1 PIYƐR 1:12 - Nouveau Testament Doyayo

¹² Bɛt zunsihi ɗɔglɔ a hin wɔrɔ hi ɓɛɛk anbɔ labɔ, hi taas zulya̧ ɓɛɛko, hi ɓɛɛsig nɛya. Yɛrɛ dood hi dɔgsin Dɔgl Rɔb bɔ, hi dɔgsin hin wɔrɔ dɔgsɔ hi Bɛt dɔglɔ hi Bɛt Mɔkilɔ tɛŋkɔyɔ fu̧u̧z a bɛtha. Bɛt walɛsɛrɛ wɔ hɛw ha̧a̧hi an hi gbɛn hin wɔrɔ hinya̧.

1 PIYƐR 1:12 ပူးပေါင်းရင်းမြစ်များ

MATA 11:25

A ɔ̧tɔ ge Yeesu zɔ̧ Bɛt raa a Baa, Waar a bɛtha hi hɛbtdi, be baanumɔ anyɔ mɔ zuns waat wɔ hinyɔ mɔ yats nɛ dood hinmɛɛkya dubtɛ wɔ hi wɔ hi zaŋgɔ.

MATA 11:27

Baa be Bɛt gaabe hin naan du sɛw. Doo za mɛɛ Bɛt waa bɔ gɛ, gɛ Baa Bɛt mɛɛge. Doo za mɛɛ Baa Bɛt gɛ, gɛ Bɛt Waa bɔ mɛɛge hi dood wɔ Bɛt Waa bɔ ha̧a̧ge an gi zunsihige.

MATA 16:17

Yeesu wɛɛ raage a hat gi a mɔɔ, Zonas waawal Simɔŋ; Baa be yɔ bɛtha gii goksum hinɔ, doo a hɛbtdi goksum hinɔ gɛ.

MARKUS 16:15

Wɛɛ raahi: a rekin a waal du sɛw, nɛ dɔg Dɔgl Rɔb bɔ dɔglɔ a dood teesdu sɛw.

LUKA 15:10

Be gisin dɔk gbunɔ giya: a hat gi a Bɛtwalɛ-sɛrɛ ɔ̧ɔ̧ wɔ hi muutdu anbɔ lab be a hinha̧a̧lya bɔ zɛmr kpoosɔ gi dɔŋgo.

LUKA 2:26

raage a taa wɔrko gi gbɛn Masihu bɔ, za̧a̧nyɔ Waar Bɛt gɔ gi yaazig kete.

LUKA 9:6

Walɛsɛrɛ wɔ hi rek gɔ raato hi raato hi dɔk Dɔgl Rɔb bɔ, hi za̧a̧silgo dood lɛl sɛw.

YOHANA 15:26

Yɛrɛ ɗaakya bɔ gɔ gi zaa, Mɔkil hinrɔbya yɔ fu̧u̧z a Baa be ge, be yaazige a nɛɛge, gii gi boo dɔgl benɛ.

TƆMSYAADƐ WOOSƐ 10:44

Anyɔ Piyɛr gi dɔgl wɔrɔ dɔk te, Bɛt Mɔkilɔ siz a dood wɔ hi lak nɛ Piyɛr dɔglɔ sɛw hi zulha.

TƆMSYAADƐ WOOSƐ 16:10

Yɔ Pol bɛɛ hin bɔ lab gbɛnuko wi mɛɛn gɔ a Bɛt gii giw elik an wi dɔks dood Makeduniyaya wɔ Dɔgl Rɔb bɔ, wi ɓɛɛ ma gbɔnɔ gɔ an wi rek a hɔ.

TƆMSYAADƐ WOOSƐ 2:33

Yɛrɛyɔ, Bɛt dɔɔnig a gi naanrɔbo, wɛɛ dag Bɛt Mɔkilɔ anyɔ Baatɔ raa nɛ a gi gaage. Wɛɛ gɛ̧ɛ̧ ma hinyɔ nɛ gbɛnik yɔ gɛrɛ hi hinyɔ nɛ kɛŋk yɔ sɛw gɛrɛ.

