Yohánɛs 3 1:6 - Esaa-líat ɛ́ péná

⁶ Ɓá tí mbóŋ nyí ediŋ yɔ́ɔ ɔ́sū ví Éɓasɛ, mag sɔ́hye wa nɛ́ ɔ óŋgánɛ ɓɔ́ li kɛla lí duwɛ jáɓá ɔ́sū á nyaa ɛ ŋga nyɛ́ɛle Ɔlolómɛ̄.

Yohánɛs 3 1:6 ပူးပေါင်းရင်းမြစ်များ

Misɔ́n mí Ɓáōmɓɛ 15:29

Bíŋ bicila nɛ́ bí lɛ́ nɛ́: miníh díág ɓé tít bí ŋga súle míloó mítām, tɔ li dí lí mícii, miníh díág ɓé tít yí yá wú édun, miní mwahɛ́ eniŋ ɛ́ ndeŋg. Kíyáɓɛ́nɛ maná óglé míŋ mam mísɛ, ɛnɛ maná ɓɔ̄ŋ m̀ɓɛɛŋ. Á élōgétāŋ, biíg ɛ́nan eceg etám!»

Misɔ́n mí Ɓáōmɓɛ 15:3

Eɓasɛ yé Antiókia nyí Sília yú yéɓé nɛ ɛ́g tíi ɓɔ́ míōŋgánɛ ányúū jéŋ duwɛ. Bú loolé á épah-ékombo yé Fenísia la á yé Samália bíg laga kaa láá ɓot bí sē ɓé ɓɔ́ɔ̄n bí Élōg-Yúda ɓá yaán ɓáyēɓe bí Nyɔ́ŋ-Ɛsáŋɛ́. Nyíŋ pɔ́l yu kɔ̄nhánɛ́ nyíŋ ndog ɓayéɓe ɛsɛ̄ mivag ŋgandag.

Misɔ́n mí Ɓáōmɓɛ 21:5

Ámbúh nyúŋ alɔ́ nzambúwá, bu tɛ́lɛ́ li kɛ́la lí duwɛ jáhá ɔ́sū. Ɓɔ́ bísɛ, ɓondígá la ɓɔɔ́n á élɔŋ, bú kɛ ɓɛ́hɛ li yígɛ nɛ́-tɛ́ɛla á mípāmlé mí tísɔn. Li pám á sáwá, bu úm míɓɔ̄ŋ á sí, bu kánɛ.

Elōg-Lóma 15:24

mag ɔ́ŋɔ li tɛ́lɛ á mbóg yāná, á lí ɛ́n lí ɓɛ́nɛ éceg mi ɓɛ́ mag loo li kɛ á Panyá. Mag kɛ li tɛ́lɛ á lí lɛ́gle lí míōŋgánɛ máná ányúū jéŋ duwɛ. Ámbúh míŋ milɛ́gle, mag ɔ́ŋɔ li tɔɔ la ɓɛ́nɛ, bi díghán tɔ ɓɛ́ jā ányúū puh eceg.

Elōg-Kɔlínto 2 1:16

La miɔ́ŋɔ nɛ́ mi ɓógyéné á yóg yāná lí kɛ á épah-ékombo yé Masedónia, á mísúgle, mi ɓógyéné wóŋ li timan á yóg yāná, nɛ́ ndí miní ɓōŋhán ma yé ɛ́ lɛ́ nsɛ́ŋ ányúū duwɛ jáma lí Yúdēa.

Elōg-Fílípi 4:14

Ndí, maná yí lí ɓɔŋ ákaa maná óŋgánɛ́ ma á ndútu ma kūh.

Elōg-Kólóso 1:10

nɛ́ ndí miní niŋ á nyaa ɛ tɛ́ɛ́ ɔ́sū ví Nyɔ́ŋ-Ɛsáŋɛ́, miní ɓɔŋ yé ɛ́ ŋga nyɛ́ɛle nyɛ́ eceg sig. La ki nɛ́ misɔ́n máná mí m̀ɓɛɛŋ mí úm mitám, la nɛ́ miní kóndyé lí yí lí Ɔ́lolómɛ̄ m̀ɓɛɛŋ m̀ɓɛɛŋ.

Elōg-Tésaloníka 1 2:12

Ɓaá éélé ɓɛ́nɛ, bu létɛ́ ɓɛ́nɛ nyúū, bu lóohán ɓɛ́nɛ li sɔ́hye nɛ́ miní nīŋ ákaa Ɔlolómɛ̄ a ŋga sómo, nyɛ́ mut a yáŋá ɓɛ́nɛ á lí ɓɛ́la lí joga á Ékombo yɛ́ɛ́ la á lípēm jɛ́ɛ́.

Títo 3:13

Lɔ́gɓán á lí óŋgánɛ lí Zénas mut-a-mbéndá la Apólos á dúwɛ jáɓá, á lí ɓɔŋ nɛ́ tɔ jam líh yɛ́ɛ́légé ɓé ɓɔ.

Pétlos 1 2:20

Á mbálɛ, wɔɔ́wɔ́ɔ adit mut a byɛ́ɛ̄ á lí ɔ́hánɛ lí áso kí ɔ ɓɔ̄ŋ aɓé é? Ndí kíyáɓɛ́nɛ maná mánɛ́ lí ɓɔŋ lí m̀ɓɛɛŋ ndí máná ɔ́hánɛ́ áso, náŋ a lɛ likaale ɔ́sū ví Ɔlolómɛ̄.

Yohánɛs 3 1:12

Á yé ɛ́ ŋga légɓe Demetílius, ɓot bísɛ bíg tíi nyɛ́ mbóŋ élāām. Mbálɛ yɔ-mɛn ɛg tí mbóŋ yɛ́ɛ̄, ɓɛ́hɛ ki biíg tíi nyɛ́ mbóŋ élāām, la ki nɛ́ wā-mɛ̄n ɔg yí nɛ́ mbóŋ yāhá ɛ lɛ mbálɛ.