2 कुरि 10:1 - भगवान कर सच्चा बचन

¹ मै पोलुस मसीह के नम्र अउ दया के नाम हे तुम्हर लग हइ बिनती करथो, कुछ मनसे कथै कि मै तुम्हर आगू कोमर हव, पय दुरिहां रहत भरमा निरभय हव।

2 कुरि 10:1 ပူးပေါင်းရင်းမြစ်များ

मत्ती 11:29

मोर जुंवा अपन उप्पर लइला अउ मोर लग सीखा, काखे मै आतमा लग कोमर अउ नरम हंव अउ तुम अपन मन हे अराम पइहा।

मत्ती 21:5

“सियोन के नगरी लग कहा, देख तोर राजा तोर लिघ्घो आथै, ऊ नरम हबै अउ गदहा हे बइठे हबै, पय गदही कर लरका हे।”

प्रेरितो 8:32

पवितर किताब के जउन पद के पढथै ऊ हइ रथै, “ऊ मरै बाले गेडरा के जसना लइजात रहिन, अउ गेडरा ऊन काटै बाले के जसना चुप्पेचाप रथै, उहै मेर ऊ अपन मुंह नेहको खोलथै।

रोमियो 10:20

फेर यसायाह हिम्मत करके परभु के हइ कथन सुनाइस, जउन मोके नेहको खोजथै, उन मोके पाइन अउ जउन मोर बारे हे सबाल नेहको पूछथै, उनखर हे मै अपन के परगट करेव।

रोमियो 12:1

हे भाई अउ बेहन, भगवान के बडी दया के उजियार हे तुम सबले मोर बिनती हबै, कि तुम अपन देह के भगवान के निता मगन करै बाले सुध्द बलि चढावा, इहै तुम्हर सच्ची सेबा हबै।

रोमियो 15:15

तउभरमा मै कहुं-कहुं सुरता करवामै के निता, तुमही जउन बोहत हिम्मत करके लिखो, हइ ऊ दया के कारन हुइस, जउन भगवान मोके दय हबै।

1 कुरि 2:3

सही हे मै तुम्हर बीच दीन हुइके अउ डेरात कांपत तुम्हर लिघ्घो आय रहों।

1 कुरि 4:10

हम मसीह के कारन मूरुख हबन, पय तुम मसीह के समझदार बिस्वासी हबा, हम ढिलवा हबन, अउ तुम बलमान हबा, तुमही इज्जत मिलथै, अउ हमर बेज्जती होथै।

1 कुरि 4:21

तुम काहिन चाहत हबा? का मै डंडा लइके तुम्हर लिघ्घो आंव, या माया अउ दया के आतमा के संग?

2 कुरि 10:10

कुछ मनसे के कहना हबै, कि ओखर चिट्ठी ठोस अउ परभावसाली हबै, पय जब ऊ खुद आथै, ता ओखर देह ढिलवा लगथै अउ ओखर बोलै के सक्ति न के बरोबर हबै।

2 कुरि 10:2

मोर बिनती हइ हबै, जब मै उहां आंव ता मोके उनखर परति, जउन हइ सोचथै कि हम देह के जसना चलै बाले समझथै, ऊ ठोस दिखामै का झइ पडै जेखर मोर लग आसरा करे जथै।

2 कुरि 10:7

तुम केबल जउन आगू हबै, ओखर बाहरी रूप के देखथा, अगर कउनो के अपन बारे हे हइ जरूरी हबै कि ऊ मसीह के हबै ता ऊ हइ बात हे दुबारा बिचारै कि जसना ऊ मसीह के हबै ओसनेन हमु मसीह के हबन।

2 कुरि 11:21

मै लाज के संग कथो, कि तुम मनसे हइ मेर के बेउहार करै का मोके हिम्मत नेहको हुइस, तुम इके मोर नदानी समझा, पय जउन बातन के बारे हे ऊ मनसे बडा बात करै का हिम्मत करथै, महुं उन बातन के बारे हे उहै कर सकथों।

