ଜହନ୍‌ 17:5 - ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

⁵ ଏ ଉବା, ଜଃଗତାର୍‌ ଉବ୍‌ଜାଣ୍‌ ହୁର୍ବେ ତର୍‌ ସଃଙ୍ଗ୍ ମର୍‌ ଜୁୟ୍‌ ଜଃଜ୍‌ମାନ୍‌ ରିଲି, ଅଃବେ ତର୍‌ ମୁୟେ ତୁୟ୍‌ ମକ୍‌ ଜଃଜ୍‌ମାନ୍ କଃର୍‌ ।

ବ୍‌ଡ଼୍ ହ୍‌ର୍‌ଜା ବାଇବଲ

⁵ ଆର୍ ଅବେ, ଏ ଉବା, ହୁର୍‌ତିବିର୍ ସୁଷ୍‌ଟି ଅଉତା ଆଗ୍‍ତୁ ତର୍‍ସ୍‍ଙ୍ଗ୍ ମର୍ ଜୁଇ ମଇମା ରିଲି, ସେ ମଇମା ଆରେକ୍‌ ମକେ ଦେ।

ଜହନ୍‌ 17:5 ပူးပေါင်းရင်းမြစ်များ

ମାତିଉ 25:34

ତାର୍‌ହଃଚେ ରଃଜା ତାର୍‌ କାତା ବାଟ୍ୟାର୍‌ ଲକ୍‌ମଃନ୍‌କେ କୟ୍‌ଦ୍‌, ‘ଆସା, ମର୍‌ ଉବାର୍‌ ଆସିର୍ବାଦ୍‌ ହାୟ୍‌ଲା ଲକ୍‌ମଃନ୍ । ତୁମାର୍‌ ଗିନେ ଜଃଗତାର୍‌ ଆରୁମେ ଜୁୟ୍‌ ରାଇଜ୍‌ ତିଆର୍‌ ଅୟ୍‌ଆଚେ, ଆସା ସେ ରାଇଜାର୍‌ ଅଃଦିକାରି ଅଃଉଆ ।

ଜହନ୍‌ 1:18

କେହେଁ କଃବେ ଇସ୍ୱର୍‌କେ ନଃଦେକେ, ମଃତର୍‌ ତାର୍‌ ସଃଙ୍ଗ୍ ରିଲା ତାର୍‌ ଗଟେକ୍‌ ବଃଲି ନିଜାର୍‌ ହୟ୍‌ସି ତାକ୍‌ ଜାଣାୟ୍‌ ଆଚେ ।

ଜହନ୍‌ 10:30

ଉବା ଆର୍‌ ମୁୟ୍‌ ଏକ୍‌ ।”

ଜହନ୍‌ 14:9

ଜିସୁ ତାକ୍‌ କୟ୍‌ଲା, “ପିଲିପ୍, ଅଃତେକ୍‌ କାଳ୍‌ ଦଃରି ମୁୟ୍‌ ତୁମାର୍‌ ସଃଙ୍ଗ୍ ଆଚି, ଆର୍‌ ଆଜି ହଃତେକ୍‌ ତୁୟ୍‌ କାୟ୍‌ ମକ୍‌ ଚିନୁ ନଃହାର୍‌ଲିସ୍‌ ? ଜେ ମକ୍‌ ଦଃକି ଆଚେ ସେ ମର୍‌ ଉବାକ୍‌ ଦଃକି ଆଚେ; ଅଃମିମଃନ୍‌କ୍‌ ଉବାକ୍‌ ଦଃକାଉ ବଃଲି ତୁୟ୍‌ କଃନ୍‌କଃରି କଃଉଁଲିସ୍‌ ?

