1 PIYƐR 1:8 - Nouveau Testament Doyayo

⁸ Anyɔ nɛ gbɛn Yeesu Kristu gɛ nɛ si̧, gin ha̧a̧k a ge. Anyɔ nɛ gbɛnig nɛ gɛ ɓɛ, nɛ ɗɔbsige wɛɛ kpoos nɛ gi kpɛ̧ɛ̧ gi daarlɛlɛ, nɛ dag hat yɔ doo ɗɛ̄ɛ̄ an gi raa hinɔ gɛ. Hat bɔrɔ hatɔ be, tɔɔ hi Bɛt gbɔlumsɛ.

1 PIYƐR 1:8 ပူးပေါင်းရင်းမြစ်များ

MATA 10:37

Za̧a̧nyɔ ha̧a̧ge baatɔ, zaabe nɔɔtɔ gi daar beya tuur doo rɔb an gi wɛɛ fɔkya be gɛ.

YOHANA 14:15

Gi ha̧a̧nɛ beya, nɛ fɔ dɔgl be wɔ be gaako.

YOHANA 14:21

Za̧a̧nyɔ gin dɔgl be gi wa̧a̧k gi kpoos du, ha̧a̧g hi beya; za̧a̧nyɔ ha̧a̧g a be muulɛ, Baa be gi ha̧a̧g gi muul be, gi wɛɛ gi ha̧a̧be a gi muul be, be zuun zul be a ge.

YOHANA 14:24

Za̧a̧nyɔ hā̧a̧g bee gɛ taa wa̧a̧k dɔgl be wɔ a gi kpoos du, wɛɛ dɔgl yɔ nɛ lako taa benɛ, gi Baa be yɔ yaazib ɔ̧ɔ̧nɛ.

YOHANA 16:22

Gbunɔ, nɛya, nɛ miŋk ɓɔryɔ, yɛrɛ gɔ be wɛɛ be gbɛnin ɓɛ, kpoos nɛ gi kpɛ̧ɛ̧, wɛɛ doo za taa an gi ha̧s hat nɛ bɔ be.

YOHANA 20:29

Yeesu raage a yɔ mɔ gbɛnib ro mɔ ɗɔbsɔ. Hat gis dood wɔ hi gbɛnib gɛ hi ɗɔbsɔ.

YOHANA 8:42

Yeesu raahi a à Bɛt gi nɛ Baa nɛ giya, yɔ ha̧a̧n a be muulɛ, be fu̧u̧z a Bɛt ge ro be zaa waal du. Bé mɔ̄k hi zul benɛ an be zaa gɛ, gii yaazibe.

TƆMSYAADƐ WOOSƐ 16:34

Wɛɛ kam Pol hi Silas gi raa du gaahi lees hi le, wɛɛ dag hat gbɔɔltɔnɔ anyɔ ɗɔbs Bɛt hi doodɔ wɔ raa du hi sɛw.

ROMA 14:17

Bɛt wáátɔ taa hinlek dɔglɛ hi yɔ̧k dɔglɛ, gi rɔbwooki, boolumi, hi hat yɔ Mɔkilɔ gi gaako.

ROMA 15:13

An Bɛto, Za̧a̧nyɔ gi gaak mɔkil-gbaaki, gi gaan hat gbɔɔlɛ hi boolum rɔbo a nɛ ɗɔbsig du, kpoos nɛ gi hi̧i̧s hin wɔrɔ sɛw, an nɛ gbaa mɔkil nɛ gi tɔɔ du hi Bɛt Mɔkilɔ tɛŋkɔ.

1 KƆRƐŊGTU 16:22

Doo gi hā̧a̧g Waar Yeesu gɛ, boot yɛgi gɔge. ꞋꞋMaranata! ꞋꞋ Raakɔ a Waar i, zaamɔ! Aanbɔ.

2 KƆRƐŊGTU 1:22

Bɛt gɔ hinza a wɛ muul an hi mɛɛnɛ a wɛ gi dood ɔ̧nɛ, wɛɛ gaawɛ Mɔkilɔ a wɛ kpoos du an wɛ mɛɛn bɛttɔnɔ a wɛ za̧a̧.

2 KƆRƐŊGTU 12:4

ha̧sa rek a lɛlhɛmnt du a bɛtha, lag dɔgl zaadɛ wɔ hi daar dɔki yɔ Bɛt gāā doo gbɔnɔ an gi boo gɛ.

2 KƆRƐŊGTU 4:18

Yɔ anbɔ, wɛ taa seek hin wɔ wɛ gihi gbɛniko, wɛ seek hinwɔ hi taa gbɛnikya gɛ hiya; hinwɔ wɛ gihi gbɛnko hi gi da̧a̧kda̧, wɛɛ hinwɔ hi taa gbɛnikya gɛ hi gi faa, ya̧a̧nɛ.

