ଜହନ୍‌ 8:29 - ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

²⁹ ଜେ ମକ୍‌ ହଃଟାୟ୍‌ ଆଚେ, ସେ ମର୍‌ ସଃଙ୍ଗ୍ ଆଚେ, ସେ ମକ୍‌ ଏକ୍ଲାକେ କଃବେ ନଃଚାଡେ, କାୟ୍‌ତାକ୍‌ବଃଲେକ୍‌ ତାର୍‌ ଜାୟ୍‌ରି ମଃନ୍, ମୁୟ୍‌ ସେରି କଃରୁଲେ ।”

ବ୍‌ଡ଼୍ ହ୍‌ର୍‌ଜା ବାଇବଲ

²⁹ ଯେ ମକେ ହ୍‌ଟାଇଲା ଆଚେ ସେ ମର୍‌ସ୍‍ଙ୍ଗ୍‌ ଆଚେ, ସେ ମକେ ଏକ୍‍ଲା ନ୍‌କେରେ, କାଇତାକ୍ ସେ ଜୁଇରି ମ୍‌ନ୍‌କ୍‌ରୁଲା, ସେରି ସେ ମୁଇ ସ୍‌ବୁବ୍‌ଳ୍ କ୍‌ରୁଲେ।”

ଜହନ୍‌ 8:29 ပူးပေါင်းရင်းမြစ်များ

ମାତିଉ 17:5

ପିତର୍‌ ଇ କଃତା କଃଉ କଃଉ କଃଣ୍ଡେକ୍‌ ଉଜାଳ୍‌ ମେଗ୍ ସେମଃନ୍‌କେ ଡାହ୍‌ଲି, ଆର୍‌ ସେ ମେଗେ ହୁଣି ଇ କଃତା କଃଉଆ ଅୟ୍‌ଲି, “ଇରି ଅଃମାର୍‌ ଲାଡାର୍‌ ହଅ, ଆର୍‌ ଉହ୍ରେ ଅଃମାର୍‌ ବଃଡେ ସଃନ୍‌ମତ୍‌, ଆର୍‌ କଃତା ସୁଣା ।”

ମାତିଉ 3:15

ମଃତର୍‌ ଜିସୁ ତାକ୍‌ କୟ୍‌ଲା, “ଅଃବେ ମର୍‌ କଃତାୟ୍‌ ରାଜି ଅଃଉ, କାୟ୍‌ତାକ୍‌ବଃଲେକ୍‌ ଅଃମି ଇବାନ୍ୟା ସଃବୁ ଦଃର୍ମ୍‌କାମ୍‌ କଃରି ଇସ୍ୱରାର୍‌ ଇଚା ହୁରୁଣ୍ କଃର୍ତାର୍‌ ଲଳାଆଚେ ।” ତଃବେ ଜହନ୍‌ ତାକ୍‌ ବାପ୍ତିସମ୍‌ ଦେଉଁକେ ରାଜି ଅୟ୍‌ଲା ।

ମାତିଉ 3:17

ଆର୍‌ ସଃଡେବଃଳ୍‌ ସଃର୍ଗେ ହୁଣି ଗଟେକ୍‌ କଃତା ସୁଣା ଅୟ୍‌ଲି, “ଏ ଅଃମାର୍‌ ଲାଡାର୍‌ ହଅ, ଆର୍‌ ତଃୟ୍‌ ଅଃମି ବଃଡେ ସଃନ୍‌ମତ୍‌ ।”

ଜହନ୍‌ 14:31

ମଃତର୍‌ ଉବା ମକ୍‌ ଜଃନ୍‌କଃରି ଆଡର୍‌ ଦଃୟ୍‌ ଆଚେ, ସେରଃକମ୍‌ ମୁୟ୍‌ କାମ୍‌ କଃରିନ୍ଦ୍‌, ତଃନ୍‌ଅୟ୍‌ଲେକ୍‌ ମୁୟ୍‌ ମର୍‌ ଉବାକ୍‌ ଲାଡ୍‌ କଃରୁଲେ ବଃଲି ଜଃଗତ୍‌ ଜାଣେଦ୍‌ । ଉଟା, ଅଃମିମଃନ୍‌ ଇତିହୁଣି ଜୁଆଁ ।

