1 KƆRƐŊGTU 15:2 - Nouveau Testament Doyayo

² Gid nɛ wa̧a̧ dɔglɔ kpoos ɗu anyɔ mi da mi dɔgsinɛ, dɔglɔ gii za̧a̧sinɛ. À lab gɛ yɔ nɛ ɗɔbs ya̧a̧rɛ.

1 KƆRƐŊGTU 15:2 ပူးပေါင်းရင်းမြစ်များ

LUKA 8:13

Dood zaadɛ hi riitin an betwaat lɛlɛ: doodya̧ hii gɔ kɛm Bɛt dɔglɛ hi ta̧a̧ hi hato; wɛɛ hi ɔ̄ɔ̄ dɔgl bɔ an gi yaa yɛ̧ɛ̧sɔ hi kpoos du gɛ, hi ɗɔbs am kaasi, hinza gɔ bɛɛhi maatugo hi ɔɔ dɔgl bɔ ɔɔ.

TƆMSYAADƐ WOOSƐ 2:47

Hi baanik Bɛto, dood sɛw hi wɛɛn Yeesu fɔkya wɔ dood rɔ́bɛ. Wɛɛ Waar Bɛt gi tɔŋsig dood wɔ za̧a̧sihi ɔ̧t nuŋg sɛw a ɔksilya̧ bɔ gedu.

TƆMSYAADƐ WOOSƐ 8:13

Simɔŋ hi zulɔ ɗɔbs Bɛt dɔgl bɔ hɛw, wɛɛ dag Bɛtmɛmɛ. Yɔ anbɔ wɛɛ ɔ̄ɔ̄ Filib dɔŋgɔ zaa ma gɛ. Yɔ gbɛn hinmɛksingoyaadɛ hi gɛrs gbɔlɛ zaadɛ wɔ Bɛt zuun a Filib naan du, yɔɔgyɔ.

ROMA 1:16

Yɔ anbɔ seemhā̧a̧m Dɔgl Rɔb bɔ gɛ, gi Bɛt tɛŋkɔyɔ gɔ za̧a̧sin za̧a̧nyɔ gig ɗɔbsig sɛw, yɛɛl a Yahuduya wɔ hi, tuur a dood wɔ hi taa Yahuduyaadɛ gɛ hi sɛw.

ROMA 11:22

Seem Bɛt rɔbgɔkɔ hi gabsɔ yɔ gi a dood wɔ hi inig hi zulha; rɔbgɔkɔ gi a mɔɔge gid mɔ waak hi kpoos mɔ sɛw a rɔbgɔkɔ bɔ gedu. Gi lab gɛ, mɔɔ hɛw, hi dɛ̧ɛ̧lumdɛ̧ɛ̧lɔ.

1 KƆRƐŊGTU 1:18

Kristu wɔrkɔ a dɔ̧ɔ̧r muul dɔgl yɔ gɔ hi dɔko, gis wɔ hi gi fɔk laazɛŋk gbɔnɔ an yooya̧a̧ dɔglɛ. Nɛ́ wɛ́ɛ́ yɔ wɛ gi a za̧a̧tig gbɔnɔ du be, wɛnɛ gisɛ Bɛt tɛŋk ɔ̧ɔ̧nɛ.

1 KƆRƐŊGTU 1:21

Bɛt a̧a̧n hi hinmɛɛkɔ dubti an bɔ dood waal du hi mɛɛge hi hinmɛɛkya̧ dubti, har Bɛt ɔ̧nɛ an gi za̧a̧s wɔ hi ɗɔbsig a dɔglɔ wi dɔk yɔ kɔmsihi an yooya̧a̧ gedu.

1 KƆRƐŊGTU 11:2

Mi baaninɛ anyɔ nɛ waa nɛ gim mɔkugo, hi anyɔ nɛ wɛɛ nɛ fɔk hinwɔ mi goksinɛ mi ɔninɛ.

1 KƆRƐŊGTU 15:14

Wɛɛ à Kristu rɛml nɛ gɛ, Bɛtdɔgl wi dɔk bɔ yɔ ginɛ hintɔsi ma, ɗɔbsig nɛ bɔ hɛw yɔ gi hintɔsi be.

2 KƆRƐŊGTU 2:15

Wɛ gi an kurum ki̧i̧lhɛmntya yɔ Kristu gaa Bɛt giya. Wɛ gis dood wɔ hi za̧a̧ko hi wɔ hi wako.

2 KƆRƐŊGTU 6:1

Yɔ anbɔ anyɔ wi wook hi Bɛto, wi gin zɔ̧ko a bɔnɛ dag Bɛt gɛmsilɔ ditɔs.

