परकासितवाक्य 14:7 - भगवान कर सच्चा बचन

⁷ ऊ बोहत आरो लग कथै, “भगवान लग डरै, ओखर महिमा करा काखे नियाव के टेम आय गय हबै, बडाई ओखर के ऊ स्वरग, भुंइ, समुन्दर अउ पानी के सोरोत के बनाय हबै।”

परकासितवाक्य 14:7 ပူးပေါင်းရင်းမြစ်များ

मत्ती 25:13

इहैनिता जागत रहा, काखे तुम ऊ घडी के अउ ऊ टेम के नेहको जानथा, कि कब मनसे कर टोरवा आही।

लूका 17:18

का ई परदेसी मनसे के छांड के, कउनो मनसे भगवान के, बडाई करै नेहको लउटिन।

प्रेरितो 14:15

“हे संगी, तुम हइ काखे करथा? हमु उहै मनसे हबन, जसना तुमो हबा, इहां हम तुमके संदेस सुनामै आय हबन, ताकि हइ बेकार बातन लग मुडके ऊ जिन्दा भगवान के पल्ला लउटा जउन स्वरग, भुंइ, सागर अउ एहमा जउन कुछु हबै सगलू के बनाय हबै।

1 पतरस 4:7

ऊ टेम निकट हबै जब सब कुछ बढाय जही, इहैनिता समझदार बना अउ धीर धरा, जेखर लग तुम पराथना बिनती के सका।

परकासितवाक्य 11:13

उहै टेम बोहत भुंइडोल हुइस अउ सहर के दसमा भाग माटी हे मिल गइस, सात हजार मनसे भुंइडोल हे मर गइन अउ जउन बच गइन, उनखर भित्तर डर समाय गइस अउ उन स्वरग के भगवान के धन्यबाद महिमा करै लगिन।

परकासितवाक्य 11:18

देस गुस्सा हुइ गइस, उनखर उप्पर तोर बोहत गुस्सा आय गय हबै, अब टेम आ गय हबै, कि मरे हर के नियाव करे जाय, तोर हरवाह ग्यानी मनसे, पवितर मनसे, अउ तोर सगलू बिस्वास करै बाले चाहे ऊ सही होय या खास होय जउन तोर नाम लग डरथै, उनखर बदला दय जही, अउ तोर दवारा उनके नास करे जाय, जउन भुंइ के नास करथै।”

परकासितवाक्य 15:4

“हे परभु, तोर लग सब कउ हरमेसा डरहिन, तोर नाम लइके सब कउ महिमा करही, काखे तहिन केबल पवितर हबस, सगलू मनसे तोर लिघ्घो अइहिन, तोर महिमा करही, काखे तोर काम परगट हबै, हे परभु तै जउन करथस, उहै नियाव हबै।”

परकासितवाक्य 16:9

अउ मनसे बोहत गरमी लग जर जइहिन, उन भगवान के नाम के बुराई करे हबै काखे हइ परेसानी हे ओखरै हक हबै, पय उन कउ मन नेहको फिराइन अउ न उके महिमा दइन।

परकासितवाक्य 18:10

ऊ ओखर पीरा लग डर के उहै लग बोहत दुरिहां ठाढ हुइके कइहिन, हे महानगरी, बेबीलोन, “हे महानगरी, सक्ति बाले, हाय हबै तोर उप्पर घंटा भरमा हे तोर सजा के टेम आय पहुंचे हबै।”

परकासितवाक्य 18:17

हइ सगलू धन टेम भर हे समापत हुइ गइस।” हर अक्ठी पानी बाले जिहाज के मालिक, हर अक्ठी ढिमरा अउ हर अक्ठी यातरी अउ जउन कउ समुन्दर लग कमाथै, ऊ महानगरी लग दुरिहां ठाढ रहै।

परकासितवाक्य 18:19

फेर उन अपन मूड हे धूर डालत अउ रोउत कथै, “हे महानगरी, हाय-हाय जेखर पइसा के दवारा समुन्दर के सगलू नाह जिहाज बाले मालिक धन्नड हुइ गय रथै, पय अब तै घंटा भर हे सगलू खतम हुइ गइस।”

परकासितवाक्य 19:5

तब राजगद्दी लग अक्ठी आरो सुनाई देथै, “तुम सब, जउन भगवान लग डरथै अउ सेबा करथा, तुम सब, नान-बडा जउन ओखर उप्पर बिस्वास रखत हबा, हमर भगवान के महिमा होय।”

परकासितवाक्य 4:11

“हे हमर परभु अउ हमर भगवान तहिन महिमा, इज्जत अउ सक्ति के काबिल हबस, काखे तहिन सगलू कुछु बनाय हबस, अउ तोरै इक्छा के कारन बनाय गय हबै अउ उनखर रचना हुइस।”

परकासितवाक्य 4:9

जब-जब हइ परानी उनखर जउन राजगद्दी हे बइठे हबै, जउन हरमेसा जिन्दा हबै, महिमा करथै, इज्जत करथै अउ उनखर परति धन्यबाद परगट करथै।

परकासितवाक्य 8:10

जब तीसर स्वरगदूत पोंगा फूंकिस, ता बादर लग अक्ठी बडा तरइया चिमनी के जसना जलत अक्ठी भाग नदिया अउ पानी के झरना हे जाय गिरिस।