TƆMSYAADƐ WOOSƐ 4:31

Yɔ hi da̧a̧s Bɛt bɔ zɔ̧kɔ, lɛl bɔ hi mɔks ge namɔ, Bɛt Mɔkilɔ hi̧i̧s hi kpoos du hi sɛw, hi wɛɛ hi dɔg Bɛt dɔglɔ hi kpoosya̧ ɓaasigi, hoobha̧a̧hi hinza gɛ.

TƆMSYAADƐ WOOSƐ 4:8

Hɔnɛyɔ Bɛt Mɔkilɔ wɛɛ gi hi̧i̧s a Piyɛr kpoos du raahi: a nɛɛ Israhilaya waar ɛ wɛ hi ɗɛntɛ wɛ,

TƆMSYAADƐ WOOSƐ 8:25

Kuudu yɔ Piyɛr hi Yohana hi raas dood hinyɔ Yeesu woo hi wɛɛ hi dɔksihi Bɛt dɔgl gi da̧a̧ hi wɛɛ a Urusalima. Yɔ hi gi wɛɛko hi dɔg Dɔgl Rɔb bɔ nɔɔha a raat kitɛ du a Samariya hɛbt du sɛw.

ROMA 1:15

Ya̧a̧ gii gi gim ha̧a̧sig gbɔɔltɔnɔ an mi rek mi dɔgsin Dɔgl Rɔb bɔ hɛw, nɛɛ dood wɔ nɛ gi a Roma.

ROMA 1:17

Bɛt zuns dood hi Dɔgl Rɔb bɔ a gi wɛɛnik za̧a̧nyɔ ɗɔbsig sɛw doo rɔb a gi muut du a ɗɔbsigɔ bɔ gi dɔŋg kpɔd. Hinza dɔɔm taaro, anyɔ Bɛt ɗɛɛrwolɔ raa a doo riiti gi za̧a̧ a ɗɔbsig bɔ gi dɔŋgo.

ROMA 10:15

Gi an doo gi ɗɔg Bɛt dɔglɔ ri à hi yaazig nɛ an gi dɔg gɛ? Ya̧a̧nɛ, Bɛt ɗɛɛrwolɔ raa a dood wɔ hi dɔk Bɛtdɔglɔ yɔ gi Dɔgl Rɔb sɛw zaakya̧ nag bɛrɔ!

ROMA 15:19

hi tɛŋk yɔ gɔ hi woon gɛrs hintuusingoya hi gɛrs gbɔlɛ zaadɛ, hi Bɛt Mɔkilɔ tɛŋkɔ. Yɔ anbɔ mi da̧a̧s Kristu Dɔglɔ Rɔb dɔkɔ yɛɛl a Urusalima hi waal zaadɛ wɔ hi sɛ̧ɛ̧b gedu tuur a mɛmbal bɔ Iliniya dɔŋdi. Mi dɔg Kristu dɔglɔ gbɔɔltɔnɔ yɛd tuur hɔ sɛw.

1 KƆRƐŊGTU 2:10

Bɛt zuns wɛya hinya̧ hi Mɔkilɔ bɔ gaawɛ, ya̧a̧nɛ Bɛt Mɔkilɔ gi gbɛnik hinyɔ yaat dubtɔnɔ sɛw hi Bɛt dubtɔ lɛl hɛw.

2 KƆRƐŊGTU 1:22

Bɛt gɔ hinza a wɛ muul an hi mɛɛnɛ a wɛ gi dood ɔ̧nɛ, wɛɛ gaawɛ Mɔkilɔ a wɛ kpoos du an wɛ mɛɛn bɛttɔnɔ a wɛ za̧a̧.

2 KƆRƐŊGTU 6:6

a gaatig du a Bɛt muutdu, a hinmɛɛk du, a hinmɔŋk du, a rɔbgɔk du, a Bɛt Mɔkil bɔ ɗaakɔ gedu, a hat gaat du,

GALATIYA 1:12

Mí lāg Dɔgl Rɔb bɔ a doo za ya̧a̧ du gɛ, wɛɛ doo za gōksim gɛ hɛw. Yeesu Kristu gii zunsim dɔglɔ hi zulɔ!

