1 कुरि 15:27 - भगवान कर सच्चा बचन

²⁷ काखे “भगवान सगलू कुछु ओखर गोड तरी कर दय हबै” पय जब ऊ कथै कि “सगलू कुछु” ओखर कबजा हे कर दय हबै, ता हइ साफ हबै कि भगवान, जउन सब कुछ मसीह कर कबजा हे करे हबै, इन सब हे सामिल नेहको हबै।

1 कुरि 15:27 ပူးပေါင်းရင်းမြစ်များ

मत्ती 11:27

मोर बाफ मोके सगलू कुछ सउप दय हबै, बाफ के सिबाय अउ कउ टोरवा के नेहको जानथै अउ टोरवा के छांडके बाफ के कउ नेहको जानथै अउ टोरवा उके परगट करै के चाहथै।

मत्ती 28:18

यीसु उनखर लिघ्घो आयके कथै, “मोके स्वरग हे अउ भुंइ हे सगलू हक दय गय हबै।

यूहन्ना 13:3

यीसु हइ जानथै कि बाफ सगलू कुछु ओखर हाथ हे सउप दय हबै अउ ऊ भगवान कर लिघ्घो लग आय हबै अउ भगवान कर लिघ्घो जात हबै।

यूहन्ना 3:35

बाफ अपन टोरवा लग माया करथै अउ ऊ सगलू चीज ओखर हाथ हे दइ दय हबै।

इफिसियों 1:20

जउन भगवान यीसु मसीह हे करिस कि यीसु के मरे हर मसे जिन्दा करके ऊ स्वरग के जिघा हे अपन दहिना पल्ला बइठाइस।

इफिसियों 1:22

सगलू कुछु उनखर गोडन के तरी करके उनके खास ठहराय के मंडली के दइ दइस।

इब्रानिन 1:13

भगवान कबहुन कउनो स्वरगदूत लग असना नेहको कहिस, “तै मोर दहिना पल्ला बइठ जा, जब तक मै तोर बैरी के, तोर गोड के चउकी नेहको बनाय दो।”

इब्रानिन 10:12

पय पुजारी के जसना मसीह तो पाप के निता, सबरोज निता अक्ठिन बलि चढाय के भगवान के दहिना पल्ला जायके बइठ गइस,

इब्रानिन 2:8

तै सगलू कुछु यीसु के गोड के तरी कर दइस” जब भगवान सगलू कुछु ओखर वस हे के दइस, ता ऊ कुछु असना नेहको छांडिस जउन ओखर वस हे न होय। सहीमा हे हम अब तक हे हइ नेहको देखन कि सगलू कुछु ओखर वस हे हबै।

1 पतरस 3:22

मसीह यीसु स्वरग हे जायके भगवान के दहिना पल्ला बइठ गइस अउ सगलू स्वरगदूत, साहबन अउ सक्ति के ओखर कबजा हे के दय हबै।

परकासितवाक्य 1:18

अउ मै उहै यहों, जउन जिन्दा हबै, मै मरै रहों, पय देख, अब मै हरमेसा-हरमेसा के निता जिन्दा हव, मोर लिघ्घो मिरतू अउ नरक के चाभी हबै।