛ gi Bɛt wāātɔ wɔ hi waak a gi raa du hiya.

EFESU 4:1

Yɛrɛ miya, mi luknɔyayɔ anyɔ mi fɔk Waar wɛ Yeesu. Mi raasin a ri ya? Ɛmbin rɔbtɔnɔ anyɔ bɛr a ɛmbil yɔ Bɛt elin nɛ an nɛ ɛmb gedu.

2 TIMƆTE 2:22

Nɔɔm sɛrums ɗɔkum wɔ, tɛm woos riiti, ɗɔbsigi, hi Bɛt hato, hi boolumi mɔ ɔks gbunu hi dood wɔ hi elk Waar Yeesu nuŋgɔ hi kpoosya̧ gaati.

IBRANIŊKO 11:13

Dood wɛrɛ sɛw hi wɔr a ɗɔbsig du. Hí dāg hinwɔ Bɛt raa a gi gaahi gɛ. Hi gbɛn hinya̧ ɔnɛ hi boohi lakilɛ, hi zuun a hi gi hɛbtza doodɛ, hi rɔ̀bɛ a waaldu.

IBRANIŊKO 6:9

Nɛ yɛrɛ anyɔ wɛ book nɛ anbɔ gii si̧, yɛ̧ɛ̧dɛ mi wɛ, wi gi ooko, wi mɛɛ a hinyɔ gi nɛnɛ, gɛ hin rɔbɛ wɔ gɔ hi ka̧nɛ a za̧a̧tig du.

YAKUBA 4:1

Gbaato hi gabsɛ hi fu̧u̧ hi nɛ teesdu nɔ? Nɛ hi fu̧u̧ a ɗɔkum nɛ wɔ hi wook gabs nɛ kpoos du hi ma mi?

1 PIYƐR 1:1

Mii Piyɛr Yeesu Kristu tɔmsɔya, mii bi̧i̧ ɗɛɛrwol yɛrɛ. Mi yaasig dood wɔ hi gi rɔ̀bɛ hi hɛks hi gi a Pɔntus, a Galatiya, a Kapadokiya, a Aaziya, hi a Bitiniya waal du.

1 PIYƐR 1:17

Gɔ nɛ gi Bɛt zɔ̧ko nɛ gig elik a Baa Bɛto. Gii be, gɔ gis dood dɔgl-gbaak gbunu gbunu sɛw an bɔ be hi woosɔyɔ woo. Wɛɛ sɔ̧̄ɔ̧̄ doo za muutɔ gɛ. Hoob-ha̧a̧nɛg Bɛto a ɔ̧t nɛ yɔ zɛ̧rsin an nɛ waa gedu a hɛbtdi.

1 PIYƐR 4:12

Saam mi rɔbɛ wɛ, ya̧a̧rhant gbɔɔl yɔ tursin an gi goo ɗɔbsig nɛ an laayɔ gɔ hi goon hɛɛlmɔto, bɔgi kɔmsin gɛrsɛ; bɔ hinyɔ gisin tuurik anbɔ gi yɔɔnɛ.

1 PIYƐR 4:2

Yɔ yɛɛl ɓɔryɔ gi tuur a ɔ̧t nɛ wɔ hi zɛ̧rsin waal du gedu, waan gedu anyɔ Bɛt ha̧a̧ge, bɔnɛ waa anyɔ ɗɔkum nɛ ha̧a̧l wɔ ha̧a̧hi.

2 PIYƐR 3:1

Saammi wɛ, ɗɛɛrwol mi eesim bɔ mi bi̧i̧sin gɛrɛ ma. A ɗɛɛrwol yɛrɛ gedu hi zaabɔ mi da mi bi̧i̧sin nɛ gedu, mi tɛb an mi rɛms kpoos nɛ rɔb bɔ gii ha