इफिसियों 4:24 - भगवान कर सच्चा बचन

²⁴ अउ नबा जीवन के पहिन लेया जउन भगवान के रूप हे सही के नियाइपन अउ पवितरता हे बनाय गय हबा।

इफिसियों 4:24 ပူးပေါင်းရင်းမြစ်များ

लूका 1:75

अउ अपन जीवन भर हर रोज भगवान कर आगू हम पवितरता अउ धरमी मनसे बनके ओखर सेबा कर सकि।

यूहन्ना 17:17

तै सत्य लग उनही सुध्द कर, तोर बचन सत्य हबै।

रोमियो 12:2

तुम हइ दुनिया के जसना आचरन झइ करा, बलुक सगलू कुछ नबा नजर लग देखै अउ अपन आदत बदल ले, हइमेर तुम जान जाबे, कि भगवान के चाहथै अउ ओखर निक्खा सुइकार ओग, समझदार अउ सबले बढिहा हबै।

रोमियो 13:12

रात बोहत गुजर गय हबै अउ बेरा निकरै बाले हबै, इहैनिता हम अंधियार के कामन के छांडके उजेड के हथियार धारन के लइ।

रोमियो 13:14

तुम परभु यीसु मसीह के धारन करा अउ देह के बेकार इक्छा पूर करै के परयास झइ करा।

रोमियो 6:4

हम उनखर मिरतू के बतिस्मा गरहन के ओखर संग इहैनिता गाडे गय हवन कि जउन मेर मसीह बाफ के महिमामय सक्ति लग मरे हर मसे जी उठे हबै, उहैमेर हमु अक्ठी नबा जीवन जी।

रोमियो 7:6

पय अब नियम लग मुकति मिल गय हबै, काखे जउन नियम हमही बांध के धरे रथै, ओखर निता हम मर गय हबन, अउ अब पुरान नियम के दवारा नेहको बलुक आतमा के नबा रीति के दवारा हम अपन भगवान के सेबा करथन।

रोमियो 8:29

जिनही पहिलेन लग भगवान चुने हबै कि उन पहिलेन अपन टोरवा के स्वरूप ठहराय हबै, काखे ऊ बोहत लग भाइन हे भाई बन सके।

1 कुरि 15:53

काखे हइ जरूरी हबै कि हइ मरै बाले देह बिना मरै बाले देह के ओढ लेही, अउ हइ मरै बाले देह जउन कबहुन नेहको मरै बाले देह के ओढ लेही।

2 कुरि 3:18

अउ जिहां तक हम सबके सबाल हबै, हमर छाप हे परदा नेहको हबै अउ हम सब अइना के मेर परभु के उजियार के धियान करथन हइ मेर हम धीरे-धीरे परभु के उजियार हे बढथन हइ उजियार परभु लग मिलथै, मतलब आतमा लग।

2 कुरि 4:16

इहै कारन हबै कि हम हिम्मत नेहको हारथन हमर देह के सक्ति भले ही कमजोर होउत जाय, पय हमर आतमा लगेतार दिन रात नबा होत जथै।

2 कुरि 5:17

एखर मतलब हइ हबै कि अगर कउ मसीह के संग अक हुइ गय हबै, ता ऊ नबा दुनिया बन गइस, पुरान बात समापत हुइ गय हबै, अउ अब नबा बात आय गय हबै।

गलातियों 3:27

अउ तुम मसे जेतना मसीह हे पानी हे बतिस्मा लेय हबा, उन मसीह के ओढ लय हबै।

गलातियों 6:15

काखे न खतना अउ न खतना बाले मसीह हे एखर कुछु मतलब नेहको हबै, मतलब हइ बात के हबै कि हम पूरी तरह लग नबा जीवन बनत जइ।

इफिसियों 2:10

भगवान हमही बनाइस, ऊ यीसु मसीह हे हमके बनाइस, जेखर लग हम ऊ निक्खा कामन के पूर करथन, जेही भगवान हमर निता पहिले तइयार करे हबै।

इफिसियों 2:15

जउन यहूदी किताब के नियम गैर यहूदी के यहूदी लग अलगे करके रखे रथै, ओही यीसु अपन मिरतू लग खतम के दइस, हइ दोनोन के बीच हे मिलाप करके अपन हे अक्ठी नबा मनसे बनाइस।

इफिसियों 6:11

भगवान के सगलू हथियार बांध लेया कि तुम भुतवा के बेकार चाल के आगू ठाढ रह सका।

तीतुस 2:14

जउन खुद के हमर निता दय दइस, ताकि हमके सबैमेर के अधरम लग छंडाइस, अउ सुध्द करके अपन निता खास मनसेन के तइयार करै, जउन निक्खा काम करै के निता तइयार होय।

इब्रानिन 1:8

पय टोरवा के बारे हे कथै “हे भगवान, तोर राज जुगजुग बने रहै, तै अपन राज सासन नियाव के संग करिहों,

इब्रानिन 12:14

सगलुन के संग सान्ति बनाय रखा अउ ऊ पवितरता के खोजत रहा, जेखर बिना कउनो परभु के देख नेहको पाही।

1 पतरस 2:2

जबा पइदा होय हर लरका के जसना सुध्द आतमिक दूध के लालसा करा, ताकि ओखर दवारा मुकति पामै के निता बढत जा,

2 पतरस 1:4

उस महिमा के दवारा ऊ हमर निता अपन बडा अउ कीमती टीमा के पूर करे हबै, इहैमेर तै ऊ असक्ति लग बच गय, जउन बेकार वासना के कारन दुनिया हे बसे हबै अउ तै भगवान बेउहार के सहभागी बन गय हबस।