फिलिप्पियन 2:26 - भगवान कर सच्चा बचन

²⁶ ऊ तुम सब लग मिलै के निता उतसुक हबै अउ ब्याकुल, तुम ओखर नांगा के बारे हे सुने रथा।

फिलिप्पियन 2:26 ပူးပေါင်းရင်းမြစ်များ

मत्ती 11:28

“हे सगलू थके अउ गरू लग दबररे हर मनसे मोर लिघ्घो आबा, मै तुमही बिसराम दइहों।

मत्ती 26:37

फेर यीसु पतरस अउ जबदी के दोनोठे टोरवा के अपन संग लइ जथै, ऊ दुख अउ उकुल-बुकुल महसूस करै लग जथै।

प्रेरितो 21:13

पय पोलुस जबाब दइस, “तुम काहिन कथा रोय-रोय के मोर दिल दुख करे हबै? मै तो परभु यीसु के नाम के निता यरुसलेम हे न केबल बांधे जाय के निता बरन मरै के निता तइयार हबो।”

रोमियो 1:11

काखे मोके तोर लग मिलै के बडी इक्छा हबै, जेखर लग मै आतमिक मनसेन के बिस्वास मजबूत बनामै के निता अनुगरह के बरदान देय चाहथो।

रोमियो 12:15

खुसी बनामै बालेन के संग खुसी बनाबा अउ रोमै बालेन के संग रोबा।

रोमियो 9:2

मोके बोहत दुख हबै अउ मोर मन लगेतार पीरा हे रथै।

1 कुरि 12:26

अगर अक्ठी अंग हे पीरा होथै, ता ओखर संग सगलू अंगन के पीरा होथै अउ अगर अक्ठी अंग के बडाई होथै, ता ओखर संग सगलू अंग खुसी मनाथै।

2 कुरि 9:14

ऊ तुम्हर निता भगवान लग पराथना करही, ऊ तुम्हर लग माया करथै, काखे ऊ जानथै कि भगवान तुम्हर उप्पर केतका अनुगरह करे हबै।

गलातियों 6:2

तुम अक दूसर के भार उठाबा, अउ इहैमेर मसीह के नियम के पूर करा।

इफिसियों 3:13

इहैनिता मै तुम्हर लग बिनती करथो कि तुम्हर जउन दुख मोके हबै, उनखर कारन हिम्मत झइ हारा, काखे इहै तुम्हर निता महिमा के बात हबै।

फिलिप्पियन 1:3

जब-जब मै तुमके सुरता करथो, तब-तब अपन भगवान के धन्यबाद देथो।

फिलिप्पियन 1:8

भगवान मोर गवाह हबै कि मै यीसु मसीह के जसना माया करके तुमही केतका चाहथो।

फिलिप्पियन 2:25

ई टेम मोके जरूरी हइ लगिस कि मै इपफ्रदीतुस के तुम्हर लिघ्घो पठोहूं, जउन मोर भाई, संग-संग चलै बाले अउ योध्दा हबै, जउन मोर जरूरत हे मदत के निता तुम्हर पल्ला लग पठोय गय दूत हबै।

फिलिप्पियन 2:27

सही हे ऊ बोहत नांगा हे रथै, अउ मरै के कगार हे रथै, पय ओखर उप्पर भगवान दया करिस, अउ न केबल ओखर उप्पर बलुक मोरो उप्पर, जेखर लग मोके दुख हे दुख न सहै के पडै।

फिलिप्पियन 4:1

हे मोर पिरिया भाई, तुम मोर खुसी हबा, मोर मगन अउ मुकुट हबा, तुमही जसना मै गुठे हबो, परभु हे तुम ओसनेन मजबूत बने रहा।

1 पतरस 1:6

हइ तुम्हर निता बडा मगन के बिसय हबै, पय जरूरी हबै कि अभिनैन कुछ रोज के निता सबैमेर के दुख सहै के पडथै।