1 PIYƐR 1:22 - Nouveau Testament Doyayo

²² Yɔ nɛ fɔk rɔb-gbɔnɔ, nɛ gaas zul nɛ gaas ma, wɛɛ ha̧a̧n yɛ̧ɛ̧dɛ Yeesu fɔkya wɔ hi rɔbo. Yɔ anbɔ, ha̧a̧tinnɛ gbɔɔltɔnɔ hi kpoos nɛ sɛw.

1 PIYƐR 1:22 ပူးပေါင်းရင်းမြစ်များ

YOHANA 15:17

Be raan hin gbunu: yɛgi hatinnɛ.

YOHANA 15:3

Baa be raatin da̧a̧da̧ hi dɔgl yɔ be dɔgsinɛ, nɛ wɛɛ nɛ gaa ma gɔ.

YOHANA 17:17

Gogsumɔhi hinrɔbo an hi wɛɛ dood mɔ gaatɛ. Dɔgl mɔ gii gi hinrɔbo.

YOHANA 17:19

Bee hi zul be, be gaam muul be sɛw a hi dɔŋgo an be wɛɛ doo mɔ gaati an hii be, hi wɛɛ dood mɔ gaatɛ hi rɔbo.

TƆMSYAADƐ WOOSƐ 15:9

Gɔ̄ hinza dɔɔm hi teesdu an gi gɛ̧ksihi hi wɛɛ gɛ, gaas kpoosya̧ anyɔ hi ɗɔbs Yeesu.

TƆMSYAADƐ WOOSƐ 6:7

Bɛt dɔgl bɔ gi yɛdugo, Yeesu fɔkya wɔ hi hɔŋk a Urusalima, hi kitig gi daariklɛlɛ. Bɛtmaakwookya wɔ saalya̧ kittɔnɔ hi ta̧a̧k Yeesu dɔglɔ.

ROMA 1:5

Bɛt gɛmsim a gi dɔŋgo wɛɛnim tɔmsɔya an mi elz dood dɔ̧ɔ̧t sɛw, an hi ɗɔbsige hi wa̧a̧ dɔglɔ, nuŋgɔ gi dag gbɔlumsɛ.

ROMA 2:8

Yɛrɛ Bɛt nɔɔtigɔ hi gabsɔ hi zɛm dood wɔ hi gisig zul ɓaasugo, wɔ hi rɔb inuko, wɔ hi fɔk ha̧a̧lɛ.

ROMA 8:13

Gid nɛ waak an hinyɔ doo hɛbtdi ha̧a̧ge, nɛ wɔrɔ. Wɛɛ gid nɛ gbɔŋk muul ɗɔkum wɔ hi Bɛt Mɔkilɔ, nɛ́ za̧a̧.

2 KƆRƐŊGTU 6:6

a gaatig du a Bɛt muutdu, a hinmɛɛk du, a hinmɔŋk du, a rɔbgɔk du, a Bɛt Mɔkil bɔ ɗaakɔ gedu, a hat gaat du,

GALATIYA 3:1

Nɛɛ Galatiya wɛ! Nɛ yoo ya? Doo za da mɛɛsin hin ya ri? Nɛ mi dɔgsin nɛ Yeesu Kristu dookɔ bɔ a dɔ̧ɔ̧r muul dɔglɔ gaattɔnɔ ma mi?

GALATIYA 5:5

Wɛ́ɛ́ be, anyɔ Bɛt Mɔkilɔ gisɛ ɗaako, wɛ wɛɛ wɛ ɗɔbsig Yeesu Kristu be, wɛ ook ɔ̧t rɔb yɔ wɛ gbaa mɔkil wɛ hage hi kpoos wɛ sɛw an wɛ lag Bɛt gi raasɛ a wɛ gi hinriit wookyaadɛ a ɗɔbsig wɛ bɔ gi dɔŋgo.

GALATIYA 5:7

Nɛ da nɛ fɔk gbɔnɔ nɛ bɛttɔnɔ. Yɛrɛ bɔ esin an nɛ ɔɔ rɔbdɔgl bɔ ta̧a̧kɔ?

EFESU 4:3

I̧i̧n tɛŋk nɛ an nɛ gbaa Bɛt Mɔkilɔ ɔksig bɔ a boolum yɔ ɔksin gedu.

FILIPI 1:9

Zɔ̧kyɔ mi ɛrk a Bɛt ge gɛ: a mi ɛr Bɛto an ha̧a̧tig nɛ gi tɔɔ gi re doosɛ, doosɛ, nɛ kɛm hin bɛttɔnɔ nɛ wɛɛ nɛ mɛɛ dɔgl yɛ̧ɛ̧ki,

1 TESALONIKI 3:12

An Waar Yeesu gi woo an hat nɛ a yɛ̧ɛ̧dɛ fɔkɔya wɔ hi muul hi a dood muul sɛw gi rek doosɛ doosɛ, gi tɔɔ gi daarlɛlɛ, an hat wi yɔ gi tɔɔko gi gi daarik lɛl a nɛ muul be.

