1 PIYƐR 1:17 - Nouveau Testament Doyayo

¹⁷ Gɔ nɛ gi Bɛt zɔ̧ko nɛ gig elik a Baa Bɛto. Gii be, gɔ gis dood dɔgl-gbaak gbunu gbunu sɛw an bɔ be hi woosɔyɔ woo. Wɛɛ sɔ̧̄ɔ̧̄ doo za muutɔ gɛ. Hoob-ha̧a̧nɛg Bɛto a ɔ̧t nɛ yɔ zɛ̧rsin an nɛ waa gedu a hɛbtdi.

1 PIYƐR 1:17 ပူးပေါင်းရင်းမြစ်များ

MATA 16:27

Gɔ gi anbɔ Za̧a̧n Waa bɔ gi zaa gɔ a Baatɔ Bɛt gbɔlums du lɛlgbun hi Bɛt walɛsɛrɛ ɔ̧ɔ̧ gi wɛns za̧a̧nyɔ woo hinɔ dɔɔrɔɔsɔ gbunu gbunu anyɔ woo nɛ be.

MATA 22:16

Farisaya wɔ hi wɛɛ hi yaa walɛsɛrɛ ya̧ hi Waar Hirudus doodɔ an hi warig hinɛ a Hingokya , wi mɛɛ a mɔ gi doo kpoosrɔbya, mɔ wɛɛ mɔ gok Bɛt gbɔnɔ hi rɔbo, hoobhā̧ā̧mɔ dood gɛ, mɔ taa seek dood bɛtig a muutdu be.

MATA 6:9

Zɔ̧k yɔ gɔ nɛ zɔ̧bɔ gi anyɔ lɛ: Baa wi yɔ gi a bɛtha, an nuŋg mɔ gi ɗɔbɔ,

ROMA 11:20

Hinɔ gi rɔbo; yɛrɛ hi ha̧sihi anyɔ hi in ɗɔbsigi. Mɔɔ be, Bɛt gbaam a lɛlɔge a ɗɔbsig mɔ bɔ gi dɔŋg kpɔd. Bɔmɔ pɛɛ zulɛ, gi an hoob gi ha̧a̧m Bɛto.

2 KƆRƐŊGTU 1:2

An Baa wɛ Bɛto hi Waar wɛ Yeesu Kristu hi gaanɛ gɛmsili hi boolumi!

2 KƆRƐŊGTU 5:6

Yɔ anbɔ, muul wi gi waak ɓaaki anyɔ wi mɛɛ a waak yɔ wɛ waak a muul yɛrɛ gedu, wɛ waak hɛmlɛ hi Waar Yeesu.

2 KƆRƐŊGTU 7:1

Saammi rɔbɛ wɛ, nɛ anyɔ wɛ dag hin wɛrɛ Bɛt raa a bé woosɛ sɛwi, yɔ anbɔ, yɛwɛ gaas zul wɛ wɛ ha̧s hinyɔ gi ɓi̧i̧lik muul wɛ hi mɔkil wɛ sɛw; an hoob yɔ giwɛ ha̧a̧k Bɛto, yɛwɛ gaas zul wɛ gi da̧a̧.

2 KƆRƐŊGTU 7:11

Ya̧a̧nɛ kpoosɗɔk gbuna bɔ gi anyɔ ha̧a̧ Bɛto, tɛŋk-i̧i̧k nɔni gi tuus hinza a nɛ kpoos du gɛ? À zul nɛ bɔ gaasugɔ tɔɔ ri! à nɔɔtig nɛ tɔɔ ri! à hoob nɛ tɔɔ ri! à ha̧a̧tig nɛ tɔɔ ri an nɛ gbɛnimi! à woos nɛ ha̧a̧tig tɔɔ ri! à ya̧a̧rhant gaak nɛ tɔɔ ri! Nɛ zuun hi gbɔnɔ sɛw a muul nɛ gaaga a dɔglɔ gedu.

GALATIYA 2:6

Yɔ anbɔ dood wɔ hi gihi seek an dood gbɔlɛ be - dɔgl mi taadu hi gbɔlumsya̧ bɔrɔ. Bɛt gɔ gɛ̧ɛ̧ dood gɛ be - mba dood wɔ hi gihi seek an dood gbɔlɛyɔ hí gōksim hinza gɛ.

EFESU 1:17

mi waak zɔ̧k Waar wɛ Yeesu Kristu Bɛtɔ yɔ gi Baa wɛ gbɔlumsya an gi gaan Mɔkilɔ bɔ gi goksin hinmɛɛk dubti gi wɛɛ gi mitsin Bɛto an nɛ mɛɛge gi daarlɛlɛ.

EFESU 3:14

Ya̧a̧nɛ, mi zaglik a Baa wɛ Bɛt muutdu.

EFESU 6:9

Nɛɛ be, ɗɛntɛ wɛ, woonhin gbun bɔ gii a hi gbaŋgi, bɔnɛ ya̧ksihi lɔlɛ, wɛ mɛɛ a ɗɛntya̧ hi ɗɛnt nɛnɛ gi a bɛtha. Wɛɛ a gi muutdu doo gɛ̧ksig taaro.

FILIPI 2:12

Yɔ anbɔ, sa̧a̧m mi rɔbɛ wɛ, nɛ yɔ mi gi a nɛ teesdu, nɛ nɛ waasim tɔnkɛŋk ma mi? Nɛ yɛrɛ ɓɔryɔ, anyɔ mi taadi gɛ, kɛmsinmi tɔn gi daarlɛl gbɔɔltɔnɔ, nɛ woo zul nɛ za̧a̧tig woos gbunu gbunu hi hoobo, hi kpoosbeeki.

KOLOSIYA 3:25

Bɛt gɔ sɔ̧̄ɔ̧̄ doo muut gɛ. Za̧a̧nyɔ gi wook hin-a̧a̧bi, an bɔ nɛ ɓɛ, Bɛt gi gbaasig dɔglɛ an hin-a̧a̧b yɔ woo nɛ be.

IBRANIŊKO 12:28

Ya̧a̧nɛ wɛɛ yɔ gɔ wɛ dag wáát yɔ gɔ gi naml gɛ, yɛwɛ baanɔ, yɛwɛ woos Bɛt hin anyɔ rii, wɛ ta̧a̧ge hi hoob a kpoos du.

IBRANIŊKO 4:1

Yɔ anbɔ, anyɔ Bɛt raa a gulkɔ a gi holum du gi kete, yɛ hoob gi ha̧a̧wɛ an bɔ doo za gbun gi lɔɔ gulkɔ gedu.

1 PIYƐR 2:11

Saam mi rɔbɛ wɛ, nɛ gi an rɔ̀bɛ gbɔnɔdaakyaadɛ a waal yɛrɛ gedu. Ya̧a̧nɛ mi zɔ̧nɛ, bɔnɛ ɔs muulɗɔkum wɔ gbɔnɔ an hi gaa kol nɛ nɔko hi ha̧tirge.

1 PIYƐR 3:15

Yɛrɛ gaan Kristu waar ums ɗɔɔtillɛlɔ nɛ kpoos du nɛ tiis zul nɛ gi dɔŋdi. Waan nɛ kɔm lɔlɛ. Gɔ gi anbɔ, za̧a̧nza gi ɛrin mɔkil nɛ yɔ nɛ gbaa Yeesu ge dɔglɔ, nɛ ɗɛ́ɛ an nɛ dɔks zul nɛ hin rɔbtɔnɔ.