1 PIYƐR 1:4 - Nouveau Testament Doyayo

⁴ Wɛ wɛɛ wɛ mɛɛ a wɛ dag hinrɔb yɔ Bɛt gbaas doodɔ hiya. Bɛt gbaasɛ rɔɔsɔ gi a bɛtha. Rɔɔsɔ ɗɛ̄ɛ̄ an gi dog gɛ, ɗɛ̄ɛ̄ an gi ha̧tir gɛ, wɛɛ ɗɛ̄ɛ̄ an gi ɓɛ̧ɛ̧r gɛ be.

1 PIYƐR 1:4 ပူးပေါင်းရင်းမြစ်များ

MATA 25:34

Gɔ gi anbɔ waar gbɔɔl bɔ gi raa wɔ hi gi a naanrɔbo a zaanɛ, nɛɛ dood wɔ Baa be Bɛt rɔbsinɛ, talin a Bɛt wáát yɔ hi gɛmtsin a waalyɛɛliki an hi gaanɛ gedu.

MARKUS 10:17

Yɔ Yeesu gi wa̧a̧k gbɔnɔ, za̧a̧n za zaa hi nɔɔkili zagl gi muutdu warige: a Hingokya rɔbo, be woo nɔ an be dag za̧a̧tig faa nɔ?

TƆMSYAADƐ WOOSƐ 20:32

Yɛrɛ ɓɔryɔ be gin ɔɔk a Bɛt naan du, an Bɛtdɔglɔ gɛmsilya bɔ gi ɗaasinɛ. Bɛt gin tɛŋk an gi tɔɔsinɛ, gi gaan rɔbsɔ an rɔɔs yɔ gbaas dood wɔ hi gi ɔnɛ sɛw.

TƆMSYAADƐ WOOSƐ 26:18

an mɔ kpɛ̧rsihi yɔ̧lya̧ an kpoosya̧ gi zɛmrɔ mɔ tudzihi a lɛlwil du hi tal a lɛlgaal du, hi a Saydanu tɛŋk du hi tuur a Bɛt ge. Gɔ anbɔ, be bitsihi hin ha̧a̧lya̧ hi wɛɛ hi dag ɗɔɔtil rɔb a dood gaatɛ wɔ hi gaa mɔkilya̧ a beege hi tees du.

ROMA 8:17

Nɛ gid wɛ gi Bɛt waato, wɛ gi Bɛt rɔɔsɔ dakya ma, wɛ gi dakya ɔksi hi Yeesu Kristu; wɛɛ gid wɛ ya̧a̧ryɔ̧k hi giya, wɛ waa hi gii a gi gbɔlums du hɛw.

1 KƆRƐŊGTU 9:25

Dood nɔɔkilya wɔ ha̧a̧hi nahiza hii daarik sɛw, hi mɔŋk a hinyɔ gi gedu sɛw an muulya̧ gi dag tɛŋko. Hi gɔk anbɔ ro an hi dag waar ums kal yɔ gɔ haŋsɔ, nɛ wɛɛ be, yɛwɛ gɔ an wɛ dag waar ums kal yɔ gɔ haŋs gɛ.

GALATIYA 3:18

Nɛ à rɔbs bɔ Bɛt gbaasɛ gi nɛ erk a maakɔdɔgl bɔ fɔkɔ hage, yɔ taa nɛ erk a hinyɔ Bɛt raa a bé gaawɛ ha ma. Yɔ anbɔ Bɛt gbaas Abraham rɔbsɔ a hinyɔ raa a bé woosum gedu.

EFESU 1:11

A ɔksig wɛ bɔ gedu hi Kristu, wɛ dag za̧a̧tig bɔ wɛnɛ dagɔ anyɔ Bɛt sɛ̧ɛ̧wɛ gaati gi gbaawɛ an hinyɔ mɔk nɛ wooki; Bɛt gɔ woo hin sɛw anyɔ mɔkɔ gi ha̧a̧g hi zulɔ.

EFESU 1:14

Bɛt Mɔkilɔ bɔ gii raasɛ wɛ mɛɛ sà̧a̧nɛ a Bɛt gbaasɛ rɔɔs wɛ a bɛtha, za̧a̧tig wɛ yɔ̧ɔ̧sum gɔ gi tuurɔ, wɛ dagige. Wɛ baan ma Bɛt gbɔlumsɔ!

