Yúde 1:7 - Esaa-líat ɛ́ péná

⁷ Nlemlem á jam tísɔn yí Sódom la Gomóla, la yíŋí tísɔn ɛ́ lɛ́ á ŋgwáāg, yí yɔ́g yá níŋgí á mpuŋgú á ndeŋg, yí ɛ́ lɛ́ nɛ ɓatɔɓene ɓá oŋ bíveglé bí bí sē ɓé ákaa ɓɔ́. Yíŋ tísɔn ɛ́sɛ ɛ́ lɛ́ lɛn ákaa ndembye á ékɔ́ghɛ yé nzáan nyí ɛ ŋgá dím ɓé á éɓem la á éɓem.

Yúde 1:7 ပူးပေါင်းရင်းမြစ်များ

Matéus 10:15

La mbálɛ mag laga ɓɛ́nɛ nɛ́, á ɔ́lɔ̄ ví bíkááhɛ́nɛ́, ɓot bí nyíŋ tísɔn bíg kɛ li kuh lí ékɔ́ghɛ ecɛ́ŋ li loo lí ɓot bí Sódom la Gomóla.»

Matéus 11:24

La mbálɛ mag laga ɓɛ́nɛ nɛ́, á ɔ́lɔ̄ ví bíkááhɛ́nɛ́, ɓot ɓɔ́ɔ bíg kɛ li kuh lí ékɔ́ghɛ ecɛ́ŋ li loo lí yé ɓot bí Sódom.»

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Lúkas 17:29

Ndí, ɔlɔ́ Lot a ɓógyéé á Sódom, Ɔlolómɛ̄ ɔ nɔ́hɛ́ mitám mí nzáan la nzuhú ɛ́ ŋga lóŋɛ nzáan ákaa mbeŋ nyí ɛ ólóó ɓot bísɛ.

Elōg-Kɔlínto 1 6:9

Ɓaá, miní ŋgá yí ɓé nɛ ɓot bíh tɛ́ɛ́ ɓé sim bí ŋgá kɛ ɓé lí koto lí Ékombo Ɔ́lolómɛ̄ é? Miníh yɛ́ɛ́kɛ́gɛ́ ɓé ɓɛ́nɛ-mɛ̄n! Ɛ́ ɓɛ́ ɓot bí éniŋ ɛ́ mpuŋgú, ɛ́ ɓɛ́ ɓaɓégɛ-bisát, ɛ́ ɓɛ́ ɓot bí ndeŋg, ɛ́ ɓɛ́ páam ɛ́ ŋga ɓɔ̄ŋ mam kaa ɓondígá, ɛ́ ɓɛ́ páam ɛ́ ŋga nānte la yíŋí páam etám,

Elōg-Tésaloníka 2 1:7

Ɓɛ́nɛ ɓá miní ŋga táka, Ɔlolómɛ̄ ag kɛ ɓɛ́nɛ li tíi lí évɛɛɓan elɔŋ la ɓɛ́hɛ, eceg Ɛtáŋɛ Yésus a ŋga kɛ́ li yɛ́ɛ́léne lí ɓɛ́hɛ nyɛ́-mɛ̄n, á mísɔ̄ mɛ́ɛ́ á lóō la mbimban áŋgɛl.

Elōg-Tésaloníka 2 1:8

Ag kɛ li sɔ́ átē a lindombo lí nzáan, á lí kɔ́ghɛ lí ɓot bí ŋgá yí ɓé Ɔ́lolómɛ̄ tɔ li ógle lí Pɔ́l M̀ɓɛɛŋ nyí nyɛ́ Ɛtáŋɛ wahá Yésus.

Pétlos 2 2:2

Ɓot ŋgandag bíg kɛ ɓɔ́ lí oŋ múŋ á yéŋ eniŋ yáɓá ɛ́ mpuŋgú. Li oŋle la miɓɔŋɔg máɓá, ɓot bíg kɛ li vɔ́ɔ́le lí nzen mbálɛ.

Pétlos 2 2:6

Ámbúh náŋ, Ɔlolómɛ̄ a kɔ́ghɛ́ɛ kí tísɔn yí Sódom la Gomóla eceg a cɛ́hɛ́ɛ́ yɔ́, yú yāán lísuu á lí ɓɔŋ nɛ́ náŋ a ɓɛ́ ndembye ányúū biɓéɓéyɛ bí ɓot bí ŋga kɛ́ li sɔ́.

Pétlos 2 3:7

Nlemlem á eɓaŋgá wá ɓag sí lɛn la loó lí lɛn á lí laaŋke lí nzáan nyí ɛ ŋga kɛ́ ɓɔ́ lí sɔ́le, yú naŋɛ ki ɓɔ́ ányúū ɔlɔ́ ví ŋkál la ecɛ́hɛ yé ɓaɓɔŋ-miɓé.