ଜହନ୍‌ 3:10 - ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

¹⁰ ଜିସୁ ତାକ୍‌ କୟ୍‌ଲା, “ତୁୟ୍‌ ଇସ୍ରାଏଲ୍‌ମଃନାର୍‌ ଗଟେକ୍‌ ଗୁରୁ ଅୟ୍‌କଃରି ହେଁ ଇ ସଃବୁ କାୟ୍‌ରି ନଃବୁଜୁଲିସ୍‌ ?

ବ୍‌ଡ଼୍ ହ୍‌ର୍‌ଜା ବାଇବଲ

¹⁰ ଯୀଶୁ ତାକେ କଇଲା, “ତୁଇ ଇସ୍ରାଏଲର୍ ଏକ୍‍ଲା ଗୁରୁ ଅଇକ୍‍ରି ହେଁ ଇକ୍‍ତା ନ୍‌ଜାଣିସ୍?

ଜହନ୍‌ 3:10 ပူးပေါင်းရင်းမြစ်များ

ମାତିଉ 11:25

ସଃଡେବଃଳ୍‌ ଜିସୁ ପାର୍ତ୍‌ନା କଃରି କୟ୍‌ଲା, “ଏ ଉବା, ସଃର୍ଗ୍‌ ଆର୍‌ ହୁର୍ତିବିର୍‌ ମାପ୍ରୁ, ତୁୟ୍‌ ବୁଦି ଆର୍‌ ଗ୍ୟାନ୍ ରିଲା ଲକ୍‌ମଃନ୍‌କେ ଇ ସଃବୁ କଃତା ଲୁକାୟ୍‌କଃରି ବୁଦି ନୟ୍‌ଲା ଲକ୍‌କେ ଜାଣାୟ୍‌ଲିସ୍‌, ସେତାର୍‌ ଗିନେ ତକେ ଜୁଆର୍‌ କଃରୁଲେ ।

ମାତିଉ 15:14

“ସେମଃନ୍‌କେ ଚାଡା, ସେମଃନ୍ କାଣାମଃନ୍‌କେ ବାଟ ଦଃକାଉତା କାଣାମଃନ୍, ଜଃଡେବଃଳ୍‌ ଗଟ୍‌ କାଣା ଆରେକ୍‌ ଗଟ୍‌ କାଣାକେ ବାଟ କାଡାୟ୍‌ଦ୍‌, ତଃବେ ଦୁୟ୍‌ ଲକ୍‌ ହେଁ କାଲେ ଅଦୁର୍ତି ।”

ମାତିଉ 22:29

ଜିସୁ ସେମଃନ୍‌କେ କୟ୍‌ଲା, “ତୁମିମଃନ୍ ଦଃର୍ମ୍‌ ସାସ୍ତର୍‌ ଆର୍‌ ଇସ୍ୱରାର୍‌ ସଃକ୍ତି ହେଁ ନଃଜାଣି ବୁଲ୍‌କି ଜଃଉଁଲାସ୍‌ ।

ଲୁକ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌ 2:46

ତିନି ଦିନାର୍‌ ହଃଚେ ସେମଃନ୍ ଜିସୁକେ ମନ୍ଦିରେ ବେଟ୍‌ ହାୟ୍‌ଲାୟ୍‌, ସେ ହଃଣ୍ଡିତ୍‌ ମଃନାର୍‌ ସଃଙ୍ଗ୍ ବଃସି କଃରି ସେମଃନାର୍‌ କଃତା ସୁଣ୍‌ତି ରିଲା ଆର୍‌ ସେମଃନ୍‌କେ କଃତେକ୍‌ କଃତା ହଃଚାର୍ତି ରିଲା,