2 KƆRƐŊGTU 5:7

Ya̧a̧nɛ wɛ gi ɛmbik hi ɗɔbsigyɔ, wɛ ɛ̄mb hi lɔlgbɛnik gɛ.

2 KƆRƐŊGTU 9:15

Bant gi a Bɛt ge a gaas yɔ doo ɗɛ̄ɛ̄ an gi raa hinɔ gɛ gi dɔŋgo!

GALATIYA 5:22

Yɛrɛ hinyɔ fu̧u̧z a Bɛt Mɔkilɔ tɛŋk du an tɛ̧ɛ̧huml yɔ gi tuuk a tɛ̧ɛ̧nɔɔ muul gɛrɛ: ha̧a̧tigi, hato, boolumi, hinmɔŋki, rɔbgɔki, kpoosrɔbo, ɗɔbsigi,

GALATIYA 5:6

Za̧a̧nɔ gi ɔks hi Yeesu Kristu hi nàge, hi nāg gɛ hɛw, taa hinɗɔbti. Hin gbɔɔl gɛ: a ɗɔ̀bsig yɔ gi wooyyik hi ha̧a̧tig a dood muulɛ.

EFESU 3:19

nɛ wɛɛ nɛ mɛɛ Kristu ha̧a̧tigɔ yɔ daar hinmɛɛk sɛw, an kuudu Bɛt hi zulɔ hi kpoosɔ sɛw gi waa nɛ kpoos du gi tɔɔ gedu.

EFESU 6:24

An gɛmsil gi gi hi dood wɔ ha̧a̧hi Waar wɛ Yeesu Kristu hi ha̧a̧tig yɔ gɔ kug gɛ hi zulha sɛw. Aanbɔ!

FILIPI 1:25

Hɔɔ giibɔ, ya̧a̧nɛ mi mɛɛ bɛttɔnɔ a mí ɗɔɔtɔ mi waa hi nɛɛ sɛw an mi ɗaasinɛ nɛ re doosɛ doosɛ, nɛ dag hato a ɗɔbsig nɛ bɔ gedu.

FILIPI 3:3

Dood wɔ Bɛt nahi hi rɔbo, gɛ wɛya. Wɛ gi Bɛt dood ɔ̧ɔ̧nɛ. A nɔ dɔŋgo? Anyɔ wɛ woosig Bɛt woosɛ hi Mɔkilɔ tɛŋko, anyɔ wɛ ɗɔbsig Yeesu Kristu a hinyɔ woosɛ gi dɔŋgo, anyɔ wɛ taa kol wɛ gbaak a hinyɔ wɛ ɗɛɛ wook hi tɛŋk wɛ gedu gɛ.

FILIPI 4:4

Waan hat dak a ɔksil nɛ bɔ gedu hi Waar Yeesu. Mi wɛɛ mi dɔk ɓɛ, a dagin hato.

IBRANIŊKO 11:1

Nɔ hinɔ raakɔ a ɗɔbsigi nɔ? Raakɔ a mɔ mɛɛ a hinyɔ mɔ gbaa mɔkil mɔ hage gi tuurɔ, mɔ mɛɛ bɛttɔnɔ a hinyɔ hi gbɛ̄nig kɛn gɛ gi midɔ.

IBRANIŊKO 11:27

Hi ɗɔbsig bɔ giya Muusa gi tuu a Misra hɛbt du hoobhā̧a̧g waar Firawna nɔ̧ɔ̧tigɔ gɛ anyɔ zuun kpoosɔ gbunu an gi gbɛnik za̧a̧nyɔ hi ɗɛɛg gbɛnik gɛ.

1 PIYƐR 1:6

Dagin hat a rɔɔs bɔrɔ gi dɔŋgo, gi gi nɛ an ɓɔri hɛw ya̧a̧rhant zaadɛ sɔmsɔm hi zɛ̧nɛ, hi kɔm ɔ̧t kaasi du hɛw.

1 PIYƐR 2:7

Nɛɛ yɔ nɛ gig ɗɔbsig be, wɛɛsin hin rɔb yɔ daarlɛlɛ. Wɔ hi ɗɔbs gɛ be, hi bi̧i̧ dɔglya̧ a bet yɔ lukwɔŋkya wɔ hi bisige, gii wɛɛ bet gbɔɔl tɛŋkya.

1 PIYƐR 5:4

Gɔ gi anbɔ, Nɛɛra Gbɔɔl bɔ gɔ gi midza, nɛ dag waar umskal gbɔɔl yɔ gɔ haŋs gɛ an dɔɔrɔɔs nɛ.