1 PIYƐR 1:1 - Nouveau Testament Doyayo

¹ Mii Piyɛr Yeesu Kristu tɔmsɔya, mii bi̧i̧ ɗɛɛrwol yɛrɛ. Mi yaasig dood wɔ hi gi rɔ̀bɛ hi hɛks hi gi a Pɔntus, a Galatiya, a Kapadokiya, a Aaziya, hi a Bitiniya waal du.

1 PIYƐR 1:1 ပူးပေါင်းရင်းမြစ်များ

MATA 10:2

Tɔmsya wɔ koobl daa eerɛ nuŋgya̧ gɛrɛ: doos bɔ nuŋgɔ a Simɔŋ (nuŋgɔ zaa a Piyɛr ), yɛ̧ɛ̧tɔ Andrɛ, Zebede waatɔ Yakuba hi yɛ̧ɛ̧tɔ Yohana.

MATA 24:22

An Bɛt da lɔ̄bs ɔ̧t wɔrɔ gɛ, doo za ɗɛɛ an gi za̧a̧ gɛ. Yɛrɛ lɔbs ɔ̧t wɔrɔ a dood wɔ sɛ̧ɛ̧hi hi dɔŋgo.

MATA 4:18

Anyɔ Yeesu gi fɔk a Galile mɛmbalya̧ gbɛn dutwa̧a̧k-yaadɛ eerɛ, Simɔŋ yɔ nuŋgɔ zaa a Piyɛr hi yɛ̧ɛ̧tɔ Andrɛ hi gbalik zagr mɛmbal du hi dut wa̧a̧nuko.

LUKA 18:7

Yɔ anbɔ Bɛt taa an gi yɛ̧ɛ̧s dood wɔ herihi hi kaak a ge yɛms du hi lurk du sɛw dɔgl ya? Gi ɔɔhi hi am ket ya? Lab gɛ.

YOHANA 11:52

Za̧a̧nɔ taa an gi wɔr wɔrkɔ a Yahuduya wɔ hi dɔŋg kpɔd, gi an gi kamz Bɛt waatɔ wɔ hi hɛks nɛ lɛl sɛw gi ɔksihi lɛlgbunu.

YOHANA 7:35

Yahuduya wɔ hi ɛtin hi tees du: a gii gi rek lɛlɔ ay an wɛɛ wɛ zɛŋg gɛ nɔ? Gi rek a dood wɔ hi nɔɔ hi rek a Yonaniŋkoya wɔ hi teesdu hi an gi goksihi hin ya?

TƆMSYAADƐ WOOSƐ 18:2

zɛm Yahuduya za hɔ nuŋgɔ a Akilas, doo Pɔntusya, zaatin Kɔrɛŋgtu hi nistɔ Piriskila am gɛ. Yɔ Waar Romaya bɔ Kalawdiya raa nɛ a Yahuduya wɔ sɛw hi tuu hi ɔɔ Roma hɛbtɔ gii Akilas hi nisɔ hi ɔɔ Itali hi zaa a Kɔrɛŋgtu. Pol be re hii booko.

TƆMSYAADƐ WOOSƐ 18:23

Kuudu yɔ am hɔ kaasi, wɛɛ ɗuk da daa a Galatiya hi Firiziya hɛbt du, gi Yeesu fɔkya wɔ sɛw tɛŋk gaak nɔɔha a lɛlyɔ gi daak ge sɛw.

TƆMSYAADƐ WOOSƐ 19:10

Pol woo anbɔ wɛl eerɛ. Yɔ anbɔ, dood Aaziyaya wɔ sɛw, Yahuduya wɔ hi Yonaniŋkoya wɔ sɛw, hi kɛm Waar Yeesu dɔglɔ.

TƆMSYAADƐ WOOSƐ 6:9

Dood zaadɛ wɔ hi fu̧u̧z a mɔksilluk za yɔ gɔ hi el a Gbaarɛ Bisilyaadɛ Mɔksilluko, wɔ hi lag Kirɛnɛ ya̧a̧boon hi Iskandariya wɔ ya̧a̧boonya̧, hi Yahuduya wɔ a Silisi hi wɔ hi gi a Aaziya ya̧a̧boonya̧ hi yɛɛl hinfaltingo hi Estafanus.