ଲୁକ ଲେକ୍‌ଲା ଜିସୁ କ୍ରିସ୍ଟର୍‌ ନିକ କବୁର୍‌ 5:17

ଗଟ୍‌ଦିନ୍‌ ଜିସୁ ସିକ୍ୟା ଦେତିରିଲା, ଆର୍‌ ଗାଲିଲିର୍‌ ସଃବୁ ଗାଉଁ, ଆରେକ୍‌ ଜିଉଦା ରାଜି ଆର୍‌ ଜିରୁସାଲମେ ହୁଣି ଆସିରିଲା ପାରୁସି ଆର୍‌ ଦଃର୍ମ୍‌ ଗୁରୁମଃନ୍‌ ଲଃଗେ ବଃସି ରିଲାୟ୍‌ । ଆର୍‌ ଜିସୁ ଜଃନ୍‌କଃରି ରଗ୍ ଉଜ୍‌ କଃରେଦ୍‌, ଇତାର୍‌ ଗିନେ ମାପ୍ରୁର୍‌ ସଃକ୍ତି ସେତି ଆୟ୍‌ଲି ।

ଜହନ୍‌ 3:9

ନିକଦିମ ଜିସୁକେ କୟ୍‌ଲା, “ଇରିମଃନ୍‌ କଃନ୍‌କଃରି ଅଃଉଁ ହାରେ ?”

ପେରିତ୍‌ 5:34

ମଃତର୍‌ ଗମଲିଏଲ୍‌ ନାଉଁଆର୍‌ ଗଟେକ୍‌ ପାରୁସି, ସେ ଗଟେକ୍‌ ମସାର୍‌ ସାସ୍ତରାର୍‌ ଦଃର୍ମ୍‌ ଗୁରୁ ଆର୍‌ ସଃବ୍‌କାର୍‌ ମାନ୍‌ତି ହାଉତା ଲକ୍‌, ସେ ବେରାଣେ ଟିଆଅୟ୍‌ ପେରିତ୍‌ମଃନ୍‌କ୍‌ ହଃଦାୟ୍‌ ବାର୍‌କଃରୁକେ କୟ୍‌ଲା ।

ରୋମୀୟ 2:28

ବଃଲେକ୍‌ ଗଃଗାଳେ ସୁନତ୍‌ ଅୟ୍‌ ଲକ୍‌ ଦଃକାଉଣି ଜିଉଦି ବଃଲି କଃଉତା ଲକ୍‌ ସେ ସଃତ୍‌କଃରି ଜିଉଦି ନାୟ୍‌ ।

ପିଲିପିୟ 3:3

କାୟ୍‌ତାକ୍‌ବଃଲେକ୍‌ ଅଃମିମଃନ୍‌ ସଃତ୍‌କଃରି ସୁନତ୍‌ ହାୟ୍‌ ଆଚୁ, ଅଃମିମଃନ୍‌ ଇସ୍ୱରାର୍‌ ଆତ୍ମାୟ୍‌ ହୁଜା କଃରୁଲୁ, ଆରେକ୍‌ ତିରିବିଦି ବିସୟ୍‌ ଉହ୍ରେ ବଃର୍ସା ନଃକେରି କ୍ରିସ୍ଟ ଜିସୁର୍‌ଟାଣେ ଗଃର୍ବ୍‌ କଃରୁଲୁ ।

କଲସୀୟ 2:11

ଆରେକ୍‌ ହେଁ ଗଃଗାଳାର୍‌ ମଃନ୍‌ବାବ୍‌ ଚାଡିକଃରି ତୁମିମଃନ୍ କ୍ରିସ୍ଟର୍‌ ସଃଙ୍ଗ୍ ମିସିକଃରି ମାନାୟ୍‌ର୍‌ କଃର୍ତା ସୁନତ୍‌ ନଃୟ୍‌କଃରି କ୍ରିସ୍ଟର୍‌ ସୁନତ୍‌ ତଃୟ୍‌ ସୁନତ୍‌ ଅୟ୍‌ ଆଚାସ୍‌ । ସେରି ମାନାୟ୍‌ର୍‌ ହାହ୍‌ କଃଲା ଗଃଗାଳାର୍‌ ସଃବୁ ସଃକ୍ତି ତଃୟ୍‌ ହୁଣି ମୁକ୍‌ଳାୟ୍‌ଦ୍‌ ।