2 कुरि 13:11 - भगवान कर सच्चा बचन

¹¹ अब हे भाई अउ बेहन, मै तुम्हर लग बिदा लेथो, अपन आदत निक्खा करा, ओसनेन करत जा जसना मै कहे हव, अक जसना सोचा, सान्ति लग रहा, जेखर लग माया अउ सान्ति के भगवान तुम्हर संग रही।

2 कुरि 13:11 ပူးပေါင်းရင်းမြစ်များ

मत्ती 1:23

“देखा, अक्ठी कुमारी देह हे होही अउ अक्ठी टोरवा के पइदा करही। अउ ओखर नाम इम्मानुएल रखे जही,” जेखर मतलब हबै “भगवान हमर संग हबै।”

मत्ती 5:48

इहैनिता जरूरी हबै, कि तुम दया करै बाले बना, जसना तुम्हर स्वरग कर बाफ दया बाले हबै।

मरकुस 10:49

अउ ऊ रुक जथै, अउ कथै, अन्धरा मनसे के मोर लिघ्घो लाबा, अउ मनसेन उके बुलाय के कथै, हिम्मत धर, अउ ठाड हुइ जा, यीसु तोके बुलाथै।

मरकुस 9:50

“नून निक्खा हबै, अगर नून के मिठास खराब हुइ जाय ता खाना के कसना खाये के निता बनाय जा सकथै?” अपन के नून बनाबा, अउ अक्ठी दूसर लग माया के जीवन होय।

लूका 9:61

फेर दूसर कउ बोलिस, “परभु मै तोर संग जइहों, पय आगू मोर अपन घर बालेन लग बिदाई लइ आओ।”

यूहन्ना 17:23

मै उनखर हे अउ तै मोर हे, जेखर लग उन पूरी तरह लग अक्ठी हुइ जाय अउ दुनिया हइ जान लेय कि तै मोके पठोय हबस अउ जउन मेर तै मोर लग माया करे, उहै मेर उनखरो लग माया करे हबस।

प्रेरितो 15:29

तुम मूरतिन अउ बलि करे हर ले अउ खून ले अउ नटेरी घोटे हर के मास ले अउ गलत काम बाले डउकी ले दुरिहां रइहा। एखर ले दुरिहां रहा ता तुम्हर भला होही। आगू सुभ।”

प्रेरितो 18:21

पय जात टेम उनखर लग कथै, “अगर भगवान के इक्छा होही ता मै तुम्हर लिघ्घो फेरै आहुं।” फेर ऊ इफिसुस लग नाह जिहाज हे चढ के कढ जथै।

प्रेरितो 23:30

फेर जब मोके जानकारी मिलिस कि उहां हइ मनसे के बिरोध हे अउ कउ साजिस रचे हबै, ता मै इके हरबी तोर लिघ्घो पठोय दय हव। अउ एखर उप्पर आरोप लगामै बालेन के हइ आदेस दइ देथै, कि एखर बिरोध लगाय गय अपन आरोप के तोर आगू रखै।

रोमियो 12:16

अपनै हे मेलजोल के भाव बनाय रखा, अहंकारी झइ बना, बलुक दीन दुखियन लग मिलत जुलत रहा, अपन खुद के होसियार झइ समझा।

रोमियो 12:18

जिहां तक हुइ सकै, अपन पल्ला लग सगलू के संग सान्ति बनाय रखा।

रोमियो 14:19

हम असना बातन हे लगे रही जेखर लग सान्ति के बढाबा मिलथै, अउ जेखर दवारा अक दूसर के उन्नत के सकथन।

रोमियो 15:13

भगवान जउन आसा के दाता हबै, तुमही बिस्वास करै हे सबैमेर के मगन, अउ सान्ति लग भरपूर करा, कि पवितर आतमा के सक्ति लग तुम्हर आसा बढत जाय।

रोमियो 15:33

सान्ति के भगवान तुम सगलू के संग रहै। ओसनेन होय।

रोमियो 16:20

मुकति के परभु भगवान भुतवा के तुम्हर गोड लग जलदी कुचरवा दइहों। हमर परभु यीसु मसीह के अनुगरह तुम्हर हे होतै रहै।

1 कुरि 1:10

हे भाई अउ बेहन, मै तुम्हर लग हमर परभु यीसु मसीह के नाम लग बिनती करथो, कि तुम्हर हे कउनो लडाई झगडा झइ होय, तुम सबझन अक संग मिल के रहा, अक्ठी मन अउ अक्ठी उदेस्य हे रहा।

2 कुरि 1:4

हमर हर परेसानी हे ऊ हमके सान्ति देथै, ताकि हमु हरमेर के परेसानी हे पडे मनसेन के ओसनेन सान्ति दइ सकि, जसना भगवान हमके सान्ति दय हबै।

2 कुरि 13:14

परभु यीसु मसीह के अनुगरह अउ भगवान के माया अउ पवितर आतमा के संग तुम सबके संग होवत रहै।

2 कुरि 13:9

जब हम ढिलवा हबन अउ तुम ताकतबर हबा, ता हम खुस होथन, अउ हइ पराथना करथन कि तुम मनसे के सुधार होय।

इफिसियों 4:12

ताकि पवितर मनसे सेबा के निता तइयार करे जाय अउ मसीह के देह मतलब मंडली के उन्नत होय।

