यूहन्ना 7:36 - भगवान कर सच्चा बचन

³⁶ ओखर कहै के मतलब काहिन हबै, “कि तुम मोके खोजिहा, पय नेहको पइहा अउ जिहां मै हव, उहां तुम नेहको आय सकथा?”

यूहन्ना 7:36 ပူးပေါင်းရင်းမြစ်များ

यूहन्ना 12:34

हइ बात हे मनसे ओखर लग कथै, “हम किताब के हइ बात सुने हबन कि मसीह सबरोज रही, फेर तै काखे कथस, कि मनसे कर टोरवा के उप्पर उठाय के जरूरी हबै, हइ मनसे के टोरवा कोन हर हबै?”

यूहन्ना 13:33

मै अब चुटु देर तुम्हर संग हव, फेरै तुम मोके खोजिहा अउ जसना मै यहूदी नेता लग कहे हबो, ओसनेन मै अब तुम्हर लग कथो जछो मै जथो, उछो तुम नेहको आय सकिहा।

यूहन्ना 3:4

नीकुदेमुस ओखर लग पूछथै, “मनसे डोकरा हुइ जही, ता कसना फेरै लग पइदा हुइ सकथै? का ऊ अपन दाय के लादा हे दुबारा जायके पइदा लइ सकथै?”

यूहन्ना 3:9

नीकुदेमुस ओही जबाब देथै, हइ कसना हुइ सकथै?

यूहन्ना 6:41

यीसु कथै, “स्वरग लग उतरे हर रोटी हे आंव।” हइ बात लग यहूदी मनसे कुडकुडामै लग जथै।

यूहन्ना 6:52

हइ सुनके यहूदी मनसे अपन हे खुसफुसाय लग जथै, हइ मनसे हमही खाय के निता अपन देह कसके दइ सकथै?

यूहन्ना 6:60

हइ सुनके ओखर बोहत चेलन मसे कथै, “हइ तो कठोर सिक्छा हबै, एही कउन मान सकथै?”

यूहन्ना 7:34

तुम मोके खोजिहा, पय नेहको पइहा, मै जिहां हव, उछो तुम नेहको आय सकिहा।

यूहन्ना 8:21

यीसु फेर मनसेन लग कथै, मै जथो अउ तुम मोके खोजत-खोजत अपन पाप हे मर जइहा, मै जछो जइहों, तुम उछो नेहको आय सकिहा।

1 कुरि 2:14

बिना आतमा के मनसे भगवान कर आतमा के बात के गरहन नेहको करथै, काखे इनही ऊ मूरुख मानथै अउ उके समझै लग बाहिर हबै, काखे आतमा के सहायता लग ऊ सिक्छा के परख पवितर आतमा के दवारा करे जथै।