परकासितवाक्य 18:8 - भगवान कर सच्चा बचन

⁸ इहै कारन अक्कै रोज हे ओखर उप्पर परेसानी आ पडही, मतलब महामारी, दुख अकाल, अउ उके आगी हे जराय दय जही, काखे सक्तिमान हबै परभु भगवान जउन ओखर नियाव करही।

परकासितवाक्य 18:8 ပူးပေါင်းရင်းမြစ်များ

1 कुरि 10:22

का हम परभु के गुस्सा देमै चाहथन? का हम ओखर लग बोहत बलवान हबन?

परकासितवाक्य 11:17

हे “सर्वसक्तिमान परभु भगवान जउन हबै अउ जउन रथै, हम तोके धन्यबाद देथन, काखे तै अपन सक्ति के प्रदरसन करिस, अउ राजधिकार स्वीकार के लय हबै।

परकासितवाक्य 17:16

अउ जउन गोरू अउ दस सींग तै देखे हबस, ऊ गलत काम लग घिनइहिन, उके बिना फरिया के अकेल्ले छांड दइहिन, ओखर मांस खइहिन अउ उके आगी हे जराय दइहिन।

परकासितवाक्य 17:18

जउन डउकी के तै देखे हबस, ऊ महानगरी हबै, जेखर राज भुंइ के राजा हे हबै।

परकासितवाक्य 18:17

हइ सगलू धन टेम भर हे समापत हुइ गइस।” हर अक्ठी पानी बाले जिहाज के मालिक, हर अक्ठी ढिमरा अउ हर अक्ठी यातरी अउ जउन कउ समुन्दर लग कमाथै, ऊ महानगरी लग दुरिहां ठाढ रहै।

परकासितवाक्य 18:19

फेर उन अपन मूड हे धूर डालत अउ रोउत कथै, “हे महानगरी, हाय-हाय जेखर पइसा के दवारा समुन्दर के सगलू नाह जिहाज बाले मालिक धन्नड हुइ गय रथै, पय अब तै घंटा भर हे सगलू खतम हुइ गइस।”

परकासितवाक्य 19:3

तब उन फेर पुकार के कथै, “परभु के महिमा होय, महानगर के जलै के धुंवा हरमेसा उठत रही।”