इफिसियों 4:3

अउ मेल मिलाप के बंधन हे पवितर आतमा के एकता के बनाय रखैके परयास करा।

इफिसियों 6:23

भगवान बाफ अउ परभु यीसु मसीह के पल्ला लग भाई बेहन के सान्ति अउ बिस्वास सहित माया मिलै।

फिलिप्पियन 1:27

तुम अक्ठी बात के धियान रखा, तोर आचरन मसीह के संदेस के काबिल होय। हइमेर मै चाहे आयके तोर लग मिलो चाहे दुरिहां रहिके तोर बारे हे सुनो, मोके हइ पता होय कि तुम अक्ठी आतमा हे मजबूत के संग स्थिर होय अउ संदेस लग बिस्वास के निता अकजुट हुइके मेहनत करथा।

फिलिप्पियन 3:16

जउन होय, जिहां तक हम पहुंच चुके हवन, ओखर उप्पर हम मजबूत रही।

फिलिप्पियन 4:2

मै यहूदिया अउ सुन्तुखे दुनोन के उतसाहित करथो, कि तुम परभु हे अक जसना सोंच बनाय रखा।

फिलिप्पियन 4:4

तुम परभु हे हर टेम मगन रहा, मै फेरै कथो मगन रहा।

फिलिप्पियन 4:9

तुम जउन मोर लग सीखे हबा, उके माना सुना अउ मोके देखा ओखरै के जसना धियान करा अउ सान्ति के भगवान तुम्हर संग रही।

1 थिस्स 3:10

हम रात दिन बोहत भगवान लग बिनती करत रथन कि हम तुमही दुइबारा देख सकि, अउ तुम्हर बिस्वास हे जउन कमी रह गय हबै, उके पूर कर सकि।

1 थिस्स 4:1

हे भाई अउ बेहन, तुम हमर लग हइ सिक्छा लइ चुके हबा कि कउन मेर बेउहार करै के अउ भगवान के खुस करै के चाही, अउ तुम एखर मेर चलत हबा। आखरी हे हम परभु यीसु के नाम हे तुम्हर लग बिनती के संग समझामै के हबै कि तुम हइ बारे हे अउ आगू बढत जा।

1 थिस्स 4:18

हइ बातन के दवारा अक दूसर के धीर अउ सान्ति दय करिहा।

1 थिस्स 5:13

उनखर मेहनत के धियान हे रखत उनही माया के संग इज्जत करा, अक दूसर लग मिलके रइहा।

1 थिस्स 5:16

हरमेसा खुस रहा।

1 थिस्स 5:23

सान्ति के भगवान खुदय पूरी तरह लग पवितर करै, अउ तुम्हर आतमा अउ परान अउ देह हमर परभु यीसु मसीह के आमै तक पुरी तरह लग बेकसूर पाय जाय।

2 थिस्स 2:16

हमर परभु यीसु मसीह अउ हमर भगवान बाफ, जउन हमर लग माया करिस, अउ अनुगरह किरपा लग सबरोज के सान्ति अउ निक्खा आसा दय हबै,

2 थिस्स 3:1

हे भाई, आखरी हे हइ तुम हमर निता पराथना बिनती करा, जेखर लग परभु के बचन हरबी फइल जाय अउ महिमा पाबै सब जिघा इज्जत के संग स्वीकार करे जाय, जसना कि तुम्हर बीच हे हुइस।

2 थिस्स 3:16

अब सान्ति के परभु खुदय तुमही हर टेम, हर मेर लग सान्ति देयत रहै, परभु तुम सबके संग रहै।

2 तीमु 2:22

जबानी के लालच ले भाग, अउ जउन सुध्द मन ले परभु के नाम लेथै उनखर संग नियाइपन, अउ बिस्वास, अउ माया, अउ मेलमिलाप के पीछा के।

इब्रानिन 12:14

सगलुन के संग सान्ति बनाय रखा अउ ऊ पवितरता के खोजत रहा, जेखर बिना कउनो परभु के देख नेहको पाही।

इब्रानिन 13:20

अब सान्ति के भगवान, जउन गेडरन के महान बरेदी मतलब मसीह यीसु, हमर परभु के सबरोज के टीमा के खून के दवारा मरे हर मसे जिन्दा करिस।

याकूब 1:4

धीर के अपन काम पूर करै देया कि तुम निरदोस अउ सिध्द हुइ जा, अउ तुम हे कउनो मेर के कमी झइ रहै।

1 पतरस 3:11

ऊ बुराई लग दुरिहां रहै अउ भलाई करी, ऊ सान्ति के खोजै अउ ओखर निता परयास करा।

1 पतरस 3:8

आखरी हे हइ तुम सब के सब अक्ठी मन अउ किरपालू अउ भाईचारा के मेर रखा, अपन हे माया रखा, करुनामय अउ नरम बना।

1 पतरस 5:10

भगवान जउन सगलू अनुगरह किरपा के दाता हबै, तुमही यीसु मसीह हे अपन सबरोज के महिमा के निता बोलाय हबै, ऊ तुम्हर चुटु देर तक दुख उठामै के बाद, तुमही फेरै सिध्द करही, बलवान अउ मजबूत बनाही।

परकासितवाक्य 22:21

परभु यीसु के दया, अनुगरह तुम सबके उप्पर बने रहै, ओसनेन होय।