1 PIYƐR 1:7 - Nouveau Testament Doyayo

⁷ Bɛt gi gook ɗɔbsig nɛ bɔ hi ya̧a̧rhant an gi zuun a gi hinrɔbo. Hɛɛlmɔt yɔ gɔ wāā faa gɛ, gɔ hi yaag laa du gi ya̧a̧ an hi googe. Yɔ anbɔ, ɗɔbsig nɛ taa hin gbɔɔl dāār hɛɛlmɔt bɔ gɛ ya? Gi an hi googe an hɛɛlmɔt bɔ be. Yɛrɛ nɛ́ waak ɗɔbsigi anyɔ ya̧a̧rhant gi nɛ si̧, banti, ɗɔbsigi hi gbɔlumsɛ hi giro a ɔ̧tyɔ Yeesu Kristu gɔ gi mits dood gedu.

1 PIYƐR 1:7 ပူးပေါင်းရင်းမြစ်များ

MATA 19:28

Yeesu wɛɛ raahi a be gisin raak rɔbo, Za̧a̧n Waa bɔ gɔ gi ɗɔɔt a waar ums leeso gbɔɔl ha a waal seg du, nɛɛ yɔ nɛ fɔbzibe, nɛ ɗɔɔt a waar ums leeso koobl daa eer ha an nɛ gbaas dood Israhilaya dɔ̧ɔ̧tya̧ koobl daa eer wɔ dɔgl be.

MATA 25:21

Ɗɛntɔ bɔ raage a bɛɛrɔ, gbaar hinwookya rɔbo, mɔ fɔ woos mɔ rɔbtɔnɔ a hin fɛŋwaayɔ be gaam gedu. Be gaamɔ zaa gbɔɔl naan du. Yɛrɛ zaam mɔ dag hat hi ɗɛnt mɔ beya.

MATA 25:23

Ɗɛnt bɔ raage a gbaar hinwookya rɔbo, bɛɛrɔ, mɔ fɔ woos mɔ rɔbtɔnɔ a hin fɛŋwaa yɔ be gaam gedu, be gaamɔ zaa gbɔɔl naan du, yɛrɛ zaamɔ mɔ dag hat hi ɗɛnt mɔ beya.

LUKA 12:33

Zebrin hinyɔ nɛ ginɔ, nɛ gaa ya̧a̧rya wɔ tus bɔ nɛ dagɔ an gaasɛ. Tɛɛsin zul nɛ tus duk yɔ gɔ haŋks gɛ. Dagin rɔɔs yɔ bɛtha gɔ yɔ̧ɔ̧s gɛ. Luur gɔ sɛ̧ɛ̧b lɛlɔge gɛ, wɛɛ ga̧a̧r ɗɛɛ an gi ha̧tir hin a lɛlɔge gɛ.

LUKA 17:30

Hinɔ gi tuur anbɔ be a ɔ̧tyɔ Za̧a̧n Waa bɔ gɔ gi midz gedu.

YOHANA 12:26

Za̧a̧n za gi ha̧a̧ge an gi woosib hinɛ fɔbzigbe! À lɛl yɔ be gi ge, woosya be gi gi lɛlɔge be. Za̧a̧nyɔ gisib hin wooko, Baa be gi ɗɔbsige.

YOHANA 5:44

Nɛɛ yɔ nɛ tɛk bant a doodɛ yɔ nɛ ɗɛɛ ɗɔbsugɔ ri? Nɛ́ ɓɛ̄ɛ bant rɔb yɔ gi fu̧u̧zig a Bɛt gbunsum bɔ ge gɛ be.

TƆMSYAADƐ WOOSƐ 8:20

Hɔnɛ Piyɛr wɛɛ raage a an Bɛt gi ha̧tirmɔ hi tus mɔ bɔ sɛw anyɔ mɔ mɔk a be zeb Bɛt gaasɔ hi tusɛ!

ROMA 2:10

Yɛrɛ dood wɔ hi wook rɔb sɛw hi dag gbɔlumsɛ, ɗɔbsigi hi boolumi, gi yɛɛl a Yahuduya wɔ hi, gi tuur a dood dɔ̧ɔ̧t zaadɛ wɔ hi.

