यूहन्ना 20:25 - भगवान कर सच्चा बचन

²⁵ जब दूसर चेला ओखर लग कहे लागथै, “हम परभु के देखे हबन” तब थोमा उनखर लग कथै, “जब तक मै खिलिया के निसानी ओखर हाथ हे नेहको देख लेहूं अउ खिलिया के जिघा अपन अंगठी नेहको डाल लेहूं अउ ओखर कोंखी हे अपन अंगठी नेहको डाल लेहूं, तब तक मै बिस्वास नेहको करिहों।”

यूहन्ना 20:25 ပူးပေါင်းရင်းမြစ်များ

मत्ती 27:42

“दूसर के मुकति करै बाले हइ अपन मुकति नेहको कर सकथै, हइ इस्राएल के राजा हबै, हइ क्रूस लग अभिनैन तरी उतरै ता हमु बिस्वास करबो।

मरकुस 16:11

जब उनही पता चलथै, कि यीसु जिन्दा हुइ गय हबै, अउ मनसे ओही देखे रथै, तउभरमा मरियम के उप्पर बिस्वास नेहको करथै।

मरकुस 16:13

उन जाय के बाकी मनसे के खबर गुठेथै, पय उनो बिस्वास नेहको करथै।

मरकुस 16:14

गेराठे चेला जब भात खाये के बइठत रहै, ता यीसु अचानक आथै, अउ उनखर अबिस्वास अउ मन के कठोर होय लग बिस्वास नेहको करथै, ता ऊ गधारिस इहैनिता कि ओखर जी उठे के बाद देखेबाले के बात पय उन बिस्वास नेहको करथै।

लूका 24:25

ता यीसु उनखर लग कथै, तुम केतका निरबुध्दि ग्यानी मनसे जउन कुछ गुठे हबै, तुम ओखर हे बिस्वास करै हे केतका मंद हबा।

यूहन्ना 1:41

अन्द्रियास पहिले अपन सगा भाई समोन लग मिलके कथै, “हमही मसीह मिल गय हबै जेखर मतलब हबै, अभिसेक करे हर हबै।”

यूहन्ना 20:27

तब यीसु थोमा लग कथै, अपन अंगठी लग मोर हाथ के छिके देख अउ अपन हाथ बढाय के मोर कोंखी हे डाल अउ अबिस्वासी नेहको, बलुक बिस्वासी बन जा।

यूहन्ना 21:7

तब ऊ चेला जेखर लग यीसु माया करथै, पतरस लग कथै, “हइ परभु हबै।” जब समोन पतरस हइ सुनथै कि ऊ परभु हबै, ता ऊ अपन कनिहा हे साफी लपेट लेथै, काखे ऊ कपडा नेहको पहिने रथै अउ दहार हे कूद जथै।

यूहन्ना 6:30

तब उन ओखर लग कथै, फेर तै कउन चिन्हा दिखा सकथस, कि हम ओही देखके तोर उप्पर बिस्वास करी? तै काहिन कर सकथस?

इब्रानिन 3:12

हे भाई, सचेत रइहा कहुं तुम्हर मसे कउनो के मन हे पाप अउ अबिस्वास झइ समाय जाय जउन तुमही जिन्दा भगवान लग दुरिहां भटकाय दे।

इब्रानिन 3:18

कउन मनसेन के बारे हे भगवान किरिया खाय के कहे रथै, इन मोर सुस्ताय के रोज जिघा हे खुस नेहको पइहीं? जरूर उनखरै बारे हे कहे रथै जउन आदेस नेहको मानिन।