2 कुरि 11:30

अगर कउनो बात हे गर्व करै का हबै, ता मै अपन ढिलवन के उप्पर गर्व करिहों।

2 कुरि 12:5

इहै मनसे के पल्ला लग मै गर्व करिहों, जउन खुद अपन बारे हे नेहको, केबल अपन कमजोरन के बारे हे बात करथै।

2 कुरि 3:12

इहै आसा के कारन हमर बात बगैर डर के हबै।

2 कुरि 5:20

इहैनिता हम मसीह के राजदूत हबन, भगवान हमर दवारा तुम्हर लग बिनती करथन, मसीह के पल्ला लग तुम्हर लग हमर बिनती हबै, भगवान लग मेल जोल के लेया।

2 कुरि 6:1

भगवान के काम हे संग-संग काम करै निता हम तुम्हर लग बिनती करथन कि भगवान के जउन अनुगरह किरपा तुमके मिले हबै, उके बेकार झइ जाय देया।

2 कुरि 7:4

मोके तुम्हर उप्पर पूर बिस्वास हबै, मोके तुम्हर उप्पर गर्व हबै, मै बोहत खुस हव, सगलू दुखो हे आनन्द लग भरपूर रथो।

गलातियों 4:13

पय तुम जानथा कि पहिले मै देह लग नंगहा होमै के कारन तुमके संदेस सुनाय रथो।

गलातियों 5:2

सुनो, मै पोलुस तुम्हर लग कथो कि अगर खतना करइहा, ता मसीह लग तुमही कुछु फायदा नेहको होही।

इफिसियों 3:1

इहै कारन मै पोलुस जउन तुम गैर यहूदिन के भलाई के निता मसीह यीसु के कैदी हव,

इफिसियों 4:1

इहैनिता मै जउन परभु के होमै के कारन कैदी हव, तुम्हर लग बिनती करथो, कि तुमही अपन जीवन ओसनेन जीयेका चाही।

फिलिप्पियन 4:5

सगलू मनसे तोर स्वभाव के जानै परभु के आमै के टेम लिघ्घो हबै।

कुलुस्सियो 1:23

पय तुमके बिस्वास के नीह हे मजबूत अउ अडे बने रहे चाही अउ ऊ आसा लग नेहको भटके चाही, जउन तुमके संदेस के दवारा देबाय गय हबै, ऊ परचार बादर के तरी सगलू रचना के सुनाय गय हबै अउ मै पोलुस ओखर सेबक बने हव।

2 थिस्स 3:17

मै पोलुस, अपन हाथ लग नमस्ते लिखथो। हइ मोर सब चिट्ठी के चिन्हा हबै, मै इहैमेर लिखथो।

फिलेमोन 1:19

मै पोलुस अपन हाथ लग लिखथो कि मै खुदय चुकाय देहुं, काहिन मै तोके सुरता देबाबा कि तुम्हरो उप्पर मोरो करजा हबै? तुम तो मोरेन हबा।

फिलेमोन 1:9

पय माया के आधार हे मै तुम्हर लग पराथना करै के निक्खा समझथो, मै पोलुस जउन अब डोकराय गय हव अउ यीसु मसीह के निता अब कैदी बन गय हव।

1 पतरस 2:11

हे प्रिजन भाइयो, मै तुम्हर लग बिनती करथो कि तुम अपन खुद के परदेसी अउ यातरी जानके उन दुनिया के लोभ लालच लग जउन आतमा के बिरोध लडथै।

परकासितवाक्य 1:9

मै तुम्हर भाई यूहन्ना यहों अउ यीसु के संकट, राज अउ धीर हे तुम्हर सहभागी हबो, भगवान कर बचन अउ यीसु के बारे हे गवाह के कारन मै पतमुस नाम दीप हे डाले गय रथो।