ROMA 2:29

Yahuduya rɔb gɛ za̧a̧nyɔ gi Yahuduya a gi kpoos du. Dɔms gɛ za̧a̧nyɔ nab a kpoos du, anyɔ Bɛt Mɔkilɔ gi wooko, taa a muul du anyɔ Bɛtmaakdɔgl yɔ hi bi̧i̧ gi raako. Yɔ anbɔ, bantɔ gɔ fu̧u̧ a dood gɛ, gɔ fu̧u̧z a Bɛt ge.

ROMA 2:7

Gi gaa za̧a̧tig faa bɔ a dood wɔ hi waak rɔbgɔko, hi tɛk an Bɛt gi gaahi gbɔlumsɛ, ɗɔbsigi, hi waabil faa bɔ.

ROMA 8:19

Hinwɔ Bɛt kim sɛw hi kɔm hi ook Bɛt wāātɔ wɔ midigya̧ hi gbɔlumsɛ hi ha̧a̧tig gbɔɔltɔnɔ.

1 KƆRƐŊGTU 3:13

ɔ̧tza za̧a̧nyɔ woosɔ giro gi midɔ. Gɔ gi anbɔ za̧a̧nyɔ woosɔ giro gi mid a dɔgl-gbaak bɔ ɔ̧tɔ gedu; ya̧a̧nɛ Bɛt gi gbaa laa a dood sɛw woosya̧ muulɛ an laa bɔ gi zuun woosya̧ bɔ, kinsa bɛr ya, kinsa bɛr gɛ ya.

1 KƆRƐŊGTU 4:5

Yɔ gi anbɔ bɔnɛ gbaa dɔgl gi dorɔ. Oon ɔ̧tɔ bɔ gi tuurɔ an Waar Yeesu gi zaa gi gbaa hinwɔ hi da hi yaat nɛ a lɛlwil du a lɛlgaal du gi midil mɔkil wɔ dood hi gbaak kpoos du. Gɔ gi anbɔ, bɔbe gi dag bant a Bɛt ge anyɔ riisige.

YAKUBA 1:12

Hat gi a za̧a̧nyɔ gi mɔŋk ya̧a̧rhant ge. Za̧a̧nyɔ gɔ gi er hi tɛŋk gi zuun maatil wɔ hi gig goonik mɔŋkɔ bɔ gi da̧a̧, gi dag za̧a̧tig yɔ gi ɗɛɛt dɔɔrɔɔs yɔ Bɛt raa a bé gaa dood wɔ ha̧a̧hi a beege.

1 PIYƐR 1:13

Yɔ anbɔ, mɔkin woosɛ hi lɛl-ook dɔgl rɔbtɔnɔ. Wa̧a̧n zul nɛ, nɛ wɛɛ nɛ gbaa mɔkil nɛ hi kpoos nɛ sɛw a Bɛt gɛmsilɔ yɔ gɔ gi gàan hage. A ɔ̧tyɔ Yeesu Kristu gɔ gi midza gedu.

1 PIYƐR 1:5

Anyɔ nɛ ɗɔbsig Bɛto, Bɛt gin ook hi tɛŋkɔ a za̧a̧tig nɛ yɔ gɛms gi da̧a̧ an gi zuunig a ɔ̧t yɔ̧ɔ̧sum bɔ gedu gi dɔŋgo.

1 PIYƐR 2:4

Zaan a Waar Yeesu ge. Gii gi bet za̧a̧til yɔ dood hi bisige. Anyɔ Bɛt herig nɛko, wɛɛsig hin rɔb yɔ daarlɛlɛ.

1 PIYƐR 2:7

Nɛɛ yɔ nɛ gig ɗɔbsig be, wɛɛsin hin rɔb yɔ daarlɛlɛ. Wɔ hi ɗɔbs gɛ be, hi bi̧i̧ dɔglya̧ a bet yɔ lukwɔŋkya wɔ hi bisige, gii wɛɛ bet gbɔɔl tɛŋkya.

1 PIYƐR 4:12

Saam mi rɔbɛ wɛ, ya̧a̧rhant gbɔɔl yɔ tursin an gi goo ɗɔbsig nɛ an laayɔ gɔ hi goon hɛɛlmɔto, bɔgi kɔmsin gɛrsɛ; bɔ hinyɔ gisin tuurik anbɔ gi yɔɔnɛ.

