ରୋମୀୟ 7:18 - ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

¹⁸ ଇରି ମୁୟ୍‌ଁ ଜାଣି ମର୍‌ ତଃୟ୍‌, ଗଃଗାଳେ ଜୁୟ୍‌ରି ହେଁ ନିକ ବିସୟ୍‌ ବାସା ନଃକେରେ, ଜଃନ୍ ମୁୟ୍‌ଁ ଇଚା କଃରୁ ହାରୁଲେ, ମଃତର୍‌ ଜାୟ୍‌ରି ନିକ ସେରି କଃରୁକେ ମର୍‌ ବଃଳ୍‌ ନାୟ୍‌ ।

ବ୍‌ଡ଼୍ ହ୍‌ର୍‌ଜା ବାଇବଲ

¹⁸ ମୁଇ ଇରି ଜାଣିନ୍ଦ୍ ଯେ ମର୍ ବିତ୍‌ରେ କାଇ ବ୍‍ଲ୍ ବିଷୟ୍ ନାଇ। ମୁଇ କ୍‌ଉତାର୍ ଅର୍‌ତ ଯେ ମର୍ ଗ୍‌ଗାଳେ କାଇରି ବ୍‍ଲ୍ ବିଷୟ୍ ନାଇ।

ରୋମୀୟ 7:18 ပူးပေါင်းရင်းမြစ်များ

ମାତିଉ 15:19

ବଃଲେକ୍‌ ଗଃର୍ବ୍‌ ବିତ୍ରେ ହୁଣି କଃରାବ୍‌ ବାବ୍‌ନା, ନଃର୍‌ଅଃତ୍ୟା, ଦାରି କଃର୍ତାର୍‌, ଦାରି ମାୟ୍‌ଜି ଟାଣେ ଜାତାର୍‌, ଚର୍‌ କାମ୍‌, ମିଚ୍ ସାକି ଆର୍‌ ଲିନ୍ଦା କଃର୍ତାର୍‌ ବାରାୟ୍‌ଦ୍‌ ।

ଲୁକ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌ 11:13

ଇତାକ୍‌ ତୁମିମଃନ୍ କଃରାବ୍‌ ଅୟ୍‌ଲେକ୍‌ ହେଁ, ଜଃବେ ଅଃହ୍‌ଣା ଅଃହ୍‌ଣାର୍‌ ହିଲାମଃନ୍‌କେ ନିକ ନିକ ଦାନ୍‌ ଦେଉଁକେ ଜାଣାସ୍‌, ତଃବେ ଜୁୟ୍‌ ଉବା ସଃର୍ଗେହୁଣି ଦାନ୍‌ କଃରେଦ୍‌, ସେ ତାର୍‌ ଚଃମେ ମାଗ୍‌ତା ଲକ୍‌ମଃନ୍‌କେ କଃତେକ୍‌ ଅଃଦିକ୍‌ ପବିତ୍ର ଆତ୍ମା ନଃଦେୟ୍‌ ।”

ଜହନ୍‌ 3:6

ଗଃଗାଳେ ହୁଣି ଜାୟ୍‌ରି ଜଃଲମ୍‌ ସେରି ଗଃଗାଳ୍‌ ଆରେକ୍‌, ଆତ୍ମା ତଃୟ୍‌ହୁଣି ଜାୟ୍‌ରି ଜଃଲମ୍‌, ସେରି ଆତ୍ମା ।

ରୋମୀୟ 13:14

ମାପ୍ରୁ ଜିସୁ କ୍ରିସ୍ଟର୍‌ ଅଃସ୍ତର୍‌ସଃସ୍ତରେ ସଃଜଃବାଜ୍‌ ଅୟ୍‌, ହାହ୍‌କେ ଚାଡା, ହାହ୍‌ ଆର୍‌ ଗଃଗାଳାର୍‌ ଇଚାକ୍‌ ହୁର୍ନ୍‌ କଃରୁକେ ମଃନେ ଚିତା କଃରା ନାୟ୍‌ ।

ରୋମୀୟ 7:15

ମୁୟ୍‌ଁ ଜାୟ୍‌ରି କଃରିନ୍ଦ୍‌ ସେରି ନଃଜାଣି, ମୁୟ୍‌ଁ ଜାୟ୍‌ରି ଇଚା କଃରିନ୍ଦ୍‌ ସେରି ନଃକେରି, ମଃତର୍‌ ମୁୟ୍‌ଁ ଜାୟ୍‌ରି ଗିଣ୍ କଃରିନ୍ଦ୍‌ ସେରି ହଃକା କଃରିନ୍ଦ୍‌ ।

ରୋମୀୟ 7:19

ବଃଲେକ୍‌ ଜୁୟ୍‌ ନିକ କାମ୍‌ କଃରୁକେ ମୁୟ୍‌ଁ ଇଚା କଃରିନ୍ଦ୍‌, ସେରି ନଃକେରି, ମଃତର୍‌ ଜୁୟ୍‌ କଃରାବ୍‌ କାମ୍‌ କଃରୁକେ ମୁୟ୍‌ଁ ଇଚା ନଃକେରି ସେରି କଃରୁଲେ ।

