1 PIYƐR 1:5 - Nouveau Testament Doyayo

⁵ Anyɔ nɛ ɗɔbsig Bɛto, Bɛt gin ook hi tɛŋkɔ a za̧a̧tig nɛ yɔ gɛms gi da̧a̧ an gi zuunig a ɔ̧t yɔ̧ɔ̧sum bɔ gedu gi dɔŋgo.

1 PIYƐR 1:5 ပူးပေါင်းရင်းမြစ်များ

YOHANA 12:48

Za̧a̧nyɔ inibe gi wɛɛ gi tā̧ā̧ dɔgl be wɔ gɛ, za̧a̧nyɔ gɔ gi gbaasig dɔgl giro; dɔglyɔ be dɔg yɔ gii gi gbaas za̧a̧nɔ dɔgl a ɔ̧t yɔ̧ɔ̧simi.

YOHANA 17:15

Bé zɔ̧̄mɔ an mɔ ha̧sihi waal du gɛ, be zɔ̧mɔ an mɔ oohi a hinha̧a̧l du.

YOHANA 4:14

Yɛrɛ za̧a̧nyɔ gɔ gi yɔ̧ mɛm yɔ gɔ be gaage taag zaa ha̧a̧k nɛ zaŋ. Mɛm yɔ gɔ be gaage, gi mɛm yɔ gi gburk a gi kpoos du gi tuur a za̧a̧tig faa du giya.

YOHANA 5:24

Be raasin rɔbo: za̧a̧nyɔ gi kɛŋk dɔgl be gi wɛɛ gi ɗɔbsig Za̧a̧nyɔ yaazib sɛw, gin za̧a̧tig faa, wɛɛ hi taasig dɔgl gbaako. Taz wɔrko, tuur a za̧a̧tig faa du.

ROMA 11:20

Hinɔ gi rɔbo; yɛrɛ hi ha̧sihi anyɔ hi in ɗɔbsigi. Mɔɔ be, Bɛt gbaam a lɛlɔge a ɗɔbsig mɔ bɔ gi dɔŋg kpɔd. Bɔmɔ pɛɛ zulɛ, gi an hoob gi ha̧a̧m Bɛto.

ROMA 8:18

Mi mɔk ya̧a̧rhant wɔ wɛ gi yɔ̧ko a ɔ̧tigi zulɛ rı̄ı̄ an hi gogsin gbɔlums yɔ gɔ gi zaa gi wɛɛ gi mitsɛ gɛ.

1 KƆRƐŊGTU 1:21

Bɛt a̧a̧n hi hinmɛɛkɔ dubti an bɔ dood waal du hi mɛɛge hi hinmɛɛkya̧ dubti, har Bɛt ɔ̧nɛ an gi za̧a̧s wɔ hi ɗɔbsig a dɔglɔ wi dɔk yɔ kɔmsihi an yooya̧a̧ gedu.

2 KƆRƐŊGTU 1:24

Wi tɛ̄b an wi wɛɛ waar a hinyɔ gɔ nɛ ɗɔbs geha gɛ, wi gisin ɗaak an nɛ dag hato anyɔ nɛ erk rɔbtɔnɔ nɛ ɗɔbsig hi kpoos nɛ gbunu.

GALATIYA 2:20

mii taa za̧a̧til ma, Kristu giigi za̧a̧til a mi muul du. Waabil mi kuud yɛrɛ mi waak a mi muul du, mi waak hi ɗɔbsig mi a Bɛt waawal yɔ ha̧a̧ge a mi muulɛ gi wɛɛ gi gàà zulɔ gi wɔr a mi kalɛ.

EFESU 2:8

Yɔ anbɔ Bɛt za̧a̧sinɛ a gɛmsilɔ bɔ gi dɔŋg ro anyɔ nɛ ɗɔbs Yeesu Kristu. Za̧a̧tigɔ fu̧u̧ a wɛɛ gɛ, gi Bɛt gaas ɔ̧ɔ̧n tɔs.

EFESU 3:17

an ɗɔbsig nɛ gi gɔ an Kristu gi waak nɛ kpoos du. Gɔ gi anbɔ, gi ha̧a̧n kpoos du gbɔɔltɔnɔ an tɛ̧ɛ̧ yɔ yaa yɛ̧ɛ̧sɔ dubtɔnɔ hi luk yɔ hi wɔm a sɛŋk betya ha.

FILIPI 1:6

Mi mɛɛ rɔbtɔnɔ a Bɛt yɔ yɛɛl woos rɔb bɔrɔ a nɛ kpoos du gi gbor wooki gi tuur gi da̧a̧ a Yeesu Kristu wɛɛzigɔ bɔ gedu.