ଜହନ୍‌ 15:10

ମୁୟ୍‌ ଜଃନ୍‌କଃରି ମର୍‌ ଉବାର୍‌ ଆଦେସ୍‌ ମାନି କଃରି ତାର୍‌ ଲାଡେ ତିର୍‌ ଅୟ୍‌ ଆଚି, ତୁମିମଃନ୍ ସେରଃକମ୍‌ ଜଃବେ ମର୍‌ ଆଦେସ୍‌ ମାନାସ୍‌ ତଃବେ ମର୍‌ ଲାଡେ ତିର୍‌ ଅୟ୍‌ରିଆସ୍‌ ।

ଜହନ୍‌ 16:32

ଦଃକା, ବେଳା ଆସୁଲି, ହେଁ, ଆୟ୍‌ଲିନି, ଜଃଡେବଃଳ୍‌ ତୁମିମଃନ୍ ଚିନ୍‌ବିନ୍ ଅୟ୍‌ ସଃବୁ ଲକ୍‌ ନିଜାର୍‌ ନିଜାର୍‌ ଗଃରେ ହଃଳାୟ୍‌ ଜାହାସ୍‌, ଆର୍‌ ମକ୍‌ ଏକ୍ଲା କଃରି ଚାଡାସ୍‌, ଅୟ୍‌ଲେକ୍‌ ହେଁ ମୁୟ୍‌ ଏକ୍ଲା ନାୟ୍‌, ବଃଲେକ୍‌ ଉବା ମର୍‌ ସଃଙ୍ଗ୍ ଆଚେ ।

ଜହନ୍‌ 17:4

ତୁୟ୍‌ ମକ୍‌ ଜୁୟ୍‌ କାମ୍‌ କଃରୁକେ ଦଃୟ୍‌ଆଚ୍‌ସି, ସେରି ମୁୟ୍‌ ସଃରାୟ୍‌ କଃରି ହୁର୍ତିବିଏ ତକ୍‌ ଜଃଜ୍‌ମାନ୍ କଃରି ଆଚି ।

ଜହନ୍‌ 4:34

ଜିସୁ ସେମଃନ୍‌କେ କୟ୍‌ଲା, “ମକ୍‌ ହଃଟାୟ୍‌ଲା ଉବା ଦଃୟ୍‌ରିଲା କାମ୍‌ ହୁରୁଣ୍ କଃର୍ତାର୍‌ ହଃକା ଅୟ୍‌ଲି ମର୍‌ କାଦି ।”

ଜହନ୍‌ 5:30

“ମୁୟ୍‌ ଅଃହ୍‌ଣାର୍‌ ତଃୟ୍‌ହୁଣି କାୟ୍‌ରି ହେଁ କଃରୁ ନାହାରି, ମୁୟ୍‌ ଜଃନ୍‌କଃରି ସୁଣିନ୍ଦ୍ ସେନ୍‌କଃରି ବିଚାର୍‌ କଃରିନ୍ଦ୍‌, ଆର୍‌ ମର୍‌ ବିଚାର୍‌ ଟିକ୍‌, କାୟ୍‌ତାକ୍‌ବଃଲେକ୍‌ ମର୍‌ ଇଚା ହୁରୁଣ୍ କଃରୁକେ କାମ୍‌ ନଃକେରି, ମଃତର୍‌ ମକ୍‌ ହଃଟାୟ୍‌ଲା ଉବାର୍‌ ଇଚା ହୁରୁଣ୍ କଃରୁକେ କାମ୍‌ କଃରୁଲେ ।”

ଜହନ୍‌ 6:38

କାୟ୍‌ତାକ୍‌ବଃଲେକ୍‌ ମୁୟ୍‌ ମର୍‌ ଇଚା ହୁରୁଣ୍ କଃରୁକେ ନାୟ୍‌, ମଃତର୍‌ ମକ୍‌ ହଃଟାୟ୍‌ଲା ଇସ୍ୱରାର୍‌ ଇଚା ହୁରୁଣ୍ କଃରୁକେ ମୁୟ୍‌ ସଃର୍ଗେ ହୁଣି ଆସି ଆଚି ।

ଜହନ୍‌ 8:16

ମଃତର୍‌ ମୁୟ୍‌ ଜଦି ବିଚାର୍‌ କଃରିନ୍ଦ୍‌, ତଃବେ ହେଁ ମର୍‌ ବିଚାର୍‌ ସଃତ୍ୟା, ବଃଲେକ୍‌ ମୁୟ୍‌ ଏକ୍ଲା ଇ କାମ୍‌ ନଃକେରି, ମଃତର୍‌ ମକ୍‌ ହଃଟାୟ୍‌ଲା ଉବା ମର୍‌ ସଃଙ୍ଗ୍ ଆଚେ ।

