୧ କରନ୍ତି 3:6 - ସଃର୍ଗାର୍‌ ବାଟ୍‌ ନଃଉଁଆ ନିଅମ୍‌

⁶ ମୁଁୟ୍‌ ଲାଗାୟ୍‌ ଆଚି, ଆପଲ୍‌ ହାଣି ରଃକାୟ୍‌ ଆଚେ, ମଃତର୍‌ ଇସ୍ୱର୍‌ ବାଡାୟ୍‌ ଆଚେ ।

ବ୍‌ଡ଼୍ ହ୍‌ର୍‌ଜା ବାଇବଲ

⁶ ମୁଇ ଲାଗାଇ ଆଚି, ଆର୍ ଆପୋଲ୍ ହାଣି ଚ୍‌ହାଇ ଆଚେ, ମ୍‌ତର୍ ଇଶ୍ଵର୍ ଗ୍‌ଚ୍‌କେ ବାଡାଇ ଆଚେ।

୧ କରନ୍ତି 3:6 ပူးပေါင်းရင်းမြစ်များ

ପେରିତ୍‌ 11:18

ଇ ସଃବୁ କଃତା ସୁଣ୍‌ଲାକ୍‌ ସେମଃନ୍ ତୁନ୍‌ହାଳ୍‌ଲାୟ୍‌, ଇସ୍ୱରାର୍‌ ଜଃଜ୍‌ମାନ୍ କଃରି କୟ୍‌ଲାୟ୍‌, ତଃବେ “ଇସ୍ୱର୍‌ ଅଜିଉଦି ଲକ୍‌ମଃନ୍ ହେଁ ଜିବନ୍ ହାଉଁକ୍‌ ମଃନ୍ ବାଦ୍‌ଲାଉଁକ୍‌ ଦାନ୍‌ ଦଃୟ୍‌ଆଚେ ।”

ପେରିତ୍‌ 14:27

ସେମଃନ୍ ଆନ୍ତିଅକିଆ ହଚି, ମଣ୍ଡ୍‌ଳିର୍‌ ଲକ୍‌ମଃନ୍‌କେ ଗଟ୍‌ତଃୟ୍‌ ରୁଣ୍ଡାୟ୍‌ଲାୟ୍‌ ଆର୍‌ ଇସ୍ୱର୍‌ ସେମଃନାର୍‌ ସଃଙ୍ଗେ ରଃୟ୍‌ ଜୁୟ୍‌ ସଃବୁ କାମ୍‌ କଃରି ରିଲା ଆର୍‌ ଅଜିଉଦି ଲକ୍‌ମଃନ୍‌କେ ବିସ୍ୱାସାର୍‌ ଦୁଆର୍‌ ଉଗାଳି ଦଃୟ୍‌ରିଲାୟ୍‌ ସେ ସଃବୁ ଗଟେକ୍‌ ଗଟେକ୍‌ କଃରି କୟ୍‌ଲାୟ୍‌ ।

ପେରିତ୍‌ 16:14

ଆରେକ୍‌ ତୁୟତିରା ଗଃଳାର୍‌ କଃଚା ହଃତ୍ରିଆ ବଃସ୍ତର୍‌ ବିକ୍‌ତା ଲୁଦିଆ ନାଉଁଆର୍‌ ଗଟେକ୍‌ ମାୟ୍‌ଜି ସେ ଇସ୍ୱର୍‌କେ ମାନ୍‌ତି ରିଲି, ସେ ଅଃମାର୍‌ କଃତା ସୁଣ୍‌ତି ରିଲି । ସେ ଜଃନ୍‌କଃରି ପାଉଲାର୍‌ କୟ୍‌ଲା କଃତାମଃନ୍‌ ଦିଆନ୍‌ ଦେତିରିଲି ଇତାର୍‌ ଗିନେ ମାପ୍ରୁ ତାର୍‌ ମଃନ୍ ଉଗାଳ୍‌ଲା ।

