1 PIYƐR 2:1 - Nouveau Testament Doyayo

¹ Yɛrɛ, bisin hinyɔ gɔ hi el a bɔbs yɔ gi sɛw, ya̧a̧gɔ̧ɔ̧nɛ, mɛlɛ, ka̧a̧si, hi ya̧a̧ha̧a̧l yɔ gi sɛw.

1 PIYƐR 2:1 ပူးပေါင်းရင်းမြစ်များ

MATA 15:7

Nɛɛ dood mɛlya ha̧a̧l wɛ, Esaya dɔg rɔbo a nɛ zulha gi raa

MATA 23:28

Nɛɛ hɛw nɛ gbunɔ giya, nɛ bɛs doo a muulɛ, wɛɛ kpoos nɛ hi̧i̧s hi mɛlɛ hi ha̧a̧lɛ.

MATA 24:51

gɔ gi zaa gi ha̧a̧n gbaarɔ ha̧a̧l bɔ ya̧a̧r ha̧a̧ltɔnɔ, gi wɛɛ gi wa̧a̧ gi wɔge gi yaag a lɛl ha̧a̧l du hi dood mɛl ha̧a̧lya wɔ. Dood hi kaa hi gboo nuŋgya̧ a lɛlɔ gedu.

MATA 7:5

Mɛlya ha̧a̧lɛ! Ha̧sum ga̧a̧t bɔ gi mɔ yɔ̧l du kete, ɓɔr yɔ̧l mɔ gi ɔɔ gaak rɔbtɔnɔ an mɔ ha̧ts namɔza betwaa ɔnɛ bɔ gi yɔ̧l du.

MARKUS 12:15

Yeesu yɔ mɛɛ ya̧a̧gɔ̧ɔ̧nya̧, raahi: a nɔ nɛ gib tolik hi dɔglɛ? Kamsib tus gaat gbunu be see.

LUKA 11:44

Ya̧a̧rhant gisinɛ! Anyɔ nɛ gi an loor yɔ dood gɔ hi gbɛnig gɛ hi ɛmbik hage hi taa mɛɛko.

LUKA 12:1

Yɔ hin wɔrɔ hi daak sɛwi, saalzanɔ kittɔnɔ kittɔnɔ hi mɔksugo hi wɛɛ hi ɗa̧a̧tingo dɔɔ, Yeesu yɛɛl walɛsɛrɛ ɔ̧ɔ̧ wɔ raaki: a oon zul nɛ hi Farisaya wɔ hɛ̧ɛ̧tya̧ wɔ gi kpoos mɛlya ha̧a̧lɛ.

LUKA 6:42

Zaa gi an mɔ raa namɔza ri a sa̧a̧ɔ, ɔbe ha̧tsum betwaa gi a mɔ lɔl du, mɔ wɛɛ mɔ gbɛn gā̧ā̧t mɔnɛ yɔ gi a mɔ lɔl du gɛ? Mɔɔ mɛlya ha̧a̧lɛ, ha̧sum gā̧ā̧t bɔ gi mɔ lɔl du kete, ɓɔr mɔ ɔɔ gbɛnik lɔl bɛttɔnɔ an mɔ ha̧s betwaa bɔ gi a namɔza lɔl du.

YOHANA 1:47

Yɔ Yeesu gbɛn Nataniyɛl gi zaak ge, raa: a hɔnɛ Israhilaya rɔb gɛrɛ, taan mɛlɛ.

ROMA 1:29

Kpoosya̧ hi̧i̧s hi ha̧a̧lyɔ gi sɛw: an ha̧a̧lwooki, ka̧a̧si, ha̧a̧lɛ, kpoosya̧ hi̧i̧s hi lɔlha̧a̧lɛ, zulgbɔŋki, gabsɛ, maatili hi dooleki. Hi gi mɛl-yaadɛ,

1 KƆRƐŊGTU 14:20

Yɛ̧ɛ̧dɛ mi wɛ, bɔnɛ mɔkhin an ya̧a̧mwaato. Wɛɛn an ya̧a̧mwaat wɔ hi taan ha̧a̧l gɛ a woos nɛ bɔ gedu. Mɔkinhin an dood gbɔlɛ.

1 KƆRƐŊGTU 5:8

Yɛwɛ nab Paska naab wɛ bɔ bɔwɛ gɔ naabɔ kokɔ hi hɛ̧ɛ̧t wɔmto, bɔgi gi hi hɛ̧ɛ̧t ka̧a̧sya hi ha̧a̧lɛ, yɛwɛ nab hi kpoos gaat rɔbya yɔ hɛ̧ɛ̧t hinha̧a̧lya ɔks gedu gɛ.

2 KƆRƐŊGTU 12:20

Ya̧a̧nɛ hoob gi gim ha̧a̧ko; mi mɔk a kinsa gɔ mi tuurɔ mi zɛ̧nɛ anyɔ ha̧a̧m gɛ, wɛɛ nɛɛ be nɛ zɛ̧mi anyɔ hā̧ā̧ nɛɛ gɛ be. Hoob gim ha̧a̧k an bɔmi zɛm gbaato, kublɛ, nɔɔtigi, gabsɛ, niito, ya̧a̧ha̧a̧lɛ, zultɔɔsigi, zɛksili hi giro a nɛ tees du.

EFESU 4:31

Àn mɔkil zobtil sɛw, nɔɔtig sɛw, gabs sɛw, ya̧a̧ɓolti, ya̧a̧ha̧a̧lɛ hi ha̧a̧l yɔ gi sɛw, hinya̧ wagihi a nɛ tees du.