1 PIYƐR 4:13

Yɛrɛ dagin hat anyɔ nɛ dak Kristu ya̧a̧rhantɔ bɔ nɛnɛ an nɛ wɛɛ nɛ dag hat ɓɛ, wɛɛ kpoos nɛ gi kpɛ̧ɛ̧ a ɔ̧tyɔ Kristu gbɔlumsɔ gɔ gi midza gedu.

1 PIYƐR 5:1

Mi ɓaasig ɗɛntɛ Bɛtwooskaŋkigya wɔ a nɛ teesdu muulɛ. Mii yɔ mi gi ɗɛnt Bɛtwooszulya an nɛɛ be, mi gbɛn Kristu ya̧a̧rhantɔ bɔ yɔ̧, mí wɛɛ mí dag gbɔlums yɔ gɔ gi mida minɛ be.

2 PIYƐR 1:1

Mii Simɔŋ Piyɛr , Yeesu Kristu woosɔya hi tɔmsɔya. Mi bi̧i̧sig dood wɔ hi dag ɗɔbsig yɔ gi hinɗɔbt an winɛ bɔ a Yeesu Kristu yɔ gi Bɛt wɛ hi Za̧a̧sigya wɛ woos riitɔ bɔ gedu.

2 PIYƐR 1:4

Bɛt gbɔlumsɔ bɔ hi woos rɔbɔ bɔ hii gaawɛ hin gbɔɔl yɔ tɔɔ gi daarlɛlɛ hi hinɗɔbt yɔ Bɛt raa a gi gaawɛ, an nɛ ɔks anbɔ a ɗɔɔtilɔ bɔ gedu, an nɛ nɔɔ lɛlha̧tirgo yɔ gi a waal du a ɗɔkum ha̧a̧l dɔŋgo.

2 PIYƐR 3:14

Yɔ anbɔ saammi rɔbɛ wɛ, a hin wɔrɔ ookya̧ gedu, i̧i̧n tɛŋk nɛ an bɔ ɔ̧t bɔrɔ gi zaa gi zɛnɛ hi libt a kpoos du, an bɔnɛ gin a̧a̧bi a Bɛt muutdu, nɛ ɗɔɔtig rɔbtɔnɔ hi giya.

YAHUDA 1:24

Bɛt ɗɛɛ an gi oonɛ a hinyɔ gɔ gi matin gedu sɛw, gi wɛɛ gi ka̧n a gi muutdu a gi gbɔlums du, nɛ́ taan hin-a̧a̧bi, nɛ́ gin hat gbɔɔltɔnɔ.

HINWƆ HI MITS YOHANA 1:7

Yɛrɛ gi zaak hi kuusɛ. Dood sɛw hí gbɛnige. Dood wɔ hi baanig goo hɛw hi gbɛnige, wɛɛ dood dɔ̧ɔ̧t hɛbtdi sɛw hi kaa a gi dɔŋgo. Hɔɔ, gigi labɔ. Aanbɔ!

HINWƆ HI MITS YOHANA 2:10

Bɔ hoob gi ha̧a̧mɔ a hinyɔ gɔ mɔ ha̧a̧ya̧a̧r ɓɔriɓɔri gedu. Mɛɛnɛ a wag kaasi loorɛha̧a̧l gi gbalik dood zaadɛ nɛ tees du a luknɔ du an gi maatinɛ, wɛɛ nɛ ha̧a̧ya̧a̧r ɔ̧t kooblɛ. Ɗɔbsum hi tɛŋko gi tuur a wɔrk mɔ ɔ̧ti, be gaam za̧a̧tig waar ums kalɛ.

HINWƆ HI MITS YOHANA 3:10

Anyɔ mɔ fɔb dɔgl be mɔ mɔm hin anyɔ be raamɔ, benɛ be oom rɔbtɔnɔ a ya̧a̧rhant ɔ̧tyɔ gɔ gi zaa gi goo dood hɛbtdi sɛw gedu.

HINWƆ HI MITS YOHANA 3:18

Yɔ anbɔ, be gisum raak an mɔ zeb hɛɛlmɔt yɔ hi gaasig laa du a beege an mɔ wɛɛ doo rɔɔsya. Zem gbandil buu an mɔ hegɔ mɔ yaatin ɔ̧lums seemɛ. Wɛɛm mɔ zebs lɔl mɔ yɛ̧ɛ̧sɛ an gɔ mɔ ka̧a̧ gedu mɔ gbɛnlɔl bɛttɔnɔ.