मरकुस 8:31 - भगवान कर सच्चा बचन

³¹ यीसु अपन चेलन के सिखामै लागथै, मनसे कर टोरवा जरूरी हबै कि सताय जही, अउ सियान, पुजारी अउ नियाव के गुरू के दवारा बेकार समझ के मारे जहुं, पय तीसर रोज जी उठहुं।

मरकुस 8:31 ပူးပေါင်းရင်းမြစ်များ

मत्ती 12:40

जउन मेर योना तीन रोज अउ तीन रात अक्ठी केतका बड मछडी के लादा हे रथै, उहै मेर मनसे कर टोरवा तीन रोज अउ तीन रात भुंइ के भित्तर रही।

मत्ती 21:42

यीसु उनखर लग कथै, का तुम पवितर किताब के कबहुन नेहको पढे हबा, जउन पथरा के मिसतिरी बेकार समझ के फटक दय रथै, उहै कोन्टा के नीह के पथरा बन गइस, हइ परभु के काम हबै, अउ हमर नजर हे अदभुत हबै।

मत्ती 27:63

उन कथै, “परभु हमके सुरता हबै, कि ऊ नरै बाले अपन बीते हर टेम हे कहे रथै, कि मै तीन रोज बाद फेरै जी उठिहों।

मरकुस 12:10

का तुम पवितर किताब हे, हइ बचन के नेहको पढे हवा, जउन पथरा के राज मिसतिरी बेकार समझे रथै, उहै कोना के सिरा मुख्य पथरा हुइ जथै।

लूका 17:25

पय आगू उके बोहत दुख भोगै के होही अउ ई पीढी के मनसे उके बेकार ठहराय जही।

लूका 24:26

काखे मसीह के निता हइ जरूरी नेहको रहिस, कि ऊ दुख उठा के अपन महिमा हे परबेस करी?

लूका 24:44

यीसु चेलन लग कथै, मै तुम्हर संग रहत टेम तुम मनसेन लग कहे रथो, कि जउन कुछु मूसा कर नियम हे अउ ग्यानी मनसेन के किताब हे अउ भजन संहिता हे मोर बारे हे लिखे हबै, सगलू पूर होय के जरूरी हबै।

यूहन्ना 12:48

जउन कउ मोके नकारथै अउ मोर बात के नेहको स्वीकरथै, ओही दोसी ठहरामै बाले अक्ठी हबै, जउन ओही सजा देही, मतलब जउन बात मै कहे रहों, उहै आखरी रोज हे ओही सजा देही।

यूहन्ना 2:19

यीसु उनके जबाब देथै, हइ मन्दिर के गिरा देया, मै उके तीन रोज हे ठाढ कर दइहों।

प्रेरितो 7:35

जउन मूसा कर उन हइ कहिके नकारे रथै, तोके कउन हमर हे साहब अउ नियाव बाले ठहराय हबै, उहै के भगवान ऊ स्वरगदूत के दवारा जउन ओखर निता पुडरा हे परगट होथै, राजा अउ मुकतिदाता के सकल हे पठोइस।

1 कुरि 15:4

अउ उके मरघटी के गुफा हे रखे गइस, अउ पवितर किताब के जसना तीसर रोज जिन्दा हुइ गइस,