2 TESALONIKI 1:3

Yɛ̧ɛ̧dɛ wi wɛ, gi an wi waa Bɛt baanik a nɛ dɔŋgo, anyɔ bɛrɔ. Ɗɔbsig nɛ gi tɔɔk gi daariklɛl be, wɛɛ hat a nɛ teesdu nɛ gbunu gbunu sɛw gi tɔɔk gi rek doosɛ doosɛ.

2 TESALONIKI 2:13

Yɛrɛ gi an wi waa Bɛt baaniki a nɛ zulɛ, nɛɛ yɛ̧ɛ̧dɛ wi wɛ. Waar Yeesu ha̧a̧g nɛya. Bɛt herin an nɛɛ nɛ za̧a̧ doosi. Woo hinɔ hi Mɔkilɔ bɔ wɛɛnin doodɔ hi tɛŋkɔ yɔ gaan an nɛ ɗɔbs rɔbo.

1 TIMƆTE 1:3

Yɔ mi ginɛ rek a Makeduniya, mi zɔ̧́m nɛ an mɔ kɔm hɔ a Efesu mɔ raa dood zaadɛ a bɔhi gog dɔgl ya̧a̧gɔ̧ɔ̧nya,

1 TIMƆTE 1:5

Dɔgl yɔ Bɛt gaawɛ hinɔ gɔ gi seeko: gɛ hat yɔ gi fu̧u̧zig a kpoos gaat du, a kpoos yɔ er gedu, hi a ɗɔbsig rɔb du.

1 TIMƆTE 4:12

Bɔ doo za gi ɗa̧a̧m dɔɔ du a mɔ gi walsɛrɔ. Wɛɛsum Bɛtɗɔbsigya wɔ sɛw gbɔnɔdorkya a ya̧a̧boon du hi ɛmbil du, hi hat du, a ɗɔbsig du hi kpoos gaat du.

1 TIMƆTE 5:2

Dɔgsum naadnɔwaat wɔ be an mɔ dɔgsig nàà mɔ hiya, nɛɛdsɛrɛ wɔ be an siŋdɛ mɔ hi kpoos gaati.

2 TIMƆTE 1:14

Oom hingok rɔbɛ wɔ Bɛt gaamɔ naan du hi Mɔkilɔ tɛŋkɔ yɔ gi waak a wɛ kpoos du.

IBRANIŊKO 11:8

Hi ɗɔbsig bɔ giya yɔ Bɛt el Abraham kɛmsige, rek waal za yɔ Bɛt gaag an gi yɛr gi waa gedu; yɔ rekɔ mɛ̄ɛ̄ lɛlyɔ gi rek du gɛ.

IBRANIŊKO 13:1

Fɔn waak a yɛ̧ɛ̧dums hat du.

IBRANIŊKO 5:9

A ɔ̧tyɔ wɛɛ doo gbɔɔl gi ram gi da̧a̧, wɛɛs dood wɔ hi gisig tɔn kɛŋk sɛw za̧a̧tig faa zulɔya.

IBRANIŊKO 6:10

Bɛt taa hindɔɔmwookya an gi zɛn woos nɛ hi ha̧a̧tig yɔ nɛ zuun hi nuŋgɔ, nɛ woos doodɔ woosɛ, nɛ wɛɛ nɛ gisihi wooko.

IBRANIŊKO 9:14

Nɛ Kristu yɔ gaa zulɔ hi Mɔkil faa a Bɛt muutdu gaattɔnɔ, ga̧a̧mɔ bɔ gi tɛŋkya gbɔɔltɔnɔ daarlɛlɛ, gi gaas mɔkil nɛ wɔ hi gi a woos wɔrkil du an nɛ woos Bɛt za̧a̧til bɔ woosɛ.

YAKUBA 1:21

Yɔ anbɔ bisin hinyɔ gi gaak ɗibto hi hinbɔbtin yɔ gɔ hi̧i̧s kpoosɛ. Zen dɔgl yɔ hi rɛɛ a nɛ kpoos du saŋtumtɔnɔ, dɔglɔ ɗɛɛ kol nɛ za̧a̧sig ɗɛɛ.

YAKUBA 4:8

Sɛ̧ɛ̧bin Bɛto; gii be gi sɛ̧ɛ̧b nɛɛ be. Hinha̧a̧lya wɛ, gaasin naan nɛ hi kpoos nɛ, nɛɛ dood mɔkil eerya wɛ.

