यूहन्ना 4:45 - भगवान कर सच्चा बचन

⁴⁵ जब ऊ गलील परदेस छो पहुंचथै, ता गलीली मनसेन खुसी के संग ओखर सोगत कथै, काखे जेतका काम यरुसलेम हे तेउहार के टेम करे रथै, ऊ सगलू मनसे देखे रथै, काखे उनो तेउहार हे रथै।

यूहन्ना 4:45 ပူးပေါင်းရင်းမြစ်များ

लूका 13:1

उहै टेम कुछ मनसे यीसु के उन गलीली मनसेन के बारे हे गुठेमै आथै, जेखर खून पिलातुस राजा उनखर चढावा के संग मिलाय दय रथै।

लूका 8:40

जब यीसु फेरै लउटथै, ता मनसे ओखर सोगत करथै, काखे उन सगलू मनसे यीसु के ओरगथै।

लूका 9:53

पय उहां के मनसे यीसु के सोगत नेहको करिन, काखे ऊ यरुसलेम सहर छो जथै।

यूहन्ना 2:23

जब यीसु यरुसलेम हे फसह के टेम तेउहार हे रथै, ता बोहत मनसेन ओखर चिन्हा के जउन ऊ दिखाथै, देखके ओखर नाम हे बिस्वास करथै।

यूहन्ना 3:2

नीकुदेमुस रात के टेम हे यीसु के लिघ्घो आयके कथै, “हे गुरू, हम जानथन कि तै, भगवान के पल्ला लग आय हबस, काखे जउन चिन्हा के तै दिखाथस, भगवान के मदद के बिना कउनो नेहको कर सकथै।”

यूहन्ना 4:54

हइ दूसर चकित बाले चिन्ह के काम रथै, जउन यीसु यहूदिया के गलील परदेस छो आयके करथै।