1 PIYƐR 1:3 - Nouveau Testament Doyayo

³ Yɛwɛ baan Bɛt yɔ gi Waar wɛ Yeesu Kristu Bɛtɔ hi Baatɔ! Anyɔ mɛɛsɛ ya̧a̧r gbɔɔltɔnɔ gi gaawɛ za̧a̧tig sego hi Yeesu Kristu rɛmtigɔ bɔ a wɔrkɛ teesdu an wɛ gbaak mɔkil wɛ a wɛ dag za̧a̧tig faa.

1 PIYƐR 1:3 ပူးပေါင်းရင်းမြစ်များ

YOHANA 1:13

Hí wɛ̄ɛ̄ Bɛt waatɔ an doo yɔ hɛbtdi ha̧a̧g gɛ, zaabe, anyɔ gɔ hi wɛɛsig baa waal du waaɔ gɛ. Bɛt gii mɔɔhi hi zulɔ, gii wɛɛ baaya̧.

ROMA 12:12

Dagin hat a hinyɔ nɛ ook gedu, mɔn zɛksil yɔ hi gisin gɔko, waan Bɛt zɔ̧ki.

ROMA 15:13

An Bɛto, Za̧a̧nyɔ gi gaak mɔkil-gbaaki, gi gaan hat gbɔɔlɛ hi boolum rɔbo a nɛ ɗɔbsig du, kpoos nɛ gi hi̧i̧s hin wɔrɔ sɛw, an nɛ gbaa mɔkil nɛ gi tɔɔ du hi Bɛt Mɔkilɔ tɛŋkɔ.

ROMA 4:25

Bɛt gaag wɔrk naan du a wɛ hinha̧a̧l dɔŋgo, wɛɛ rɛmsig a wɔrkɛ tees du an gi wɛɛnɛ dood riitɛ ro a gi muutdu.

ROMA 5:10

Nɛyɔ wɛ da wɛ gi nɛ Bɛt lɔlhɛ̧ɛ̧nikyaadɛ kete, nɛ wɛ wɛɛ sa̧a̧mɔ a waaɔ bɔ wɔr a wɛ kal gi dɔŋg ma mi? Nɛ yɔ anbɔ, hinyɔ daar bɔrɔ lɛl gbɔɔltɔnɔ, yɔ wɛ gi sa̧a̧mɔ ɓɔri ma giya waaɔ bɔ za̧a̧tigɔ gii gi za̧a̧sɛ.

ROMA 8:11

Wɛɛ gid Za̧a̧nyɔ rɛms Yeesu a wɔrkɛ teesdu Mɔkilɔ gi waak a nɛ kpoos du, Za̧a̧nyɔ rɛms Yeesu Kristu a wɔrkɛ teesdu gi wɛɛ gi gaa muul nɛ wɔrkil bɔ za̧a̧tigi hi Mɔkil yɔ gi waak a nɛ kpoos du tɛŋkɔ.

ROMA 8:24

Yɔ wɛ gbaak mɔkil wɛ a wɛ́ za̧a̧ ro wɛ́ za̧a̧. An wɛ gbaak mɔkil wɛ a hinyɔ gɔ wɛ gbɛn geha, hinɔ taa mɔkilgbaak ma; hinyɔ wɛ gbɛnko, gi an wɛ wɛɛ wɛ wāal ɓɛ ya?

1 KƆRƐŊGTU 13:13

Yɛrɛ hin taarɛ wɔ hi waak gɛrɛ: ɗɔbsigi, mɔkil-gbaaki hi hato. Wɛɛ hinyɔ gi gbɔɔl gi daar wɛrɛ gɛ hato.

1 KƆRƐŊGTU 15:20

Nɛ yɛrɛ ɔnɛ, Kristu rɛml ma a wɔrkɛ tees du, wɛɛ wɔ hi wɔr nɛ sɛw gbɔnɔya̧ dorkyayɔ.

2 KƆRƐŊGTU 1:3

Bant gi a Bɛt yɔ gi Waar wɛ Yeesu Kristu Bɛtɔ hi Baatɔ ge, gi Baa wɛ ya̧a̧rmɛɛkya gbɔɔltɔnɔ, gi Bɛt doorɔɔkya faa.

GALATIYA 6:16

An Bɛt gi gaa dood wɔ hi fɔk gbɔnɔ yɛrɛ sɛw boolumi gi mɛɛsihi ya̧a̧rɛ. Hii gi Bɛt Israhila ɔ̧ɔ̧ rɔbo, hii gi Bɛt doodɔ.

EFESU 1:17

mi waak zɔ̧k Waar wɛ Yeesu Kristu Bɛtɔ yɔ gi Baa wɛ gbɔlumsya an gi gaan Mɔkilɔ bɔ gi goksin hinmɛɛk dubti gi wɛɛ gi mitsin Bɛto an nɛ mɛɛge gi daarlɛlɛ.

EFESU 1:3

Yɛwɛ baan Bɛto, Waar wɛ Yeesu Kristu Baatɔ, yɔ rɔbsɛ hi Mɔkilɔ rɔbsɔ yɔ gi sɛw a bɛtha a ɔksig wɛ bɔ gedu hi Kristu!