GALATIYA 1:16

zunsim waawal an mi mɛɛge, mi wɛɛ mi dɔks dood wɔ hi taa Yahuduya gɛ waawal Dɔglɔ Rɔb bɔ. Yɔ anbɔ, mi wār doo za doomisɔ gɛ,

EFESU 3:10

Mi gis dood hinɔ walkugo an Bɛt walɛsɛrɛ wɔ hi waar ɛya̧ a bɛtha hi gbɛn Yeesu fɔkya wɔ ɔksilya̧, hi wɛɛ hi mɛɛ Bɛt hinmɛɛkɔ dubt sɔmsɔm bɔ gɔ dā̧ā̧ gɛ.

1 TESALONIKI 2:9

Yɛ̧ɛ̧dɛ mi wɛ, gɔ nɛ mɔk nɛ mɛɛk woos yɔ wi woo hi mɔɔt yɔ wi dagɔ. Yɔ wi gisin nɛ Bɛt Dɔglɔ Rɔb bɔ dɔko, wi woo yɛms du hi lurk du sɛw an bɔwi ɗɔbs doo za gbun a nɛ tees du.

1 TIMƆTE 3:16

Bɛtfɔk wɛ bɔ gbɔnɔɔ dɔglɔ dub tɔɔtɔ; wɛ ta̧a̧ anbɔ, raakɔ gɛ: a Yeesu mid hi muulɔ an doo, Bɛt Mɔkilɔ raa dɔglɔ a gi doo riityɔ. Mits Bɛt walɛsɛrɛ. Dood hi dɔg dɔglɔ a dɔ̧ɔ̧t dɔɔmɛ tees du. Dood hi ɗɔbsige a waal du. Bɛt wɛɛ dɔɔnig a gbɔlums lɛl du a bɛtha.

IBRANIŊKO 11:13

Dood wɛrɛ sɛw hi wɔr a ɗɔbsig du. Hí dāg hinwɔ Bɛt raa a gi gaahi gɛ. Hi gbɛn hinya̧ ɔnɛ hi boohi lakilɛ, hi zuun a hi gi hɛbtza doodɛ, hi rɔ̀bɛ a waaldu.

IBRANIŊKO 2:4

Wɛɛ Bɛt zuun dɔglya̧ hɛw hi gɛrs hinzuunikyaadɛ, hi gɛrs tɛŋk-yaadɛ, hi gɛrs zaadɛ sɔmsɔm hi Mɔkilɔ gaasɔ yɔ gaa anyɔ ha̧a̧g giya.

IBRANIŊKO 4:2

Ya̧a̧nɛ, hi dɔgsɛ Dɔgl Rɔb bɔrɔ, hi dɔks nɛ baa wɛ hii yɔ hi da hi gi a hɛtdɔŋdu hɛw; hɔnɛyɔ hi tā̧ā̧ dɔgl bɔrɔ hi dɔgsihi hi ɗɔbsig a hi kpoos du gɛ, woosihi hinza ma gɛ.

1 PIYƐR 1:25

Yɛrɛ Waar Bɛt dɔglɔ gi waak faa. Dɔgl bɔrɔ gi Dɔgl Rɔb bɔ hi dɔgsin giya.

1 PIYƐR 4:6

Hinɔ gii Kristu gi dɔgs wɔrkɛ wɔ Dɔgl Rɔb bɔ hɛw, an Bɛt gbaas muulya̧ dɔgl an dɔgl yɔ gɔ gi gbaas dood sɛw ɗa, mɔkilya̧ gi za̧a̧ an Bɛt Mɔkil yɔ gi za̧a̧til be.

HINWƆ HI MITS YOHANA 5:11

Mi wɛɛ mi sɔ̧ɔ̧lɔlɛ, mi gbɛn Bɛt walɛsɛrɛ kittɔnɔ kittɔnɔ hi gɔ̧ɔ̧ waar ums ɗɔɔtillɛl bɔ hi hinza̧a̧til nas wɔ hi ɗɛntɛ wɔ, kitigya̧ tuur duk kittɔnɔ duko duko duk kooblɛ be, mi lag ya̧a̧boonya̧,