1 PIYƐR 1:2

Baa Bɛt yɔ mɛɛhin sɛw gi dorɔ, herin hi Mɔkilɔ yɔ wɛɛnin dood ɔnɛ an nɛ kɛms Yeesu Kristu tɔnɛ, gii be gi wɛɛ gi gaas kpoos nɛ hi ga̧a̧mɔ. An Bɛt gɛmsilɔ hi boolumi hi gisin tɔɔko tɔɔko.

1 PIYƐR 2:17

Ɗɔbsin dood sɛw. Gi ha̧a̧nɛ yɛ̧ɛ̧dɛ Yeesu fɔkya wɔ sɛw, hoob ha̧a̧nɛg Bɛto, ɗɔbsin waar gbɔɔl hɛbtya bɔ.

1 PIYƐR 3:1

Gbunɔ, nɛɛd wɛ, tiisin zul nɛ a wal nɛ hi dɔŋdi. An zaadɛya̧ hi ɗɔbs Bɛt dɔgl gɛ, gɔ hi gbɛn waabil nɛ rɔb bɔ, gi gaahi ɗɔbsigi, an nɛ boo nɛ dɔgl gbun mɔɔt gɛ si̧, hi zɛmr kpoosya̧, hi ta̧a̧ Waar Yeesu.

1 PIYƐR 3:20

Amntɔnɔ, yɔ Bɛt oo lɛl gi am a ɔ̧tyɔ Nɔwe gi dootig lɛmb gbɔɔl bɔ gedu, mɔkil wɔrɔ hí kɛ̄msigtɔn gɛ. Hinɔ gii dood kaasi, raakɔ, a dood gɛ̧ɛ̧sɛ hi za̧a̧ a mɛm ha.

1 PIYƐR 3:8

Yɔ̧ɔ̧sumɔ, nɛɛ sɛw, ɔksin kpoos nɛ lɛlgbunu, mɛɛtinnɛ ya̧a̧rɛ, gi ha̧a̧tinnɛ an yɛ̧ɛ̧dɛ Yeesu fɔkyaadɛ, ginin kpoos rɔbo, tiisin zul nɛ.

1 PIYƐR 4:17

Ya̧a̧nɛ dɔgl-gbaak ɔ̧t bɔ riiri, Bɛt gi yɛɛlik dɔglɔ gbaak bɔ a doodɔ tees du. Gi gi yɛɛlik a wɛ teesdu anbɔ, nɛ dood wɔ hi taas Bɛt Dɔgl Rɔb bɔ kɛŋk gɛ hi wɛɛ ay ma be?

1 PIYƐR 4:8

Hin gbɔɔlyɔ daar hin zaadɛ wɔ gɛrɛ: waan gi hatinnɛ hi kpoos nɛ sɛw. Bɛt hatɔ gɔ yaat hinha̧a̧l kittɔnɔ.

2 PIYƐR 1:7

A Bɛt fɔk hi gbɔnɔ geha, gòòn yɛ̧ɛ̧dums hato; a yɛ̧ɛ̧dums hat bɔ geha, gòòn hat a dood muul sɛw.

1 YOHANA 3:11

Dɔgl yɔ nɛ kɛm gi yɛɛl a biitirnaandu gɛrɛ a yɛnɛ gi ha̧a̧tin wɛ.

1 YOHANA 3:23

Dɔglɔ yɔ raawɛ: gɛ a wɛ ɗɔbs waaɔ Yeesu Kristu nuŋgɔ, gi wɛɛ gi ha̧a̧tinwɛ anyɔ Bɛt raawɛ be.

1 YOHANA 4:12

Doo za gbɛ̄ndir Bɛt gɛ, yɛrɛ gi giwɛ ha̧a̧tingo, Bɛt gi waak ɔksig gbun hi wɛya, wɛɛ waabil wɛ zuun a Bɛt ha̧a̧tig tɔɔ da̧a̧da̧ wɛ kpoos du.

1 YOHANA 4:20

Za̧a̧n za gi dɔg a ha̧a̧b Bɛto, gi wɛɛ gigi naazaza lɔlhɛ̧ɛ̧nuko, gi ya̧a̧gɔ̧ɔ̧nyayɔ. Za̧a̧nyɔ hā̧a̧g naaza yɔ gi gbɛnik gɛ rɛ, ɗɛɛ an gi ha̧a̧ge Bɛt yɔ gbɛnig gɛ ri ma nɔ?

1 YOHANA 4:7

Saam mi rɔbɛ, yɛnɛ gi ha̧a̧tinwɛ. Yɔ anbɔ, ha̧a̧tig fu̧u̧z a Bɛt ge, wɛɛ za̧a̧nyɔ gin hat gi kpoos du gi Bɛt waayɔ, hi mɔɔg a Bɛt ge, wɛɛ mɛɛ Bɛt hɛw.

HINWƆ HI MITS YOHANA 2:4

Yɛrɛ hinyɔ bɛsib a mɔɔge gɛ, ha̧a̧kyɔ ha̧a̧m doos be muulɛ mɔ biisɔ.