मत्ती 5:1 - भगवान कर सच्चा बचन

¹ यीसु भीड के देखके डोंगर छो चढ जथै, अउ उछो बइठ गइस ता ओखर चेला ओखर लिघ्घो आथै।

मत्ती 5:1 ပူးပေါင်းရင်းမြစ်များ

मत्ती 13:2

ओखर लिघ्घो एतका बडा मनसेन के भीड जुड जथै कि यीसु अक्ठी नाह जिहाज हे बइठ जथै अउ सगलू भीड झील के पाखा हे ठाड रथै।

मत्ती 15:29

फेर यीसु उछो लग चल दइस अउ गलील परदेस के दहार के टाठा हे पहुंचिस, ऊ अक्ठी डोंगर हे चढके बइठ गइस।

मत्ती 4:25

इहैनिता गलील अउ दिकापुलिस मतलब दस सहर के परदेस, यरुसलेम, यहूदिया, अउ यरदन नदिया के ऊ पार के मनसे झुन्ड के झुन्ड ओखर पाछू चलथै।

मत्ती 5:2

अउ ऊ उनही हइ सिक्छा देय लागथै।

मरकुस 3:13

एखर बाद यीसु डोंगर छो जथै, अउ ऊ जेही चाहथै चेलन के अपन लिघ्घो बुलाथै, अउ उन ओखर लिघ्घो आ जथै।

मरकुस 3:20

जब ऊ घर छो आथै, ता बोहत झन के कारन यीसु अउ ओखर चेला रोटी नेहको खा पाथै।

मरकुस 4:1

यीसु दहार कर पाखा हे अपन चेलन के भगवान के बारे हे गुठेत रथै, ओतकै टेम मनसेन के भीड ओखर लिघ्घो आ जथै, इहैनिता ऊ अक्ठी नाह जिहाज हे बइठ जथै अउ सगलू झन भुंइ हे दहार के पाखा हे ठाढ रथै।

लूका 6:12

ऊ रोज यीसु बिनती करै के निता अक्ठी डोंगर छो जथै, अउ सगलू रात भगवान लग बिनती करत गुजार दइस।

लूका 6:17

यीसु अपन बारहठे चेलन के संग डोंगर लग तरी उतर के मइदान जिघा हे ठाड हुइस, उहां ओखर बोहत लग चेला रथै, अउ बोहत मनसेन के भीड रथै, उन सगलू मनसे यहूदा परदेस, यरुसलेम सहर सूर अउ सैदा के समुन्दर के टाठा लग आय रथै।

लूका 6:20

यीसु अपन चेलन के देखके कथै, “धन्य हबा तुम जउन दीन हबा, काखे भगवान कर राज तुम्हरेन हबै।”

लूका 9:28

हइ बातन के कउनो आठै रोज बाद यीसु पतरस, यूहन्ना अउ याकूब के अपन संग लइ गइस, अउ बिनती करै के निता अक्ठी डोंगर हे गइस।

यूहन्ना 6:15

यीसु जान जथै, कि मनसे मोके राजा बनामै के निता पकडै चाहथै, ता यीसु डोंगर छो अक्केलेन कढ जथै।