GALATIYA 3:4

Hinyɔ tursin sɛw rāāsin hinza nɛ kpoos du gɛ ya ri? Mi gbɛn mɔkil mi raasin hinza.

EFESU 2:8

Yɔ anbɔ Bɛt za̧a̧sinɛ a gɛmsilɔ bɔ gi dɔŋg ro anyɔ nɛ ɗɔbs Yeesu Kristu. Za̧a̧tigɔ fu̧u̧ a wɛɛ gɛ, gi Bɛt gaas ɔ̧ɔ̧n tɔs.

KOLOSIYA 1:23

Hin gbunu: waan ɗɔbsig hi tɛŋko, bɔnɛ ɔɔ dɔglɔ. Bɔnɛ ha̧s mɔkil nɛ a hinyɔ Dɔgl Rɔb bɔ raasin hage. Nɛɛ nɛ lag dɔglɔ, wɛɛ hi dɔks dood a waal du sɛw. Mii Pol , Bɛt yaazimi an woosɔya an mi dɔks dood Dɔglɔ Rɔb bɔ.

2 TESALONIKI 2:15

Yɔ anbɔ yɛ̧ɛ̧dɛ wi wɛ, erin rɔbtɔnɔ, wa̧a̧n hingok wɔ wi dɔgsin hi ya̧a̧ wi, wi ɔɔnin a kpoos du, zaabe, hi wɔ wi bi̧i̧sin a ɗɛɛrwol du.

2 TIMƆTE 1:9

Gii za̧a̧sɛ, gii wɛɛ gi elɛ an wɛ wɛɛ doodɔ waabil gaatyaadɛ. Bɔ lab taa a woos wɛ rɔbɛ wɔ hi dɔŋgo, gi a ha̧a̧tigɔ hi gɛmsilɔ dɔŋgo. Gaawɛ gɛmsilɔ a Yeesu Kristu naan du yɔ waal yɛɛlid nɛ ket gɛ.

IBRANIŊKO 10:23

Anyɔ wɛ mɛɛ a Za̧a̧nyɔ raa a bé woosɛ hinza gi Doo rɔb yɔ gɔ woo hinyɔ raa sɛwi, yɛwɛ waa mɔkil wɛ gbaak a hinyɔ raasɛ hage a hinyɔ gɔ wɛ dɔk gedu sɛw, bɔwɛ faa.

IBRANIŊKO 2:1

Yɔ anbɔ, yɛwɛ wa̧a̧ Dɔgl Rɔb yɛrɛ wɛ kɛm hi kpoos gbun gi daarlɛlɛ, muulɔge gi daarɔ, an bɔwɛ hɛɛ gbɔnɔ wɛ hɛml hi hin wɔrɔ.

IBRANIŊKO 3:14

Ya̧a̧nɛ, wɛ waak ɗɔbsig hi kpoos wɛ gbunu an yɛɛlik yɔ wɛ yɛɛl nɛko gi tuur a da̧a̧ki, wɛ gi Kristu saamɔ hii gɔ,

IBRANIŊKO 3:6

Yɛrɛ Kristu woohin hi tɛŋk a Bɛt raadu anyɔ gi waawalɔ, Bɛt gbàag an raatɔ zulya. Bɛt raatɔ gɛ wɛya. An wɛ ook hinyɔ raa a gi gààwɛ hi tɛŋko, wɛ wa̧a̧k dɔglɔ hi walumsɛ hi hat gbɔɔltɔnɔ gi tuur a da̧a̧ki, gi gi anbɔ, wɛ gi Bɛt raatɔ bɔ gii ma.

IBRANIŊKO 4:14

Yɛrɛ anyɔ Bɛtmaakwookya wɛ gbɔɔl mɔɔt bɔ kar a bɛtha, Bɛt waaɔ Yeesu , yɛwɛ ɗɔɔt hi kpoos wɛ gbunu a ɗɔbsig yɔ wɛ dɔk dɔglɔ gedu.

YAKUBA 2:14

Yɛ̧ɛ̧mi wɛ, doo gi raa a be ɗɔbsig Bɛto, gi wōōn-woosɔ du gɛ, gi an gi dag nɔ gedu, ɗɔbsigɔ bɔ gi za̧a̧sig ya?

YAKUBA 2:17

Za̧a̧nɔ gi gi ɗɔbsig Bɛto, ɗɔbsigɔ bɔ gi kɔm ɔ̧ɔ̧kɔ gi ɔ̄ks hi woos du gɛ, wɛɛ hintɔsyɔ.

YAKUBA 2:26

Anyɔ muul gɔ taan kol gɛ gi wɔrɔ, gbunɔ giya ɗɔbsigi gi ɔks hi woos gɛ wɔɔr be.