ପେରିତ୍‌ 18:24

ଇ ବିତ୍ରେ ଆପଲ୍‌ ନାଉଁଆର୍‌ ଗଟେକ୍‌ ଜିଉଦି ଏପିସିଏ ଆୟ୍‌ଲା, ତାର୍‌ ଜଃଲମ୍‌ ମାଟି ଆଲେକ୍‌ଜେଣ୍ଡ୍ରିଆ, ନିକ କଃଉଁ ହାର୍ତାର୍‌ ଆର୍‌ ଦଃର୍ମ୍‌ ସାସ୍ତର୍‌ ଜାଣ୍‌ଲା ଲକ୍‌ ରିଲା ।

ପେରିତ୍‌ 19:1

ଆପଲ୍‌ କରନ୍ତି ତଃୟ୍‌ ରେତାବଃଳ୍‌, ପାଉଲ୍‌ ଦେସାର୍‌ ହୁର୍ବ୍‌ ହଲିବାଟ୍‌ ଆସିକଃରି ଏପିସିଏ ଆସି ହଚ୍‌ଲା । ସେତି ସେ କଃତି ଗଟ୍‌ ଚେଲାକେ ବେଟ୍‌ ଅୟ୍‌ଲା,

ପେରିତ୍‌ 21:19

ପାଉଲ୍‌ ସେମଃନ୍‌କେ ଜୁଆର୍‌ କଃଲା ହଃଚେ, ଇସ୍ୱର୍‌ ତାର୍‌ ସେବା କାମାର୍‌ ଗିନେ ଅଜିଉଦି ଲକ୍‌ମଃନାର୍‌ ବିତ୍ରେ ଜୁୟ୍‌ ଜୁୟ୍‌ କାମ୍‌ କଃରି ରିଲା ସେ ସଃବୁ ଗଟେକ୍‌ ଗଟେକ୍‌ କଃରି ସେମଃନାର୍‌ ତଃୟ୍‌ କୟ୍‌ଲା ।

ରୋମୀୟ 15:18

ଅଜିଉଦିମଃନ୍‌କେ ଇସ୍ୱରାର୍‌ ବଲ୍‌ ମାନାଉତାର୍‌ ଗିନେ କ୍ରିସ୍ଟ ମର୍‌ ଦଃୟ୍‌ କାୟ୍‌ରି ସାଦୁନ୍‌ କଃରିଆଚେ, ଇ କଃତା କଃଉଁକେ ସାସ୍‌ ହାୟ୍‌ଆଚି ।

୧ କରନ୍ତି 1:12

ମର୍‌ କଃତାର୍‌ ବାବ୍‌ ଇରି, ତୁମିମଃନ୍‌କାର୍‌ ବିତ୍ରେ କୁୟ୍‌ କୁୟ୍‌ ଲକ୍‌ମଃନ୍, କଃଉଁଲାୟ୍‌, “ମୁଁୟ୍‌ ପାଉଲାର୍‌;” କେକେ କଃଉଁଲାୟ୍‌ “ମୁଁୟ୍‌ ଆପଲାର୍‌;” କେକେ କଃଉଁଲାୟ୍‌ “ମୁଁୟ୍‌ କେପାର୍‌;” ଆର୍‌ କେକେ କଃଉଁଲାୟ୍‌ “ମୁଁୟ୍‌ କ୍ରିସ୍ଟର୍‌ ହଃଚେ ଜଃଉଁଲେ ।”

୧ କରନ୍ତି 1:30

ମଃତର୍‌ ଇସ୍ୱର୍‌ ତୁମିମଃନ୍‌କେ ଜିସୁର୍‌ ତଃୟ୍‌ ମିସାୟ୍‌ ଆଚେ, ଆର୍‌ ସେ କ୍ରିସ୍ଟ ହଃକା ଅଃମାର୍‌ ଗିନେ ଗ୍ୟାନ୍ ହର୍‌ ଅୟ୍‌ଆଚେ । ତାର୍‌ ଗିନେ ଇସ୍ୱରାର୍‌ ସଃଙ୍ଗ୍ ଅଃମିମଃନାର୍‌ ମିସାଣ୍ ଟିକ୍‌ ଅୟ୍‌ଆଚେ, ତଃବାର୍‌ ଗିନେ ଦଃର୍ମି ଆର୍‌ ପବିତ୍ର ଲକ୍‌ ଅୟ୍‌ ମୁକ୍‌ଳି ଆଚୁ ।

