1 पतरस 2:6 - भगवान कर सच्चा बचन

⁶ इहैनिता पवितर किताब हे लिखवरे हबै, “देखा, मै सियोन डोंगर अक्ठी चुने हर कीमती कोन्टा के पथरा धरथो, अउ जउन कउ ओखर हे बिस्वास करही, उके कउनो मेर के लज्जित नेहको होमैके पडही।”

1 पतरस 2:6 ပူးပေါင်းရင်းမြစ်များ

मत्ती 12:18

“हइ मोर सेबक हबै जेही मै चुने हबो, हइ मोर पिरिया हबै मै ओखर लग मगन हबो, मै अपन आतमा एही दइहों, अउ ऊ गैर यहूदी के सब मनसेन के नियाव करही।

मरकुस 12:10

का तुम पवितर किताब हे, हइ बचन के नेहको पढे हवा, जउन पथरा के राज मिसतिरी बेकार समझे रथै, उहै कोना के सिरा मुख्य पथरा हुइ जथै।

लूका 20:17

उनखर पल्ला निहाडथै, अउ कथै, ता फेर हइ काहिन लिखवरे हर हबै, जउन पथरा के मिसतिरी बेकार समझे रथै, पथरा कोन्टा के मुखिया बन जथै।

लूका 23:35

उहां ठाड हुइके सगलू मनसे देखथै अउ यहूदी नेता सरदार यीसु के मजाक करत कथै, हइ दूसर के बचाइस, यदि हइ भगवान कर चुने हर मसीह हबै, ता एही अपन खुदय मदद करै देया।

यूहन्ना 7:38

जउन कउ मोर हे बिस्वास करथै, ऊ अपन पियास बुझामै। जसना कि पवितर किताब हे लिखवरे हबै, ओखर भित्तर लग जीवन के पानी के नदिया बह निकडही।”

प्रेरितो 1:16

“हे भाइयो,” जरूरी रहिस कि पवितर किताब के ऊ आगू कर बात पूर हुइ जाय, जउन पवितर आतमा दाऊद के मुंह लग यहूदा कर बारे हे करे रथै, यहूदा तो यीसु के पकरवामै बाले कर मुखिया बन गइस।

रोमियो 10:11

काखे पवितर किताब हइ कथै, जउन कउ ओखर हे बिस्वास करही ऊ बेज्जती नेहको होही।

इफिसियों 1:4

जसना ऊ हमही दुनिया के बनै लग आगू चुन लइस, कि हम ओखर लिघ्घो माया हे पवितर, अउ बिना निरदोस के होय।

इफिसियों 2:20

तुम्हर रचना ऊ घर के जसना हबै, जउन चेला अउ ग्यानी मनसे के नीह हे ठाढ हबै अउ जेखर खुटान के पथरा खुद यीसु मसीह हबै।

2 तीमु 3:16

सगलू पवितर किताब भगवान के अगुवाई लग लिखे गय हबै, हइ सिक्छा दे, गलत बिचार के बिरोध करै, दोस-सुधार अउ नियाइपन के सिक्छा के निता सही हबै।

1 पतरस 2:4

अब तुम ओखर लिघ्घो आय हबा, जउन जिन्दा पथरा हबै, जेही मनसे बेकार समझ के छांड दय रहिन पय भगवान के दवारा चुने हर अउ ओखर नजर हे कीमती हबै, तुम ओखर लिघ्घो आबा।

1 पतरस 2:8

अउ इहो लिखवरे हबै, “ऊ असना पथरा हबै जेखर लग मनसेन के ठोकड लगथै, असना पटपर हबै जेखर लग उन ठोकड खाथै।” उन बचन हे बिस्वास नेहको करैका चाहथै, इहैनिता उन ठोकड खाय के गिर जथै, इहै उनखर नियम हबै।

2 पतरस 1:20

पय सबले पहिले हइ समझ लेया कि पवितर किताब के कउनो आगू कर बात खुद ग्यानी मनसेन के अपन सोंच नेहको हबै।

2 पतरस 3:16

जसना ऊ अपन सगलू चिट्ठी हे इन बातन के चरचा करथै, उन चिट्ठी हे कुछ असना बात हबै, जउन समझै हे कठिन हबै, जउन अनपढ अउ हुसियार मनसे बिगाड देथै, हइ मेर अपन नास के लेथै।