ଜହନ୍‌ 17:1

ଜିସୁ ଇ ସଃବୁ କଃତା କୟ୍‌ ସଃରାୟ୍‌ ସଃର୍ଗ୍‌ ବାଟ୍ୟା ଦଃକିକଃରି କୟ୍‌ଲା, “ଉବା, ମର୍‌ ବେଳା ହଚ୍‌ଲିନି, ତର୍‌ ହୟ୍‌ଦିକ୍‌ ଜଃଜ୍‌ମାନ୍ କଃର୍‌, ଜଃନ୍‌କଃରି ହୟ୍‌ଦି ହେଁ ତକ୍‌ ଜଃଜ୍‌ମାନ୍ କଃରେଦ୍‌,

ଜହନ୍‌ 17:24

“ଏ ଉବା, ତୁୟ୍‌ ମକ୍‌ ଜୁୟ୍‌ମଃନ୍‌କ୍‌ ଦଃୟ୍‌ ଆଚ୍‌ସି, ମୁୟ୍‌ ଜୁୟ୍‌ ଲଃଗେ ରଃୟ୍‌ନ୍ଦ୍, ସେମଃନ୍ ହେଁ ସେତି ଜଃନ୍‌କଃରି ମର୍‌ ସଃଙ୍ଗ୍ ରେତି ଆର୍‌ ଜଃଗତାର୍‌ ଉବ୍‌ଜାଣ୍‌ ହୁର୍ବେ ତୁୟ୍‌ ମକ୍‌ ଲାଡ୍‌ କଃରି ରିଲାକ୍‌ ମକ୍‌ ଜୁୟ୍‌ ଜଃଜ୍‌ମାନ୍‌ ଦଃୟ୍‌ ଆଚ୍‌ସି, ମର୍‌ ସେ ଜଃଜ୍‌ମାନ୍ ସେମଃନ୍ ଜଃନ୍‌କଃରି ଦଃକ୍‌ତି, ଇରି ମର୍‌ ମଃନ୍ ।

ଜହନ୍‌ 3:13

ଜୁୟ୍‌ ନଃରାର୍‌ ହୟ୍‌ସି ସଃର୍ଗେହୁଣି ଉତୁର୍ଲା, ତାର୍‌ ବିନା ଆର୍‌ କେ ସଃର୍ଗେ ନଃଜାୟ୍‌ଁ ।”

ଜହନ୍‌ 8:58

ଜିସୁ ସେମଃନ୍‌କେ କୟ୍‌ଲା, “ମୁୟ୍‌ ସଃତ୍‌ କଃଉଁଲେ, ଅବ୍ରାହାମାର୍‌ ଜଃଲମ୍‌ ହୁର୍ବେ ମୁୟ୍‌ ଆଚି ।”

ପିଲିପିୟ 2:6

ସେ ଇସ୍ୱର୍‌ ଅୟ୍‌ ହେଁ ଇସ୍ୱର୍‌ ସଃଙ୍ଗ୍ ସଃମାନ୍ ରେଉଁକେ ନିଜାର୍‌ ହାୟ୍‌ଁ ଦଃରିରେତା କଃତା ବଃଲି ନଃବାବ୍‌ଲା,

ଏବ୍ରି 1:10

ଆରେକ୍‌ କଃଉଁଲା, “ଏ ମାପ୍ରୁ, ତୁୟ୍‌ ଆରୁମେ ହୁର୍ତିବିର୍‌ କୁନାଦି ତିଆର୍‌ କଃରି ଆଚ୍‌ସି, ଆରେକ୍‌ ଅଃଗାସ୍‌ ତର୍‌ ଆତେ କଃଲା କାମ୍‌ ।

ଏବ୍ରି 1:3

ସେ ତାର୍‌ ଜଃଜ୍‌ମାନାର୍‌ ଉଜାଳ୍‌ ଆର୍‌ ତାର୍‌ ଗ୍ୟାନାର୍‌ ମୁର୍ତି, ସେ ଅଃହ୍‌ଣାର୍‌ ସଃକାତ୍‌ ହୁର୍ନ୍‌ କଃତା ଦଃୟ୍‌ ସଃବୁ ବିସୟ୍‌ ଦଃରେଦ୍‌, ଆରେକ୍‌ ହାହ୍‌ କେମା କଃଲା ହଃଚେ ସଃର୍ଗାର୍‌ ଇସ୍ୱରାର୍‌ କାତା କୁଚି ବାଟ୍ୟା ବଃସିଆଚେ ।

