इफिसियों 3:18 - भगवान कर सच्चा बचन

¹⁸ ताकि सगलू भगवान के पवितर मनसेन के संग मिलके हइ समझै के सक्ति रखै, कि मसीह के माया केतका लम्बा अउ चउडा हबै, केतका ऊंच अउ गहिरा हबै?

इफिसियों 3:18 ပူးပေါင်းရင်းမြစ်များ

यूहन्ना 15:13

एखर लग बडा माया कउनोन के नेहको हबै, कि कउ अपन संगी के निता अपन परान के दइ दे।

रोमियो 10:3

भगवान के नियाइपन के बारे हे अग्यानता अउ अपन नियाइपन के स्थापना करै के खुसी हे उन खुद के भगवान के नियाइपन के वस नेहको करिन।

2 कुरि 13:13

परभु यीसु मसीह के किरपा, भगवान के माया अउ सब पवितर के सहभागी तुम दब के संग होय।

गलातियों 2:20

मै मसीह के संग क्रूस हे टंगाय गयों, अब मै जिन्दा नेहको रहों, पय मसीह मोर हे जिन्दा हबै अउ मै देह हे अब जउन जिन्दा हव ता केबल ऊ बिस्वास लग जिन्दा हव, जउन भगवान कर टोरवा हे हबै, जउन मोर लग माया करिस अउ मोर निता खुदय के दइ दय हबै।

गलातियों 3:13

मसीह जउन हमर निता सरापित बनिस, हमके खरीदके नियम के सरापित लग बचाइस, काखे लिखवरे हबै, “जउन कउ क्रूस हे टंगाय जथै ऊ सरापित हबै।”

इफिसियों 1:10

भगवान के हइ इक्छा हबै कि सही टेम आमै लग स्वरग के अउ भुंइ के सगलू चीजन के मसीह हे अकजुट करै।

इफिसियों 1:15

इहैनिता जब लग मै परभु यीसु मसीह हे तुम्हर बिस्वास अउ सगलू पवितर मनसेन के माया के बारे हे सुने हव,

इफिसियों 3:19

अउ मसीह के ऊ माया के जान सका जउन समझ लग बाहिर हबै, ताकि तुम भगवान के सगलू भरपूर हे हुइ जा।

कुलुस्सियो 1:4

काखे हम मसीह यीसु हे तुम्हर बिस्वास अउ सगलू पवितर मनसे के परति तुम्हर माया के बारे हे सुने हवन।

1 तीमु 3:16

धरम के हइ रहस्य बिना संका के बडा हबै, मसीह देह के रूप हे परगट हुइस, पवितर आतमा के दवारा सही परमानित हुइस, अउ स्वरगदूत के दिखाई दइस, दूसर जात हे ओखर परचार हुइस, दुनिया भर के मनसे ओखर उप्पर बिस्वास करिन, अउ ऊ महिमा हे उप्पर उठाय लय गइस।

परकासितवाक्य 3:21

पय जउन जीत पाही, उके मै अपन संग अपन राजगद्दी हे बइठाय के हक देहुं, ठीक जसना मै जीत के अउ अपन बाफ के संग ओखर राजगद्दी हे बइठे हव।