1 PIYƐR 1:18 - Nouveau Testament Doyayo

¹⁸ Nɛ mɛɛ a yɔ Bɛt ginɛ zek nɛ an gi tudzin a baa nɛ maakya̧ tɔs wɔ hi ɔɔnin nɛ gedu, tōō hinza an tusɛ, zaabe hi hɛɛlmɔt yɔ gɔ wāā faa gɛ an gi zemn za̧a̧tig nɛ bɔ gɛ.

1 PIYƐR 1:18 ပူးပေါင်းရင်းမြစ်များ

MARKUS 8:37

Za̧a̧n za gi an gi gaa nɔ an kolɔ gi za̧a̧ nɔ?

ROMA 1:21

an hii yɔ hi mɛɛ Bɛt si̧, hi ɗɔ̄bsige hi sēeg an Bɛt gɛ, hi wɛɛ hi bāānig gɛ. Wɛɛ hi wag gbɔnɔ a hi mɔkil ha̧a̧l du hi kpoosya̧ yɔ gi yoo be, mɛɛhin gɛ be, wag a lɛlwil du.

1 KƆRƐŊGTU 3:20

A lɛlza hi bi̧i̧ ɓɛ: a Waar Bɛt mɛɛ hinmɛɛkya dubtɛ wɔ mɔkilya̧, mɛɛ a hi gi hintɔsyɔ.

1 KƆRƐŊGTU 6:20

Bɛt zenɛ hi rɔɔs ɗɔbti, ya̧a̧nɛ. Yɔ anbɔ, sɔ̧ɔ̧n muul nɛ an wɔd hinɗɔbsingoya an nɛ ɗɔbsin Bɛto.

1 KƆRƐŊGTU 7:23

Bɔnɛ zɛnɔ, Bɛt zenɛ hi rɔɔs ɗɔbtyɔ, bɔnɛ wɛɛs dood gbaari.

GALATIYA 1:4

Waar wɛ Yeesu Kristu gaa zulɔ a wɛ hinha̧a̧l dɔŋgo an gi ha̧sɛ a waal waabilɔ ha̧a̧l yɔ gi àgiyɔ zɛŋkɔ gedu anyɔ Baa wɛ Bɛt ha̧a̧ge.

EFESU 4:17

Hinyɔ mi raako hi hinyɔ mi dɔk a Kristu nuŋg du gɛrɛ: bɔnɛ ɛmb an dood wɔ hi mɛɛ Bɛt gɛ hi ɛmbik anyɔ mɔkilya̧ tɔs wɔ kpoos du gihi wagsugo.

TITUS 2:14

Gaa zulɔ wɔr a wɛ kalɛ an gi ha̧s hinha̧a̧l tɛŋkɔ a wɛ muulɛ, an gi gaasɛ a gi muutdu, an wɛ wɛɛ dood ɔnɛ, an wɛ wɛɛ wɛ waak hinrɔb wook hi hato.

IBRANIŊKO 9:12

Kristu gul gedu dɔɔ gbun gaatɔ gii a lɛlgaat mɔɔt bɔ gedu, tāl hi is kpaar ga̧a̧mɛ hi nawaat gbɛɛrik ga̧a̧m a gedu gɛ, yɛrɛ tan hi ga̧a̧m ɔ̧nɛ bɔ gii zaŋ gi tuusin zul wɛ a hinha̧a̧l du a aakil du faa.

1 PIYƐR 1:7

Bɛt gi gook ɗɔbsig nɛ bɔ hi ya̧a̧rhant an gi zuun a gi hinrɔbo. Hɛɛlmɔt yɔ gɔ wāā faa gɛ, gɔ hi yaag laa du gi ya̧a̧ an hi googe. Yɔ anbɔ, ɗɔbsig nɛ taa hin gbɔɔl dāār hɛɛlmɔt bɔ gɛ ya? Gi an hi googe an hɛɛlmɔt bɔ be. Yɛrɛ nɛ́ waak ɗɔbsigi anyɔ ya̧a̧rhant gi nɛ si̧, banti, ɗɔbsigi hi gbɔlumsɛ hi giro a ɔ̧tyɔ Yeesu Kristu gɔ gi mits dood gedu.

1 PIYƐR 4:3

Àmntɔnɔ nɛ fɔk nɛ dood wɔ hi mɛɛ Bɛt gɛ waabil ya̧a̧nɛ nɛ wook nɛ hinha̧a̧l yɔ daarlɛl yɛltɔnɔ, nɛ gaak nɛ muul nɛ an nɛ fɔb ɗɔkum wɔ nɛ kpoos du, nɛ wɔnik nɛ bumɛ, nɛ nak nɛ hin yɛmsbed, nɛ yɔ̧tingo nɛ bum lɛl gāanɛ, nɛ wɛɛ nɛ ɗɔbsig maak ha̧a̧l wɔ hi gi hintɔs. Hin wɔrɔ lab sɛw, nɛ woo riiri ma.

1 YOHANA 3:5

Yɛrɛ nɛ mɛɛ a Kristu midz an gi ha̧s hinha̧a̧lɛ; gii ɔnɛ hinha̧a̧l taa a ge.