୧ କରନ୍ତି 3:22

ପାଉଲ୍‌ ବଃଲା କି ଆପଲ୍‌ ବଃଲା କି ପିତର୍‌ କଃଉଆ, ଜଃଗତ୍‌ କଃଉଆ କି ଜିବନ୍ କଃଉଆ କି ମଃର୍ନ୍‌ କଃଉଆ, ଅଃବାର୍‌ କଃତା କଃଉଆ କି ଗଃଟ୍‌ତା କଃତା ସଃବୁ ହେଁ ତୁମାର୍‌ ।

୧ କରନ୍ତି 3:7

ତଃବେ, ଜେ ରୟ୍‌ଦ୍‌ କି ଜେ ହାଣି ରଃକାୟ୍‌ଦ୍‌, ସେ ବଃଡ୍‌ ନାୟ୍‌ ମଃତର୍‌ ବାଡାୟ୍‌ଦ୍‌ ଜୁୟ୍‌ ଇସ୍ୱର୍‌ ସେ ବଃଳ୍‌ ।

୧ କରନ୍ତି 9:1

ମୁୟ୍‌ଁ କାୟ୍‌ ମର୍‌ ଇଚାୟ୍‌ ନାୟ୍‌କି ? ମୁୟ୍‌ଁ କାୟ୍‌ ପେରିତ୍‌ ନୟ୍‌କି ? ମୁୟ୍‌ଁ କାୟ୍‌ ଅଃମାର୍‌ ମାପ୍ରୁ ଜିସୁକ୍‌ ନଃଦେକି ? ତୁମିମଃନ୍ କାୟ୍‌ ମାପ୍ରୁର୍‌ ତଃୟ୍‌ ମୁୟ୍‌ଁ କଃଲା କାମାର୍‌ ହଃଳ୍‌ ନୟ୍‌କି ?

ଏପିସିୟ 3:17

ମୁୟ୍‌ଁ ପାର୍ତ୍‌ନା କଃରୁଲେ ଜଃନ୍‌କଃରି ତୁମିମଃନାର୍‌ ବିସ୍ୱାସ୍‌ ବଃଳେ କ୍ରିସ୍ଟ ତୁମିମଃନାର୍‌ ମଃନ୍‌ବିତ୍ରେ ବାସା କଃରେଦ୍‌ । ମୁୟ୍‌ଁ ପାର୍ତ୍‌ନା କଃରୁଲେ, ଜଃନ୍‌କଃରି ତମାର୍‌ ମୁଳ୍‌ ଲାଡେ ତାହୁନ୍‌ ଅୟ୍‌ଦ୍‌ ଆର୍‌ ଅଃଟୁଆ ଅୟ୍‌ଦ୍‌ ।

୧ ତେସଲନିକି 1:5

ଅଃମିମଃନ୍‌ ନିକ କବୁର୍‌ ଅଃବ୍‌କା କଃତାୟ୍‌ ନାୟ୍‌, ମଃତର୍‌ ସଃକ୍ତି, ପବିତ୍ର ଆତ୍ମା ଆର୍‌ ହୁରାକଃରି ତୁମିମଃନାର୍‌ ଲଃଗେ ଆୟ୍‌ଲି; ତୁମିମଃନାର୍‌ ସଃଙ୍ଗ୍ ରେତାବଃଳ୍‌ ତୁମିମଃନାର୍‌ ସଃଙ୍ଗ୍ ଅଃମିମଃନ୍‌ କଃନ୍‌କା ଚାଲାଚାଲ୍‌ତି କଃରିରିଲୁ, ସେରି ତ ତୁମିମଃନ୍ ଜାଣି ଆଚାସ୍‌ । ଇରି ତୁମାର୍‌ ନିଜାର୍‌ ବଃଲ୍‌ ହାଁୟ୍‌,