गलातियों 6:9 - भगवान कर सच्चा बचन

⁹ इहैनिता हम निक्खा काम करत-करत हिम्मत झइ हार, काखे अगर मजबूत बने रहब ता टेम आय लग जरूर हमके फडुहा मिलही।

गलातियों 6:9 ပူးပေါင်းရင်းမြစ်များ

मत्ती 10:22

मोर नाम के खातिर सगलू मनसे तुम्हर लग नफरत करही, पय जउन आखरी तक धीर धरे रही उहै मुकति पाही।

मत्ती 24:13

पय जउन आखरी तक बने रही, ओखरै मुकति होही।

मत्ती 25:17

हइ मेर लग जेही दुइठे पइसा मिले रथै, उहो दुइठे पइसा अउ कमाय लेथै।

मत्ती 9:19

यीसु उठके अपन चेलन के संग ओखर संग चले गइस।

मरकुस 3:3

यीसु झुराय हर हाथ बाले मनसे लग कथै, तै आगू ठाड हुइ जा।

लूका 18:1

यीसु चेलन के हइ बात गुठेमै के निता, कि उनही सबरोज बिनती करै चाही अउ निरास नेहको होय चाही, हइ किस्सा सुनाइस।

रोमियो 2:7

जउन मनसे सब रोज धीरज पूरक भलाई अउ महिमा इज्जत अउ जउन कबहुन नेहको मरै बाले के खोज हे लगे रही, उनही ओखर बदले हे सबरोज के जीवन देही।

1 कुरि 15:58

इहैनिता हे मोर पिरिया भाई, तुम बिस्वास हे मजबूत अउ अडे रहा, अउ तुम हइ जरूर जान लेया कि परभु के निता करे हर काम तुम्हर मेहनत बेकार नेहको हबै।

2 कुरि 4:1

इहैनिता कि हइ सेबा काम हमके भगवान के दया लग मिले हबै, इहैनिता हम कबहुन हार नेहको मानथन।

2 कुरि 4:16

इहै कारन हबै कि हम हिम्मत नेहको हारथन हमर देह के सक्ति भले ही कमजोर होउत जाय, पय हमर आतमा लगेतार दिन रात नबा होत जथै।

2 कुरि 9:6

पय बात हइ हबै जउन चुटु बोथै, ऊ चुटु काटथै अउ जउन बोहत बोथै ऊ बोहत काटथै।

इफिसियों 3:13

इहैनिता मै तुम्हर लग बिनती करथो कि तुम्हर जउन दुख मोके हबै, उनखर कारन हिम्मत झइ हारा, काखे इहै तुम्हर निता महिमा के बात हबै।

2 थिस्स 3:13

हे भाई अउ बेहन, निक्खा करै हे हिम्मत झइ हारा।

इब्रानिन 12:3

कहुं असना झइ होय कि तुम उदास हुइके हिम्मत हार जा, इहैनिता तुम ओखर सुरता करत रइहा, जउन पापिन के एतका घोर बिरोध सहिस।

इब्रानिन 12:5

का तुम ऊ बचन के बिसर गय हबा जउन भगवान तुमही टोरवा मान लय रहै, मोर टोरवा, “परभु के नियम के बेकार झइ समझा, अउ ओखर डांट फटकार लग हिम्मत झइ हारा,

इब्रानिन 3:14

अगर हम आखरी तक मजबूत के संग अपन सुरू के बिस्वास बनाय रथन, ता हम मसीह के हकदार बन जथन।

इब्रानिन 3:6

पय भगवान के घराना हे मसीह तो अक्ठी टोरवा के रूप हे बिस्वास करै के ओग हबै अउ अगर हम अपन हिम्मत अउ ऊ आसा हे बिस्वास के बनाय रखथन ता हमिन ओखर घराना के हबन।

याकूब 5:7

इहैनिता हे भाई, परभु के आमै तक धीर धरा। जसना किसान भुंइ के देख ले जउन खेत के मंगहा फसल के निता तब तक धीर धरथै जब तक ऊ सुरू के अउ आखरी बरसा नेहको देख ले।

1 पतरस 2:15

भगवान चाहत हबै कि तुम अपन निक्खा काम करै के दवारा उन मूरखन के मुंह बंद करा, जउन बिनमतलब के बात करत रथै।

1 पतरस 3:17

अगर भगवान के इहै इक्छा हबै, ता बुराई करै के कारन सजा भोगय लग निक्खा हबै कि भलाई करै के कारन दुख सहै के कहुं अच्छी हबै।

1 पतरस 4:19

इहैनिता जउन भगवान के इक्छा के जसना दुख भोगथै, उन भलाई करत रहै, अउ बिस्वासओग बनामै बाले भगवान के अपन आतमा सउप देया, अउ निक्खा काम करत रहा।

परकासितवाक्य 2:17

जेखर कान हबै ऊ सुन ले कि पवितर आतमा मंडलिन लग काहिन कथै। “जउन जीत जही, मै उके स्वरग हे लुके हर मन्ना देहुं, मै उके अक्ठी चरका पथरा देहुं, जेखर उप्पर अक्ठी नबा नाम होही, जउन ओखर सिबाय अउ कउ नेहको जानथै जेही ऊ दय गय हबै।”

परकासितवाक्य 2:3

तुम्हर लिघ्घो धीर हबै तुम मोर नाम के कारन दुख सहे हबा अउ हार नेहको माने।

परकासितवाक्य 2:7

जेखर कान हबै ऊ सुन ले कि आतमा मंडली हइ असना कहाथै। जउन जीत पाइस, “ओही मै ऊ जीवन रूख के फडुहा खाय के निता देहुं जउन भगवान के स्वरग के बगिया हे हबै।”