1 PIYƐR 1:20 - Nouveau Testament Doyayo

²⁰ Yɔ Bɛt kimdir nɛ waal kɛn gɛ, her Yeesu gaati. Yɛrɛ midzig gɔ ma a ɔ̧t yɔ̧ɔ̧sum du a nɛ dɔŋgo.

1 PIYƐR 1:20 ပူးပေါင်းရင်းမြစ်များ

MATA 25:34

Gɔ gi anbɔ waar gbɔɔl bɔ gi raa wɔ hi gi a naanrɔbo a zaanɛ, nɛɛ dood wɔ Baa be Bɛt rɔbsinɛ, talin a Bɛt wáát yɔ hi gɛmtsin a waalyɛɛliki an hi gaanɛ gedu.

TƆMSYAADƐ WOOSƐ 2:23

Wal bɔrɔ gaay a nɛ naan du anyɔ Bɛt mɔkɔ gi mɛɛ nɛ doosɛ. Nɛ wɛɛ nɛ gɔ hin-a̧a̧bi nɛ looge nɛ gaag dood wɔ hí fɔb Bɛt maak gɛ hi naan du, hi doog a dɔ̧ɔ̧r muulɛ, wɔrɔ.

ROMA 3:25

Bɛt gaaz giya an hinnaandɛmsya an gi wɔrɔ gi za̧a̧s dood hi ga̧a̧mɔ bɔ an wɔ gɔ hi ɗɔbsige hi za̧a̧. Wɛɛ zuun hinrɔbɔwook anbɔ. Hinha̧a̧l yɔ doo hi woo nɛ doosɛ Bɛt ɔsihi nɛ dɔglɔ a hinɔ mɔŋk bɔ gedu.

ROMA 8:29

Ya̧a̧nɛ da yɛɛl sɛ̧ɛ̧hi, da gbaahi nɛ dordi an hi fɔ waawal muutɔ hi wɛɛ an giya, an kuudu waawal gi wɛɛ hinda gbɔɔl a yɛ̧ɛ̧dɛ ɔ̧ɔ̧ kitɛ tees du.

GALATIYA 4:4

Wɛɛ, yɔ ɔ̧t rɔb bɔ Bɛt dɛ̧ɛ̧ tuurɔ, Bɛt yaaz waaɔ a waal du mɔɔy a nɛɛza buudu, mɔɔy a Muusa maakdɔgl bɔ gikɔ gedu,

EFESU 1:10

Hinyɔ ha̧a̧g wooko, gɛ a ɔ̧tɔ gɔ gi rii gi ɔks hinwɔ bɛtha hi hɛbtdi sɛw a Kristu nuŋg du, gi gɔ an Kristu gi wɛɛ zulya̧.

EFESU 1:4

Yɔ Bɛt da kimdir nɛ waal ket gɛ, ɔksɛ hi Kristu, wɛɛ sɛ̧ɛ̧wɛ an wɛ wɛɛsig doodɔ wɔ wɛ taan hin-a̧a̧b a gi muutdu. Yɛɛl ha̧a̧g wɛ muul ro

EFESU 3:11

Bɛt woohin anbɔ an hinyɔ da mɔk nɛ amntɔnɔ an gi da̧a̧s hi Waar wɛ Yeesu Kristu.

EFESU 3:9

wɛɛ an mi zuns dood sɛw dɔgl dubt bɔ hinɔ gaattɔnɔ. Bɛt yɔ kim hin sɛw mɔk nɛ dɔglɔ amntɔnɔ ginɛ gbaak a kpoos du; dood hi mɛ̄ɛ̄ nɛ hinɔ gɛ zaŋ.

KOLOSIYA 1:26

Da amntɔnɔ dɔgl dubt bɔ da yaatɔ, yɔ anbɔ dood dɔ̧ɔ̧t kitɛ wɔ anyɔ zaŋya̧ fɔbɔ a wɛl kitɛ wɔ hidu hi mɛɛ gɛ. Yɛrɛ Bɛt zuns doodɔ gaatɛ wɔ dɔgl dubt bɔ zunsɔ.

