गलातियों 3:22 - भगवान कर सच्चा बचन

²² पय पवितर किताब सगलू के पाप के बस हे कर दय हबै, ताकि ऊ टीमा जेखर अधार यीसु मसीह हे बिस्वास करैके हबै, बिस्वास करै बाले के निता पूर हुइ जही।

गलातियों 3:22 ပူးပေါင်းရင်းမြစ်များ

मरकुस 16:16

जउन बिस्वास करथै, अउ बतिस्मा लेथै, उहै मुकति पइहिन, पय जउन बिस्वास नेहको करथै, ऊ मनसे दोसी ठहरहिन।

यूहन्ना 12:46

मै दुनिया हे उजियार बनके आय हव, जउन कउ मोर हे बिस्वास करही ऊ अंधियार हे नेहको रइहीं।

यूहन्ना 20:31

पय हइ इहैनिता दय गय हबै, कि तुम बिस्वास करा कि यीसु भगवान कर टोरवा मसीह हबै अउ बिस्वास करके ओखर नाम लग जीवन पामै।

यूहन्ना 3:36

जउन टोरवा हे बिस्वास करथै, सबरोज के जीवन ओखरै हबै, पय जउन भगवान के बात के नेहको मानथै, उके जीवन नेहको मिलही, पय भगवान कर गुस्सा ओखे उप्पर बने रही।

यूहन्ना 5:24

मै तुम्हर लग सही कथो, जउन मोर बचन सुनके मोर पठोय बाले भगवान के उप्पर बिस्वास करथै, सबरोज के जीवन ओखरेन हबै अउ ओखर हे सजा के आदेस नेहको होथै, पय ऊ मिरतू के पार करके जीवन हे घुस चुके हबै।

यूहन्ना 6:40

मोर बाफ के इक्छा हइ हबै, कि जउन टोरवा के देखै अउ ओखर हे बिस्वास करै, ऊ सबरोज के जीवन पाही अउ मै उके आखरी रोज फेरै जिन्दा करिहों।

प्रेरितो 16:31

उन कथै, “परभु यीसु मसीह हे बिस्वास कर, ता तै अउ तोर बिरादरी मुकति पाही।”

रोमियो 10:9

काखे अगर तुम मुंह लग सुइकार करथा कि यीसु परभु हबै, अउ मन लग बिस्वास करथा कि भगवान उके मरे हर मसे जिन्दा करिस, ता तुमही मुकति मिलही।

रोमियो 11:32

काखे भगवान सब के आदेस नेहको मानै के निता बन्दी बनाय के रखे हबै, उन सगलू हे दया करै।

रोमियो 3:22

मतलब मसीह यीसु हे बिस्वास दवारा पाइस भगवान के नियाइपन, जउन उन सबके निता हबै, जउन मसीह यीसु हे बिस्वास करथै, काखे कउनो भेद नेहको।

रोमियो 3:23

काखे सगलू झन पाप करे हबै अउ सगलू झन भगवान कर महिमा लग दुरिहां हुइ गय हबै।

रोमियो 5:12

अक्ठी मनसे के कारन हइ दुनिया हे पाप परबेस करिस अउ पाप के दवारा मिरतू अउ मिरतू सगलू मनसेन हे समाय गइस, काखे सगलू मनसे पाप करिन।

गलातियों 3:14

हइ इहैनिता होथै कि अब्राहम के आसीस मसीह यीसु हे दूसर जातन तक पहुंचै अउ हम बिस्वास के दवारा ऊ आतमा के पइ जेखर टीमा होय रथै।

गलातियों 3:17

पय मै हइ कथो जउन टीमा भगवान आगू लग पक्का करे रथै, ओखर नियम चार सव तीस साल के बाद आयके नेहको टर सकही कि टीमा बेकार ठहरही।

गलातियों 3:23

पय बिस्वास के आमै लग पहिले नियम के बस हे हमर रखबाली होथै अउ ऊ बिस्वास के आमै तक जउन परगट होमै बाले रथै, हम उहै के कबजा हे रहन।

गलातियों 3:29

अउ अगर तुम मसीह के हबा ता अब्राहम के बिरादरी अउ टीमा के जसना हकदार हबा।

2 तीमु 1:1

पोलुस के पल्ला लग जउन, ऊ जीवन के टीमा के जसना मसीह यीसु हे हबै, भगवान के इक्छा लग मसीह यीसु के चेला हबै,

इब्रानिन 9:15

हइ कारन लग मसीह ऊ हबै जउन अक्ठी नबा टीमा के बीचबचाव करथै, ताकि जउन मनसेन के भगवान बोलाय हबै, उन सबरोज आसीस पाय सकै जउन भगवान टीमा करे हबै। असना इहैनिता करे जाय सकथै काखे असना मरिन जउन मनसेन के ऊ पाप लग छोडाथै जउन उन करे रथै जबकि पहिले टीमा दबाव हे रथै।

2 पतरस 1:4

उस महिमा के दवारा ऊ हमर निता अपन बडा अउ कीमती टीमा के पूर करे हबै, इहैमेर तै ऊ असक्ति लग बच गय, जउन बेकार वासना के कारन दुनिया हे बसे हबै अउ तै भगवान बेउहार के सहभागी बन गय हबस।

2 पतरस 3:13

पय हम भगवान के टीमा के जसना हम अक्ठी नबा बादर अउ अक्ठी नबा दुनिया के ओरगे हबन, जिछो धरमी काम करै बाले निबास करही।

1 यूहन्ना 2:25

मसीह हमर लग जउन टीमा करे हबै। ऊ अनन्त जीवन हबै।