ରୋମୀୟ 7:25

ଇସ୍ୱରାର୍‌ ଦନ୍ୟବାଦ୍‌, ମାପ୍ରୁ ଜିସୁ କ୍ରିସ୍ଟର୍‌ ଦଃୟ୍‌ ଇରି ସେ ସାଦୁନ୍‌ କଃରିଆଚେ । ତଃବେ ଇରି ଅଃଉଁଲି ମର୍‌ ଅବୁସ୍ତା । ଇସ୍ୱରାର୍‌ ବିଦି ଅଃବ୍‌କା ମୁୟ୍‌ ମର୍‌ ମଃନେ ମାନୁ ହାରି । ମଃତର୍‌ ମର୍‌ ମାନାୟ୍‌ ଗୁଣ୍ ମକେ ହାହାର୍‌ ସେବାକାରି ଅଃଉଁକେ ବଃଳ୍‌ମାଡ୍‌ କଃରୁଲି ।

ରୋମୀୟ 7:5

କାୟ୍‌ତାକ୍‌ବଃଲେକ୍‌ ଜଃଡେବଃଳ୍‌ ଅଃମିମଃନ୍‌ ଗଃଗାଳାର୍‌ ତଃଳେ ରିଲୁ ସଃଡେବଃଳ୍‌ ବିଦି ତଃୟ୍‌ ହାହ୍‌ ଇଚା ସଃବୁ ଅଃମିମଃନାର୍‌ ସଃର୍ନେ ଗଃଗାଳ୍‌ ବିତ୍ରେ ମଃର୍ନାର୍‌ ଗିନେ ହଃଳ୍‌ ଉବ୍‌ଜାଉଁକ୍‌ କାମ୍‌ କଃର୍ତି ରିଲୁ ।

ଗାଲାତିୟ 5:17

କାୟ୍‌ତାକ୍‌ବଃଲେକ୍‌ ଗଃଗାଳାର୍‌ ଇଚା ପବିତ୍ର ଆତ୍ମାର୍‌ ବିରଦ୍‌ ସେରଃକମ୍‌ ପବିତ୍ର ଆତ୍ମାର୍‌ ଇଚା ଗଃଗାଳାର୍‌ ଇଚାର୍‌ ବିରଦି ବଃଲେକ୍‌ ଇ ଜଳେକ୍‌ ନିଜାର୍‌ ନିଜାର୍‌ ସଃତ୍ରୁ, ତଃବେ ତୁମିମଃନ୍ ଜାୟ୍‌ଜାୟ୍‌ରି ଇଚା କଃରାସ୍‌, ସେସଃବୁ କଃରୁ ନଃହାରାସ୍‌ ।

ଗାଲାତିୟ 5:24

ଜୁୟ୍‌ ଲକ୍‌ମଃନ୍ କ୍ରିସ୍ଟ ଜିସୁର୍‌ ତଃୟ୍‌ ସେମଃନ୍ ଗଃଗାଳ୍‌କେ ସେତିର୍‌ ଦାରି କାମ୍‌ ଆର୍‌ ଇଚାକ୍‌ କ୍ରୁସେ ମଃରାୟ୍‌ ଆଚ୍‌ତି ।

ପିଲିପିୟ 2:13

କାୟ୍‌ତାକ୍‌ବଃଲେକ୍‌ ତୁମିମଃନ୍‌କେ ଇସ୍ୱରାର୍‌ ଇଚା ସାଦୁନ୍‌ କଃରୁକେ ମଃନ୍‌ କଃରୁକେ ଆର୍‌ ଜୟ୍‌ଗ୍‌ କଃରୁକେ ନିଜେ ତୁମାର୍‌ ବିତ୍ରେ କାମ୍‌ କଃରେଦ୍‌ ।

ପିଲିପିୟ 3:12

ମୁୟ୍‌ଁ ଜେ ଅଃବେ ସେ ସଃବୁ ହାୟ୍‌ଆଚି କି ସିଦ୍‌ ଅୟ୍‌ ଆଚି, ସେରି ନାୟ୍‌, ମଃତର୍‌ କ୍ରିସ୍ଟ ଜିସୁ ମକ୍‌ କୁଦି ରିଲାକେ ସେତାର୍‌ ଇନାମ୍‌ ହାଉଁକେ ଦଃବ୍‌ଳୁଲେ ।

ତିତସ୍‌ 3:3

କାୟ୍‌ତାକ୍‌ବଃଲେକ୍‌ ହଃର୍ତୁ ଅଃମିମଃନ୍‌ ହେଁ ନିର୍ବୁଦିଆ, ଅମାନ୍ୟାକାରି, ବାଣା ଆର୍‌ ନାନା ରଃକମାର୍‌ କଃରାବ୍‌ ବୟ୍‌ଗ୍‌ ଆର୍‌ ସୁକ୍‌ ବୟ୍‌ଗାର୍‌ ଗତିଦଃଙ୍ଗ୍‌ଳା ରିଲୁ, ଆକାର୍‌, ଆର୍‌ ଡାରା କଃତାୟ୍‌ ଦିନ୍ କାଟତି ରିଲୁ, ଲକ୍‌କେ ଲାଡ୍‌ ନଃକେର୍ତି ରିଲୁ ଆର୍‌ ବିନ୍ ଲକ୍‌ମଃନ୍‌ ହେଁ ଅଃମିକ୍‌ ଗିଣ୍ କଃର୍ତି ରିଲାୟ୍‌ ।

1 ପିତର୍ 4:2

ଜଃନ୍‌କଃରି ତୁମିମଃନ୍ ଇ ଜଃଗତାର୍‌ ଜିବନାର୍‌ ବାକି କାଳ୍‌ ମାନାୟ୍‌ର୍‌ କଃରାବ୍‌ ଇଚା ହଃର୍କାରେ ଜିବନ୍‌କାଟି ନଃକେରି ଇସ୍ୱରାର୍‌ ଇଚା ହଃର୍କାରେ ଜିବନ୍ କାଟା ।