EFESU 1:7

Anyɔ wɛ ɔks hi Kristu, wɛ dag hinha̧a̧l wɛ bisigi hi zul wɛ aakil du a Kristu ga̧a̧mɔ bɔ gub gi dɔŋgo. Bɛt zunsɛ gbɔlumsɔ rɔbgɔkya bɔ anbɔ anyɔ

EFESU 2:4

Nɛ yɛrɛ Bɛt be gin ya̧a̧rmɛɛk gbɔɔltɔnɔ, ha̧a̧g gbɔɔltɔnɔ a wɛ muulɛ.

EFESU 3:20

Yɛrɛ Bɛt gii ɗɛɛ wook hi tɛŋk yɔ gi wook wɛ muul du gi gɔ da̧a̧ gɛ, daar hinyɔ wɛ zɔ̧ko hi hinyɔ wɛ mɔkig sɛw.

KOLOSIYA 1:23

Hin gbunu: waan ɗɔbsig hi tɛŋko, bɔnɛ ɔɔ dɔglɔ. Bɔnɛ ha̧s mɔkil nɛ a hinyɔ Dɔgl Rɔb bɔ raasin hage. Nɛɛ nɛ lag dɔglɔ, wɛɛ hi dɔks dood a waal du sɛw. Mii Pol , Bɛt yaazimi an woosɔya an mi dɔks dood Dɔglɔ Rɔb bɔ.

KOLOSIYA 1:27

Dɔgl dubtyɔ tɔɔ gi daar hin zaadɛ sɛw a dood wɔ hi taa Yahuduyaadɛ gɛ hi teesdu, gɛ Kristu gi waak ɔksig gbun hi nɛya, nɛ gbaak mɔkil nɛ a ge, a nɛ tuur a Bɛt gbɔlums du. Bɛt ha̧a̧g nɛ an gi zuns doodɔ hii dɔgl dubt yɛrɛ gbɔlumsɔ yɔ daarlɛlɛ.

1 TESALONIKI 1:3

Hinyɔ wi mɔk wi mɛɛk a Baa wɛ Bɛt muutdu, gɛ ɗɔbsig nɛ woos bɔ, hi hat nɛ woos bɔ, hi hinmɔŋk yɔ fu̧u̧z a kpoos nɛ gbaak bɔ a Waar wɛ Yeesu Kristu ge.

1 TESALONIKI 4:13

Yɛ̧ɛ̧dɛ wɛ, ha̧a̧w an nɛ mɛɛ rɔb a wɔrkɛ wɔ hi dɔŋgo an bɔ kpoos nɛ gi ɗɔb an dood zaadɛ wɔ hi taan mɔkil gbaaki.

2 TESALONIKI 2:16

Yɛrɛ an Waar wɛ Yeesu Kristu hi zulɔ, hi Baa wɛ Bɛt yɔ gaawɛ muulɓaasig wɛlɛ hi wɛlɛ hi ook rɔb a gi gɛmsil du,

1 TIMƆTE 1:14

Waar wɛ Yeesu gɛmsim gbɔɔltɔnɔ daar hinha̧a̧l mi lɛl sɛw, wɛɛ baks hi ɗɔbsigi hi hat yɔ fu̧u̧z a ɔksig mi bɔ hi Yeesu Kristu gedu.

TITUS 2:13

Yɛwɛ oo hinrɔb yɔ wɛ gbaak mɔkil wɛ hage hi hato: gɛ ɔ̧tyɔ gɔ wɛ gbɛn Yeesu Kristu yɔ gi Bɛt wɛ hi Za̧a̧sigya wɛ gbɔɔlɛ, gi midz gedu a gi gbɔlums du.

IBRANIŊKO 3:6

Yɛrɛ Kristu woohin hi tɛŋk a Bɛt raadu anyɔ gi waawalɔ, Bɛt gbàag an raatɔ zulya. Bɛt raatɔ gɛ wɛya. An wɛ ook hinyɔ raa a gi gààwɛ hi tɛŋko, wɛ wa̧a̧k dɔglɔ hi walumsɛ hi hat gbɔɔltɔnɔ gi tuur a da̧a̧ki, gi gi anbɔ, wɛ gi Bɛt raatɔ bɔ gii ma.

YAKUBA 1:18

Dɔgsɛ rɔb dɔgl bɔ gii gi gaawɛ za̧a̧tigi anyɔ ha̧a̧ge hi zulɔ, an wɛɛ wɛ wɛɛsig hin rɔb yɔ daar hinwɔ kim sɛw.

1 PIYƐR 1:13

Yɔ anbɔ, mɔkin woosɛ hi lɛl-ook dɔgl rɔbtɔnɔ. Wa̧a̧n zul nɛ, nɛ wɛɛ nɛ gbaa mɔkil nɛ hi kpoos nɛ sɛw a Bɛt gɛmsilɔ yɔ gɔ gi gàan hage. A ɔ̧tyɔ Yeesu Kristu gɔ gi midza gedu.

