परकासितवाक्य 7:17 - भगवान कर सच्चा बचन

¹⁷ काखे ऊ मेमना जउन राजगद्दी के बीच हे हबै, उनखर देखभाल करही, ऊ उनके जीवन दे बाले पानी के झरना के लिघ्घो लइ जही अउ भगवान उनखर आंखी के हर आंसू के पोंछ देही।”

परकासितवाक्य 7:17 ပူးပေါင်းရင်းမြစ်များ

मत्ती 2:6

हे बैतलहम, जउन यहूदा के परदेस हे हबै, तुम कउनो मेर लग यहूदा के अधिकारी सहर मसे नान नेहको हवस, काखे तुम्हर लग अक्ठी राजा निकडही, जउन मोर मनसे इस्राएल कर बरेदी होही।

मत्ती 5:4

धन्य हबै ऊ जउन सोक करथै, काखे उनके सान्ति मिलही।

यूहन्ना 10:11

निक्खा बरेदी हे आंव, निक्खा बरेदी गेडरा के निता अपन परान दइ देथै।

यूहन्ना 10:14

निक्खा बरेदी हे आंव, जउन मेर बाफ मोके जानथै अउ मै बाफ के जानथो, उहैमेर मै अपन गेडरन के जानथो, अउ मोर गेडरा मोके जानथै, मै गेडरन के निता अपन परान देथो।

यूहन्ना 4:10

यीसु जबाब देथै, अगर तै भगवान के बरदान के जानथस अउ इहो जानथस कि ऊ कउन हबै जउन तोर लग कथै, “मोके पानी पिला, ता तै ओखर लग मांगबे अउ ऊ तोके जीवन के पानी देही।”

यूहन्ना 4:11

डउकी ओखर लग कथै, “हे परभु, तोर लिघ्घो पानी भरै के कुछु बरतन नेहको हबै अउ कुंवा गहिड हबै, ता फेर ऊ जीवन के पानी तोर लिघ्घो कछो लग आही?

यूहन्ना 4:14

पय जउन कउ मोर दय हर पानी के पीहीं, उके पियास कबहुन नेहको लगही, जउन पानी उके मै देहुं, पानी ओहमा झरना बन जही, जउन जीवन भर के निता झिरही।”

प्रेरितो 20:28

इहैनिता अपन अउ पूरे झुन्ड के चवकसी करा जेहमा पवितर आतमा तुमके मुखिया ठहराय हबै, कि तुम भगवान के मंडली के रखबाली करा, जेही ऊ अपन खून ले खरीद लय हबै।

1 पतरस 5:2

तुमही भगवान के जउन झुन्ड सउपे गय हबै, ओखर बरेदी बना, भगवान के इक्छा के जसना उनखर देखरेख करा दबाव हे नेहको, पय अपन इक्छा के जसना, पइसा के लालच के निता नेहको पय सुध्द सेबा भाव लग,

परकासितवाक्य 14:4

ऊ असना मनसे रथै, जउन कउनो डउकी लग असुध्द अउ गलत काम नेहको करे रथै, काखे ऊ कुंवारा रथै, जिहां कहुं गेडरा जथै, हइ ओखर संग चलथै, भगवान अउ गेडरा के निता पहिला फडुहा के रूप हे इनखरै मनसेन मसे खरीदे गय हबै।

परकासितवाक्य 21:22

हइ सहर हे मोके कउनो मन्दिर दिखाई नेहको दइस, काखे खुदय सर्वसक्तिमान परभु भगवान अउ गेडरा एखर मन्दिर हबै।

परकासितवाक्य 21:23

ऊ सहर के उजियार देय के निता न बेरा के जरूरत हबै न जोंधइया के काखे भगवान उके बोहत उजियार देथै, ओखर उजियार अउ गेडरा ओखर चिमनी हबै।

परकासितवाक्य 21:4

भगवान उनखर आंखी लग हर अक्ठी आंसू पोंछ डालही अउ उहां अब न कबहुन मिरतू होही, न सोक के कारन कउ रइहिन अउ न कउनो पीरा, काखे हइ सगलू पुरान बात समापत हुइ चुके हबै।”

परकासितवाक्य 21:6

तब ऊ फेर मोर लग कथै, “काम पूर हुइ चुके हबै, मै सुरू अउ अंत हबो, मै सुरू अउ आखरी हबो, जउन पियासे हबै, ओही जीवन के जल फिरी हे पीय के निता दइहों।

परकासितवाक्य 22:1

एखर बाद ऊ स्वरगदूत मोके जीवन देय बाले पानी के अक्ठी नदिया देखाइस, ऊ नदिया आर पार कांच जसना उजियार रथै ऊ भगवान अउ गेडरा के राजगद्दी लग बहत निकडथै।

परकासितवाक्य 4:11

“हे हमर परभु अउ हमर भगवान तहिन महिमा, इज्जत अउ सक्ति के काबिल हबस, काखे तहिन सगलू कुछु बनाय हबस, अउ तोरै इक्छा के कारन बनाय गय हबै अउ उनखर रचना हुइस।”

परकासितवाक्य 5:6

तब मै राजगद्दी के लिघ्घो चार परानी अउ सियानन के बीच ठाढ अक्ठी गेडरा के देखो, ऊ माना बलि चढाय हर गेडरा रथै, ओखर सात सींग अउ सातठे आंखी रथै, हइ भगवान के सात आतमा हबै जिनही भगवान सगलू भुंइ हे पठोय हबै।