1 ପିତର୍ 1:20

ସେ ଜଃଗତ୍‌ ଉବ୍‌ଜାଣ୍‌ ହୁର୍ବେ ହୁଣି ଟିକ୍‌ ଅୟ୍‌ ତୁମିମଃନାର୍‌ ଗିନେ ସେସ୍‌କାଳେ ଜାଣାୟ୍‌ ଅୟ୍‌ଆଚେ;

1 ପିତର୍ 1:21

ଜୁୟ୍‌ ଇସ୍ୱର୍‌ ତାକେ ମଃଲା ଲକାର୍‌ ତଃୟ୍‌ ହୁଣି ଉଟାୟ୍‌ ଜଃଜ୍‌ମାନ୍ କଃଲା ଆଚେ, ସେ ଇସ୍ୱର୍‌ ତଃୟ୍‌ ତୁମିମଃନ୍ ତାର୍‌ ଗିନେ ବିସ୍ୱାସ୍‌ କଃରୁଲାସ୍‌, ଇତାର୍‌ ଗିନେ ଇସ୍ୱର୍‌ ତୁମିମଃନାର୍‌ ବିସ୍ୱାସ୍‌ ଆର୍‌ ବଃର୍ସାର୍‌ ଟାଣ୍ ଅୟ୍‌ଆଚେ ।

୧ ଜହନ୍‌ 1:2

ସେ ଜିବନ୍ ଦଃକାୟ୍‌ ଅୟ୍‌ଲା ଆର୍‌ ଅଃମିମଃନ୍‌ ଦଃକିଆଚୁ ଆର୍‌ ସାକି ଦେଉଁଲୁ; ଜୁୟ୍‌ ଅଃମ୍ବର୍‌ ଜିବନ୍ ଉବାର୍‌ ସଃଙ୍ଗ୍ ରିଲା ଆର୍‌ ଅଃମିମଃନାର୍‌ ତଃୟ୍‌ ଦଃକାୟ୍‌ ଅୟ୍‌ଲା, ତାର୍‌ କଃତା ତୁମିମଃନ୍‌କେ ଜାଣାଉଁଲୁ ।

ପ୍ରକାସିତ୍‌ 13:8

ଜୁୟ୍‌ ମଃନାର୍‌ ନାଉଁ ଜଃଗତ୍‌ ଉବ୍‌ଜାଣ୍‌ ଅଃଉତା ହୁର୍ବେ ମାରା ଅୟ୍‌ଲା ମେଣ୍ଡାହିଲାର୍‌ ଜିବନ୍ ପୁସ୍ତକ୍‌ ତଃୟ୍‌ ଲେକା ନୟ୍‌, ହୁର୍ତି ତଃୟ୍‌ ବାସା କଃର୍ତା ସେ ସଃବୁ ଲକ୍‌ ତାକ୍‌ ଜୁଆର୍‌ କଃର୍ତି ।

ପ୍ରକାସିତ୍‌ 3:21

ମୁୟ୍‌ଁ ଜଃନ୍‌କାର୍‌ ଜିଣିକଃରି ଅଃମାର୍‌ ଉବାର୍‌ କାତାବାଟ୍ୟା ବଃସି ଆଚି, ସେରଃକମ୍‌ ଜେ ଜିଣେଦ୍‌, ମୁୟ୍‌ଁ ତାକ୍‌ ମର୍‌ ସଃଙ୍ଗ୍ ମର୍‌ ସିଙ୍ଗାସଣେ ବଃସୁକ୍‌ ଅଃଦିକାର୍‌ ଦଃୟ୍‌ନ୍ଦ୍ ।”