1 PIYƐR 1:21

Nɛɛ be, nɛ ɗɔbsig Bɛt a Yeesu yɔ Bɛt ɗunsig a wɔrkɛ tees du gi wɛɛ gi gaag gbɔlums gi dɔŋgo. Yɔ anbɔ nɛ ɗɔbsig Bɛt giya nɛ wɛɛ nɛ gbaak mɔkil nɛ a hinyɔ gii gɔ gi woosin gedu.

1 PIYƐR 1:23

Nɛ mɔɔy seg hi dɔ̧ɔ̧t za yɔ gɔ ha̧tir gɛ, nɛ mɔɔy hi dɔ̧ɔ̧t yɔ gi kɔmbik faa: gɛ Bɛtdɔglɔ za̧a̧tigya bɔ gɔ waa faa giya.

1 PIYƐR 2:2

Yɔ nɛ gi an waat burko, yɛgi ha̧a̧n wa̧a̧l gaat mɔkilya bɔ an waayɛ̧s yɔ gɔ ha̧a̧g nɔɔtɔ wa̧a̧l be, an nɛ tɔɔn nɛ za̧a̧nɔ.

1 PIYƐR 3:15

Yɛrɛ gaan Kristu waar ums ɗɔɔtillɛlɔ nɛ kpoos du nɛ tiis zul nɛ gi dɔŋdi. Waan nɛ kɔm lɔlɛ. Gɔ gi anbɔ, za̧a̧nza gi ɛrin mɔkil nɛ yɔ nɛ gbaa Yeesu ge dɔglɔ, nɛ ɗɛ́ɛ an nɛ dɔks zul nɛ hin rɔbtɔnɔ.

1 PIYƐR 3:21

Hin bɔ lab gi hintuusingoya yɔ gi zuunik Bɛtmɛm yɔ gɔ za̧a̧sinɛ. Gɔ nɛ dag Bɛtmɛmɛ nɛ taa muul nɛ hotig an nɛ ha̧s libto. Yɛrɛ nɛ ɛrk Bɛt an gi gaas kpoos nɛ gi er bɛttɔnɔ. Yɔ Yeesu Kristu rɛml a wɔrkɛ teesdu gii Bɛtmɛm bɔ gi za̧a̧sinɛ.

1 PIYƐR 3:5

Amntɔnɔ, nɛɛd gaatɛ wɔ hi gbaa mɔkilya̧ a Bɛt ge, hi gbaa kɔ̧ɔ̧tig a kpoos du anbɔ be, hi wɛɛ hi tiis zulya̧ a walya̧ dɔŋdi be.

1 YOHANA 2:29

Nɛ mɛɛ a Kristu gi doo riityɔ, gi an nɛ mɛɛ hɛw a za̧a̧nyɔ woo hinyɔ rii mɔɔy a Bɛt ge gi Bɛt waayɔ.

1 YOHANA 3:3

Za̧a̧nyɔ gi ook hinyɔ Kristu gɔ gi woosig anbɔ, gi wɛɛnik kpoosɔ gaati an Kristu yɔ gi Doo gaat be.

1 YOHANA 3:9

Za̧a̧nyɔ mɔɔy a Bɛt ge gi Bɛt waayɔ, taa hinha̧a̧l wooko, ya̧a̧nɛ Bɛt dɔ̧ɔ̧tɔ za̧a̧tig seg bɔ Bɛt gaage, gi waak a gi kpoos du. Anyɔ mɔɔy a Bɛt ge, ɗɛ̄ɛ̄ an gi waa hinha̧a̧l wook ma gɛ.

1 YOHANA 4:7

Saam mi rɔbɛ, yɛnɛ gi ha̧a̧tinwɛ. Yɔ anbɔ, ha̧a̧tig fu̧u̧z a Bɛt ge, wɛɛ za̧a̧nyɔ gin hat gi kpoos du gi Bɛt waayɔ, hi mɔɔg a Bɛt ge, wɛɛ mɛɛ Bɛt hɛw.

1 YOHANA 5:1

Za̧a̧nyɔ ɗɔbsɔ a Yeesu gii Masihu bɔ gi Bɛt waayɔ. Za̧a̧nyɔ ha̧a̧g a Baa wɛ Bɛt ge, ha̧a̧g waaɔ hɛw.

1 YOHANA 5:18

Wɛ mɛɛ a za̧a̧nyɔ mɔɔy a Bɛt ge taa hinha̧a̧l wooko. Ya̧a̧nɛ, Bɛt waa fu̧u̧s bɔ Yeesu , gig ooko. Yɔ anbɔ, loorɛ­ha̧a̧lɛ yɔ gi za̧a̧n bɔbtini, ɗɛ̄ɛ̄ an gi zɛŋg ma gɛ.

1 YOHANA 5:4

Ya̧a̧nɛ, za̧a̧nyɔ mɔɔy a Bɛt ge sɛw gi ɗɛɛk waal ɗɛɛ. Wɛɛ hinyɔ wɛ ɗɛɛnik waal: gɛ ɗɔbsig wɛnɛ.