FILIPI 4:7

Gɔ gi anbɔ Bɛt boolumɔyɔ daar hinmɛɛk sɛw gi oo kpoos nɛ hi mɔkil nɛ a ɔksil nɛ bɔ hi Yeesu Kristu gedu.

2 TIMƆTE 3:15

Mɔ mɛɛ Bɛt ɗɛɛrwolɔ be, yɛɛl yɔ mɔ gi ya̧a̧mi. Bɛt ɗɛɛrwol wɔ hi ɗɛɛ an hi ɗaasumɔ mɔ mɛɛ za̧a̧tig gbɔnɔ yɔ wɛ dagɔ, anyɔ wɛ ɗɔbs Yeesu Kristu.

TITUS 2:13

Yɛwɛ oo hinrɔb yɔ wɛ gbaak mɔkil wɛ hage hi hato: gɛ ɔ̧tyɔ gɔ wɛ gbɛn Yeesu Kristu yɔ gi Bɛt wɛ hi Za̧a̧sigya wɛ gbɔɔlɛ, gi midz gedu a gi gbɔlums du.

IBRANIŊKO 6:12

Bɔnɛ nambrɔ, fɔn dood wɔ hi ɗɔbsig Bɛt hi hinmɔŋki gid hi dak hinyɔ Bɛt raa nɛ a bé gaawɛ.

IBRANIŊKO 9:28

gbunɔ gii Kristu gi gaa zulɔ dɔɔ gbunu an gi ha̧s dood kittɔnɔ hinha̧a̧lya̧; gi midzig dɔɔ eesimɛ a dood wɔ hi gig nɛ ook an gi za̧a̧sihi hi. Midzigɔ bɔ gi taa a hinha̧a̧l dɔŋgo.

1 PIYƐR 1:13

Yɔ anbɔ, mɔkin woosɛ hi lɛl-ook dɔgl rɔbtɔnɔ. Wa̧a̧n zul nɛ, nɛ wɛɛ nɛ gbaa mɔkil nɛ hi kpoos nɛ sɛw a Bɛt gɛmsilɔ yɔ gɔ gi gàan hage. A ɔ̧tyɔ Yeesu Kristu gɔ gi midza gedu.

1 PIYƐR 4:13

Yɛrɛ dagin hat anyɔ nɛ dak Kristu ya̧a̧rhantɔ bɔ nɛnɛ an nɛ wɛɛ nɛ dag hat ɓɛ, wɛɛ kpoos nɛ gi kpɛ̧ɛ̧ a ɔ̧tyɔ Kristu gbɔlumsɔ gɔ gi midza gedu.

1 PIYƐR 5:1

Mi ɓaasig ɗɛntɛ Bɛtwooskaŋkigya wɔ a nɛ teesdu muulɛ. Mii yɔ mi gi ɗɛnt Bɛtwooszulya an nɛɛ be, mi gbɛn Kristu ya̧a̧rhantɔ bɔ yɔ̧, mí wɛɛ mí dag gbɔlums yɔ gɔ gi mida minɛ be.

2 PIYƐR 1:3

Anyɔ wɛ mɛɛ Bɛt yɔ elɛ an wɛ gɛ̧ɛ̧ gbɔlumsɔ hi rɔbgɔkɔ wɔ hi gi ɔ̧nɛ, gii woohin wɛ kpoos du hi tɛŋkɔ gbɔɔlɛ gi gaawɛ hinyɔ ha̧a̧wɛ sɛw an wɛ za̧a̧ wɛ wɛɛ wɛ fɔg hi gbɔnɔ.

1 YOHANA 3:2

Saam mi rɔbɛ wɛ, ɓɔri wɛ gi Bɛt waat ma. Yɛrɛ hinyɔ gɔ wɛ wɛɛ hinɔ midir kɛn gɛ. Yɛrɛ wɛ mɛɛmɛ a Kristu, Masihu bɔ gɔ gi midza, wɛ gbɛnige anyɔ giro, anbɔ, wɛ́ riitin hi giya.

YAHUDA 1:1

Mii Yahuda, Yeesu Kristu woosɔya hi Yakuba yɛ̧ɛ̧tɔ. Mi bi̧i̧sig dood wɔ Bɛt elihi, wɔ hi waak a Baa wɛ Bɛt hat du, wɔ hi gbaahi Yeesu Kristu ɔ̧nɛ hii ɗɛɛrwol yɛrɛ.

YAHUDA 1:24

Bɛt ɗɛɛ an gi oonɛ a hinyɔ gɔ gi matin gedu sɛw, gi wɛɛ gi ka̧n a gi muutdu a gi gbɔlums du, nɛ́ taan hin-a̧a̧bi, nɛ́ gin hat gbɔɔltɔnɔ.