TƆMSYAADƐ WOOSƐ 8:4

Yeesu fɔkya zaadɛ wɔ hi hɛks hi rek hi dɔg Dɔgl Rɔb bɔ a lɛlyɔ hi re ge sɛw.

1 KƆRƐŊGTU 16:19

Yeesu fɔkya wɔ hi mɔksig lɛl sɔmsɔm a Aaziya a hi boon du. Akilas hi nisɔ Piriskila hi Yeesu fɔkya wɔ hi mɔksig a hi raa du hi boom du gbɔɔltɔnɔ a Yeesu nuŋg du.

2 KƆRƐŊGTU 1:8

Yɛ̧ɛ̧dɛ mi wɛ, hā̧a̧w an zɛksil yɔ zɛ̧w a Àaziya dɔglɔ gi wagin gɛ, wi ha̧a̧ya̧a̧r ha̧a̧ltɔnɔ daar tɛŋk wi daarɔ, wi ha̧s nɛ mɔkil wi gii zaŋ a wi taa za̧a̧ko.

EFESU 2:12

A ɔ̧tɔ ge nɛ da nɛ taa hi Kristu. Nɛ rɔ̀bɛyɔ. Nɛ ɔ̄ks hi Israhila gɛ. Nɛ da nɛ hɛml hi ya̧a̧wɔk yɔ Bɛt wɔ̀b nɛ hi doodɔ wɔ herihi. Nɛ ɗɔɔt nɛ a waal du, nɛ da nɛ mɛ̄ɛ̄ Bɛt gɛ be, nɛ wɛ̄ɛ̄ nɛ gbaa kpoos nɛ a hinza ha gɛ be.

EFESU 2:19

Yɔ anbɔ, nɛɛ wɔ nɛ taa Yahuduya gɛ, nɛ táa ma rɔ̀bɛ, nɛ taa dood wɔ hi fu̧u̧z lakɛ, nɛ ɔksɔ nɛ gi hɛbtwaato, nɛ gi an Bɛt doodɔ zaadɛ wɔ, nɛ gi Bɛt wāātɔ wɔ hi waak a gi raa du hiya.

2 TIMƆTE 1:15

Anyɔ mɔ mɛɛ, dood wɔ hi gi a Aaziya hɛbt du sɛw hi ɔɔm-ɔɔ. Fegelus hi Hermɔzanɛs hi gi wɔrɔ hi teesdu hɛw.

IBRANIŊKO 11:13

Dood wɛrɛ sɛw hi wɔr a ɗɔbsig du. Hí dāg hinwɔ Bɛt raa a gi gaahi gɛ. Hi gbɛn hinya̧ ɔnɛ hi boohi lakilɛ, hi zuun a hi gi hɛbtza doodɛ, hi rɔ̀bɛ a waaldu.

YAKUBA 1:1

Mii Yakuba, Bɛto hi Waar Yeesu Kristu woosyaya̧. Mii gi bi̧i̧sig Israhila dɔ̧ɔ̧t koobl daa eer wɔ hi hɛks a waal du sɛw ɗɛɛrwol yɛrɛ. Seko!

1 PIYƐR 2:11

Saam mi rɔbɛ wɛ, nɛ gi an rɔ̀bɛ gbɔnɔdaakyaadɛ a waal yɛrɛ gedu. Ya̧a̧nɛ mi zɔ̧nɛ, bɔnɛ ɔs muulɗɔkum wɔ gbɔnɔ an hi gaa kol nɛ nɔko hi ha̧tirge.

2 PIYƐR 1:1

Mii Simɔŋ Piyɛr , Yeesu Kristu woosɔya hi tɔmsɔya. Mi bi̧i̧sig dood wɔ hi dag ɗɔbsig yɔ gi hinɗɔbt an winɛ bɔ a Yeesu Kristu yɔ gi Bɛt wɛ hi Za̧a̧sigya wɛ woos riitɔ bɔ gedu.

HINWƆ HI MITS YOHANA 1:11

a bi̧i̧m hinyɔ mɔ gbɛnk a ɗɛɛrwol du mɔ yaa a fɔkbeyaadɛ ɔksilya̧ lɛl nɔɔn-er wɔ hi: a Efesu, a Samirna, a Pɛrgam, a Tiyatira, a Sardis, a Filadɛlfi hi a Lawdikiya.