इब्रानिन 10:11 - भगवान कर सच्चा बचन

¹¹ सगलू पुजारी रोज दिना ठाड हुइके अपन सेबा के काम के पूर करथै। उन घरी-घरी अक्ठी मेर के बलि चढाथै जउन पाप के कबहुन दुरिहां नेहको के सकथै।

इब्रानिन 10:11 ပူးပေါင်းရင်းမြစ်များ

इब्रानिन 10:1

मूसा कर नियम के तो आमै बाले निक्खा बातन के चिन्हा हबै, उनखर नियम के जसना हर साल बलि चढाय जथै। मूसा कर नियम उन बलि के दवारा किरतन भजन करै बालेन के बिलकुन पूर सुध्द नेहको दइ सकथै।

इब्रानिन 10:4

काखे बइला अउ बोकडा के खून लग पाप मिट नेहको सकथै।

इब्रानिन 5:1

हर अक्ठी पुजारी मनसेन मसे चुने जथै, अउ जउन भगवान सबंध के बातन हे मनसेन के अगुवाई करै के निता ठहराय जथै, जेखर लग ऊ उपहार अउ पाप के माफ के निता बलि चढावा।

इब्रानिन 7:27

दूसर पुजारी के जसना उके जरूरी नेहको कि रोज दिना आगू अपन पापन के निता अउ फेर मनसे के पापन के निता बलि चढाबै, यीसु तो सबरोज के निता हमर पापन के निता अपन खुद के बलि चढाय दइस।

इब्रानिन 8:2

अउ ऊ पवितर जिघा हे यानी सही तम्बू के हरवाह हुइस जेही कउनो मनसे के दवारा नेहको पय परभु के दवारा ठहराय गय हबै।

इब्रानिन 8:4

अगर यीसु भुंइ हे होतिस ता कबहुन पुजारी नेहको होतिस, काखे ऊ पहिलेन लग असना मनसे हबै जउन मूसा कर नियम के जसना भेंट चढाथै।