୨ ତିମତି 4:17

ମଃତର୍‌ ମାପ୍ରୁ ମର୍‌ବାଟ୍ୟା ଅୟ୍‌ ମକେ ବଃଳ୍‌ ଦିଲା ଆର୍‌ ମୁୟ୍‌ଁ ସିଅଁବାଗାର୍‌ ମୁଏଁ ହୁଣି ରଃକ୍ୟା ହାୟ୍‌ଲେ, ଜଃନ୍‌କଃରି ମର୍‌ ତଃୟ୍‌ହୁଣି ନିକ କବୁର୍‌ ହୁରୁଣ୍‌ କଃରି ପର୍ଚାର୍‌ ଅଃଉଁ ହାରେ ଆର୍‌ ଅଜିଉଦି ଲକ୍‌ମଃନ୍ ସେରି ସୁଣୁ ହାର୍ତି ।

୨ ତିମତି 4:22

ମାପ୍ରୁ ତର୍‌ ଆତ୍ମା ସଃଙ୍ଗ୍ ରେଉଅ । ତୁମାର୍‌ ଉହ୍ରେ ଦଃୟା ଅଃଉଅ ।

ଏବ୍ରି 4:15

କାୟ୍‌ତାକ୍‌ବଃଲେକ୍‌ ଜେ ଅଃମିମଃନାର୍‌ ନିଗାଳ୍‌ତଃୟ୍‌ ଅଃମିମଃନ୍‌କ୍‌ ଦଃୟା ଦଃକାଉଁକ୍‌ ଜୟ୍‌ଗ୍‌, ଅଃମିମଃନାର୍‌ ଇବାନ୍ୟା ମୁଳ୍‌ ଜାଜକ୍‌ ନାୟ୍‌, ମଃତର୍‌ ସେ ହାହ୍‌ ନୟ୍‌ଲା ଲକ୍‌ ଅୟ୍‌ ଅଃମିମଃନାର୍‌ ହର୍‌ ସଃବୁ ରଃକମେ ପରିକ୍ୟା କଃରାୟ୍‌ ଅୟ୍‌ଲା ।

ଏବ୍ରି 7:26

ବଃଲେକ୍‌ ଇରଃକମ୍‌ ମୁଳ୍‌ ଜାଜକ୍‌ ଅଃମିମଃନାର୍‌ ବାଟ୍ୟା ଜୟ୍‌ଗ୍‌ ଆଚେ, ଜେ କି ପବିତ୍ର, ନିର୍ଦସି, ଲିନ୍ଦା ନୟ୍‌ଲାର୍‌, ହାହିମଃନାର୍‌ ତଃୟ୍‌ହୁଣି ବିନେ ଅୟ୍‌ଲାର୍‌, ଆରେକ୍‌ ଅଃଗାସ୍‌ ମଃଣ୍ଡ୍‌ଳାର୍‌ ଉହ୍ରେ ଉଟ୍‌ଲା ।

୧ ଜହନ୍‌ 2:1

ଏ ମର୍‌ ଲାଡାର୍‌ ହିଲାମଃନ୍ ତୁମିମଃନ୍ ଜଃନ୍‌କଃରି ହାହ୍‌ ନଃକେରାସ୍‌, ଇତାର୍‌ ଗିନେ ମୁଁୟ୍‌ ଇ ସଃବୁ ତୁମିମଃନାର୍‌ ହାକ୍‌ ଲେକୁଲେ । ମଃତର୍‌ କେ ଜଦି ହାହ୍‌ କଃରେଦ୍‌ ସେନ୍ ଅୟ୍‌ଲେକ୍‌ ଉବାର୍‌ ଚଃମେ ଅଃମିମଃନାର୍‌ ଗିନେ ଗଃଉଆରି କଃରୁକେ ଗଟ୍‌ ମାନାୟ୍‌ ଆଚେ ସେ ଅଃଉଁଲା ଦଃର୍ମି ଜିସୁ କ୍ରିସ୍ଟ ।

୧ ଜହନ୍‌ 3:22

ଆର୍‌ ଅଃମିମଃନ୍‌ ଜାୟ୍‌ରି ହେଁ ମାଗୁନ୍ଦ୍ ସେରି ସଃବୁ ତାର୍‌ ତଃୟ୍‌ହୁଣି ହାଉଁନ୍ଦ୍, ବଃଲେକ୍‌ ଅଃମିମଃନ୍‌ ତାର୍‌ ବିଦି ମାନୁଲୁ, ଆର୍‌ ତାର୍‌ ଆକାୟ୍‌ ଜାୟ୍‌ରି ନିକ ସେରି କଃରୁଲୁ ।