इब्रानिन 7:16 - भगवान कर सच्चा बचन

¹⁶ जउन देह के आदेस के नियम के अधार हे नेहको, बकि अक्ठी अमर जीवन के सक्ति के अधार हे ठहराय गय हबै।

इब्रानिन 7:16 ပူးပေါင်းရင်းမြစ်များ

रोमियो 7:14

हम जानथन कि मूसा कर नियम तो आतमिक हबै, पय मै देह अउ पाप के हाथ हे बिके हर हरवाह हबो।

गलातियों 4:3

ओसनेन हम जब तक लरका रथन, तब तक दुनिया के आखरी सिक्छा के बस हे हुइके गुलाम बने हर रथन।

गलातियों 4:9

पय अब जउन तुम भगवान के जान लेया ता भगवान तुमके जान लइस, ता उन ढिलवा अउ अदबिलोन सिक्छा के बातन के तरफ काखे फिरथा, जिनखर तुम फेरै लग गुलाम होमै चाहथा?

कुलुस्सियो 2:14

ऊ हमके दोसी ठहरै बाले कागद के रद्द के दइस, जउन नियम के कारन हमर बिरोध रथै, अउ उके क्रूस हे ठोक के उठाय दय हबै।

कुलुस्सियो 2:20

अगर तुम मसीह के संग मर के दुनिया के सिक्छा लग मुकति हुइ गय हबा, ता तुम ओखर आदेस के पालन काखे करा, माना तुम्हर जीवन अब तक दुनिया के बस हे होय?

इब्रानिन 10:1

मूसा कर नियम के तो आमै बाले निक्खा बातन के चिन्हा हबै, उनखर नियम के जसना हर साल बलि चढाय जथै। मूसा कर नियम उन बलि के दवारा किरतन भजन करै बालेन के बिलकुन पूर सुध्द नेहको दइ सकथै।

इब्रानिन 7:15

अउ जउन कुछु हम कथन, ऊ अउ साफ होथै कि मलिकिसिदक के जसना अक्ठी अउ पुजारी परगट होथै।

इब्रानिन 7:17

ओखरे बारे हे नियम के किताब हइ गवाह देथै, “तै मलिकिसिदक के जसना मेर हरमेसा पुजारी बने रइहे।”

इब्रानिन 7:21

काखे यीसु के ठहराउत टेम परभु भगवान किरिया खथै अउ ओखर लग कथै, “परभु किरिया खाय हबै, अउ ऊ अपन मन कबहुं नेहको बदलही, तै सबरोज पुजारी बने रइहे।”

इब्रानिन 7:28

पय भगवान किरिया खात टेम अक्ठी टीमा करथै। हइ टीमा मूसा कर नियम के बाद आथै अउ हइ टीमा मुख्ख पुजारी के रूप हे टोरवा के ठहराथै जउन जुगजुग के निता सिध्द बन गइस।

इब्रानिन 7:3

मलिकिसिदक के न दाय-बाफ हबै अउ न कउनो सियानन के पुरखा तक नेहको मिलथै अउ ओखर पइदाइसी के पता हबै अउ न मरै के कउनो जानकारी हबै। भगवान कर टोरवा मेर ऊ सबरोज के जीवन के निता पुजारी बनै रथै।

इब्रानिन 9:14

जब हइ सही हबै ता मसीह के खून केतका सक्तिसाली होही। ऊ सबरोज जिन्दा रहै बाले आतमा के दवारा अपन खुद के अक्ठी सगलू बलि के जसना भगवान के सउप दइस। ता ओखर खून हमर मन के उन मरे हर कामन लग काखे सुध्द नेहको करही, ताकि हम जिन्दा भगवान के सेबा के सकि।

परकासितवाक्य 1:18

अउ मै उहै यहों, जउन जिन्दा हबै, मै मरै रहों, पय देख, अब मै हरमेसा-हरमेसा के निता जिन्दा हव, मोर लिघ्घो मिरतू अउ नरक के चाभी हबै।