1 TIMƆTE 3:16

Bɛtfɔk wɛ bɔ gbɔnɔɔ dɔglɔ dub tɔɔtɔ; wɛ ta̧a̧ anbɔ, raakɔ gɛ: a Yeesu mid hi muulɔ an doo, Bɛt Mɔkilɔ raa dɔglɔ a gi doo riityɔ. Mits Bɛt walɛsɛrɛ. Dood hi dɔg dɔglɔ a dɔ̧ɔ̧t dɔɔmɛ tees du. Dood hi ɗɔbsige a waal du. Bɛt wɛɛ dɔɔnig a gbɔlums lɛl du a bɛtha.

IBRANIŊKO 1:2

A ɔ̧t yɔ̧ɔ̧sum wɛrɛ gedu be, boowɛ ya̧a̧ hi waawal yɔ gbaage, gaag hin naan du sɛw, kim waal sɛw hi waawal ya̧a̧ɔ.

IBRANIŊKO 2:14

Yɔ anbɔ, anyɔ waat wɔ hi gi muulɛ hi ga̧a̧mɛ, gii Yeesu hi zulɔ hɛw wɛɛ anbɔ, an gi wɔr gi ha̧tir Saydanu tɛŋkɔ a wɔrk zulha,

IBRANIŊKO 9:26

An ginɛ anbɔ, ginɛ an gi ha̧a̧nɛ ya̧a̧r dɔɔ kittɔnɔ yɔ waal yɛɛl nɛ gi ki̧yɔ. Yɛrɛ ɓɔryɔ mid dɔɔ gbun gaatɔ giya yɔ waal sɛ̧ɛ̧b da̧a̧ko an gi ha̧s hinha̧a̧l hi zulɔ yɔ gaa an namb yɔ gɔ hi gbɛɛrig hi gɔn maako.

1 PIYƐR 1:2

Baa Bɛt yɔ mɛɛhin sɛw gi dorɔ, herin hi Mɔkilɔ yɔ wɛɛnin dood ɔnɛ an nɛ kɛms Yeesu Kristu tɔnɛ, gii be gi wɛɛ gi gaas kpoos nɛ hi ga̧a̧mɔ. An Bɛt gɛmsilɔ hi boolumi hi gisin tɔɔko tɔɔko.

1 YOHANA 1:2

Yɔ za̧a̧tig bɔ midz wi gbɛnige, wi gisin dɔglɔ gii dɔko. Wi gisin dɔglɔ gii raako a wi gbɛn za̧a̧tig faa bɔ gi nɛ hi Baa wɛ Bɛto, gii wɛɛ gi midz a wɛ tees du.

1 YOHANA 3:5

Yɛrɛ nɛ mɛɛ a Kristu midz an gi ha̧s hinha̧a̧lɛ; gii ɔnɛ hinha̧a̧l taa a ge.

1 YOHANA 3:8

Za̧a̧nyɔ gi wook hinha̧a̧lɛ gi loorɛha̧a̧l doo ɔ̧ɔ̧nɛ. Loorɛ-ha̧a̧l gi gbosig hinha̧a̧l wooki, yɛɛl a waalyɛɛliki tuur ɓɔryɔ. Yɔ gi nɛ an Bɛt waa bɔ gi ha̧tir loorɛha̧a̧l woosɔ wɔ gii gi midza wɛ tees du.

HINWƆ HI MITS YOHANA 13:8

Dood wɔ hi ɗɔɔtig hɛbtdi sɛw, dood wɔ hi bı̧̄ı̧̄ nuŋgya̧ a Tamwaa bɔ hi gbɛɛrig nɛ gi za̧a̧tig ɗɛɛrwol bɔ gedu gɛ yɔ da baar nɛ a waalyɛɛliki, hí ɗɔbs namhɛtum ha̧a̧l bɔ ɗɔbsɔ.