EFESU 1:18

Mi gig zɔ̧k an gi gaas lɛlgaal a nɛ kpoos du nɛ mɛɛ hingbɔɔl yɔ Bɛt gbaasin a bɛtha gi elinnɛ, hinyɔ nɛ gbaak mɔkil nɛ hage, hi gbɔlumsɔ rɔɔs yɔ gɔ wɛ dag hi doodɔ wɔ lɛlgbunu.

KOLOSIYA 1:12

Nɛ gi baanik Baa wɛ Bɛt hi hato anyɔ gɛbsinɛ an nɛ wɛɛ rɔɔsdakyaadɛ hi Bɛt doodɔ zaadɛ lɛlgbunu a lɛlgaal waaldu a gi wáát du.

KOLOSIYA 1:5

anyɔ nɛ gbaa mɔkil nɛ a hinyɔ Bɛt gbaasin a bɛtha ge, yɔ nɛ yɛɛl nɛ kɛm rɔb bɔ dɔglɔ a Dɔgl Rɔb bɔ gedu.

KOLOSIYA 3:24

Ɗɛnt nɛ rɔb bɔ nɛ gisig wooswooko: gɛ Waar wɛ Kristu. Mɔkinɛ, nɛ mɛɛ a Waar Yeesu Kristu gii gi gaanɛ rɔɔs nɛ yɔ gi gbaasig doodɔ a bɛtha an dɔɔrɔɔs nɛ.

2 TIMƆTE 4:8

Yɛrɛ ɗɛɛt mi dɔɔrɔɔs bɔ gim ooko. Waar Yeesu , dɔglyɛ̧ɛ̧kya bɔhi gbɔnɔ gii gi gaami a woos miyɔ riisig gi dɔŋgo a dɔgl-gbaak bɔ ɔ̧tɔ ge. Taa mii gaak kpɔdi, gi gaak dood wɔ ha̧a̧hi a gi muul sɛw gid hi ook ɔ̧tyɔ gɔ gi miɗza gedu.

IBRANIŊKO 10:34

Yɔ anbɔ nɛ mɛɛs luknɔya wɔ ya̧a̧rɛ, nɛ mɔm hi hat nɛ sɛw, hi loot rɔɔs nɛ luurɛ anyɔ nɛ mɛɛ rɔɔs rɔb zɛ̧rsin daarlɛlɛ, rɔɔs yɔ gɔ gi waa faa.

IBRANIŊKO 9:15

Hinɔ giya gi a ya̧a̧wɔk seg bɔ teesɔ gedu hi Bɛto, an dood wɔ Bɛt elihi hi dag rɔɔs faa bɔ hi wɔb ya̧a̧ hage, yɔ Bɛt raa nɛ a bé gaahi. Hi ɗɛɛ an hi dagige anyɔ wɔrk za giro. Kristu gii wɔr ga̧a̧mɔ bɔ gi za̧a̧s dood a hi hinha̧a̧l du, anyɔ hi da hi fɔk nɛ ya̧a̧wɔk amnt bɔ.

YAKUBA 1:11

Kudɔɔl gɔ midɔ, tɛ̧ɛ̧ wɔ hi yɔ̧ɔ̧, kɔ̧ɔ̧rya̧ wɔ hi kpɔmɔ, bɛtigya̧ wɔ hi wag be. Doo rɔɔsya bɔ gi wag anbɔ be a ɔ̧tyɔ gɔ gi wookwoosɔ gedu.

1 PIYƐR 3:9

Bɔnɛ wɛɛn ha̧a̧l a za̧a̧nyɔ gɔsin ha̧a̧l ge, bɔnɛ nii za̧a̧nyɔ niinɛ. Yɛrɛ rɔbsin dood sɛw. Bɛt elin an nɛ rɔbsihi, nɛ wɛɛ nɛ dag rɔbs a Bɛt naan du be.

1 PIYƐR 5:4

Gɔ gi anbɔ, Nɛɛra Gbɔɔl bɔ gɔ gi midza, nɛ dag waar umskal gbɔɔl yɔ gɔ haŋs gɛ an dɔɔrɔɔs nɛ.

HINWƆ HI MITS YOHANA 21:27

Yɛrɛ hinza ɓi̧i̧limya taa hinɔ talk a gedu, zaabe za̧a̧nyɔ gi wook hinbɔbtini, zaabe gi gi wook hin ya̧a̧gɔ̧ɔ̧nya. Dood wɔ hi bi̧i̧ nuŋgya̧ a Tamwaa bɔ gi za̧a̧tig ɗɛɛrwol du hii gi gulk a waal gbɔɔl bɔ gedu kpɔd.