इब्रानिन 7:17 - भगवान कर सच्चा बचन

¹⁷ ओखरे बारे हे नियम के किताब हइ गवाह देथै, “तै मलिकिसिदक के जसना मेर हरमेसा पुजारी बने रइहे।”

इब्रानिन 7:17 ပူးပေါင်းရင်းမြစ်များ

इब्रानिन 5:10

अउ भगवान के दवारा मलिकिसिदक के जसना उके पुजारी के पद मिलिस।

इब्रानिन 5:6

अउ अक्ठी आने जिघा हे ऊ कथै, “तै मलिकिसिदक के जसना, जुगजुग के निता पुजारी बने रही।”

इब्रानिन 6:20

जिछो यीसु हमर तरफ लग हमर लग पहिले पहुंच गय हबै, ऊ मलिकिसिदक के जसना हे सबरोज के निता मुख्ख पुजारी बन गय हबै।

इब्रानिन 7:11

अगर लेवी पुजारी हकदार के दवारा सब कुछ पाय सकथै काखे इहै के आसरा हे मनसेन के मूसा कर किताब पाय रथै। ता कउनो दूसर पुजारी के आमै के जरूरत का हबै? अक्ठी असना पुजारी जउन मलिकिसिदक के परम्परा के होय, न कि हारुन के परम्परा के।

इब्रानिन 7:15

अउ जउन कुछु हम कथन, ऊ अउ साफ होथै कि मलिकिसिदक के जसना अक्ठी अउ पुजारी परगट होथै।

इब्रानिन 7:21

काखे यीसु के ठहराउत टेम परभु भगवान किरिया खथै अउ ओखर लग कथै, “परभु किरिया खाय हबै, अउ ऊ अपन मन कबहुं नेहको बदलही, तै सबरोज पुजारी बने रइहे।”