1 TESALONIKI 2:3

Ya̧a̧nɛ, dɔgl wi dɔk bɔ er a mɔkilmɛlya ha gɛ, zaabe a mɔkilha̧a̧l ha gɛ, zaabe a maatil ha gɛ.

1 TIMƆTE 3:11

Bɛtwoos ɗaakya wɔ nɛɛdya̧ be, ginihi waabil gaati, bɔhi gi mɛlbookyaadɛ a dood zulha, gihi zulhɔnikyaadɛ, gihi hinrɔbwookyaadɛ wɔ dood hi ɗɛɛ an hi gbaa mɔkilya̧ a hii a hinyɔ gi gedu sɛw.

TITUS 2:3

Mɔ raa naadnɔwaat wɔ hɛw hi ɛmb ɛmbilya̧ rɔbtɔnɔ an dood gaatɛ a Bɛt muutdu. Bɔhi boo mɛl a dood zulha, bɔhi gi bum gbaarɛ; goksihi dood zaadɛ hinyɔ gi rɔbo.

IBRANIŊKO 12:1

Yɛrɛ wɛɛ hɛw, anyɔ segyaadɛ wɔrɔ saalya̧zanɔ gbɔɔl hi gɔ̧ɔ̧wɛ, yɛwɛ bis hinyɔ gi a̧a̧nik ɛmbil wɛ sɛw, hi hinha̧a̧lyɔ giwɛ bik hi tɛŋko; yɛwɛ nɔɔ nɔɔkil yɔ gi wɛ muutdu hi hinmɔŋki wɛ tuur a da̧a̧ki,

YAKUBA 1:21

Yɔ anbɔ bisin hinyɔ gi gaak ɗibto hi hinbɔbtin yɔ gɔ hi̧i̧s kpoosɛ. Zen dɔgl yɔ hi rɛɛ a nɛ kpoos du saŋtumtɔnɔ, dɔglɔ ɗɛɛ kol nɛ za̧a̧sig ɗɛɛ.

YAKUBA 3:14

Yɛrɛ nɛ gin kubl ha̧a̧l hi gabs a nɛ kpoos du, nɛ mɔkig hinyɔ gɔ nɛ daks zul nɛ gii kpɔdi, bɔnɛ pɛɛ zul nɛ, bɔnɛ gɔ̧ɔ̧ya̧a̧ a rɔb muulɛ.

YAKUBA 4:11

Yɛ̧ɛ̧dɛ mi wɛ, bɔnɛ raatin ya̧a̧ha̧a̧lɛ. Za̧a̧nyɔ boo ya̧a̧ha̧a̧l a naaza zulha, zaa lab gɛ gi gbaas naaza dɔglɛ, boo ya̧a̧ha̧a̧l a Bɛtmaakdɔgl zulha, gbaas Bɛtmaakɔ dɔglɛ. Yɔ anbɔ gid mɔ gbaas Bɛtmaak dɔglɛ, mɔ wɛ̄ɛ̄ Bɛtmaakfɔkya gɛ, mɔ gi dɔgl gbaakya ɔ̧ɔ̧nɛ.

YAKUBA 4:5

Bɔnɛ mɔk a hinyɔ Bɛt ɗɛɛrwolɔ raa: a Bɛt gin kubl a Mɔkil bɔ yaaz wɛ kpoos du gi zulɛ, gi hin tɔsyɔ.

YAKUBA 5:9

Yɛ̧ɛ̧dɛ mi wɛ, bɔ̄ hin gi nɔɔtinnɛ nɛ niitin an bɔ̄ Bɛt gi gbaasin dɔglɛ. Za̧a̧nyɔ gɔ gi gbaas dood dɔgl sɛ̧ɛ̧bɔ, gi erk a luk gbɔnɔya̧, ha̧a̧g an gi guuzɔ.

1 PIYƐR 2:16

Waan an dood wɔ hi dag zulya̧ aakil du. Nɛ yɔ anbɔ, bɔnɛ oo zul nɛ gik bɔ aakil du an gbandili nɛ yaatin hinha̧a̧l nɛ. Lab gɛ! Woonhin an Bɛt woosyaadɛ.

1 PIYƐR 2:22

Gii ɔ̧nɛ wōō hinha̧a̧l gɛ, gɔ̧ɔ̧s doo za ya̧a̧ gɛ be.

1 PIYƐR 3:10

Yɔ anbɔ, hi bi̧i̧ a Bɛt ɗɛɛrwol du: a za̧a̧nyɔ ha̧a̧g an gi dag hat a gi waabil du, gi ha̧a̧g an hin sɛw gi resig bɛttɔnɔ, ɔɔg ya̧a̧ha̧a̧l booki, ɔɔg mɛl-eer bookɔ be;

1 PIYƐR 4:2

Yɔ yɛɛl ɓɔryɔ gi tuur a ɔ̧t nɛ wɔ hi zɛ̧rsin waal du gedu, waan gedu anyɔ Bɛt ha̧a̧ge, bɔnɛ waa anyɔ ɗɔkum nɛ ha̧a̧l wɔ ha̧a̧hi.

1 PIYƐR 4:4

Yɛrɛ yɔ hi gbɛn a nɛ taa ɔksig hi hii an nɛ gaa zul nɛ a hinya̧ ha̧a̧l yɔ daarlɛl yɛ̧ltɔnɔ gedu gɛ, kɔmsihi gɛrsɛ, hi wɛɛ hi gin niiko.

HINWƆ HI MITS YOHANA 14:5

Hi kɛ̧hi ya̧a̧gɔ̧ɔ̧n za book ɔ̧tza gɛ. Hi taan hin-a̧a̧bi.