Yohánɛs 3 1:5 - Esaa-líat ɛ́ péná

⁵ Á édidíŋɛ yáma Gáyus, átē á ŋyéɓé wɔ́ɔ, ɔg nyɔ̄ŋ eceg la yéŋé elōgétāŋ, tɔ náŋ ákaa bí lɛ́ ɓacɛn-bí-ɓot.

Yohánɛs 3 1:5 ပူးပေါင်းရင်းမြစ်များ

Matéus 24:45

Yésus ɔ kōndyé nɛ: «M̀ɓɔŋle a ewíyɛ́, nyɔ́ a byɛɛ́ éyī, a lɛ̄ nyɔ́ ɛ́sāŋɛ́-a-mitán á ŋgá tíi likanʼyɛ lí ɓaɓɔŋle bí ndáá yɛ́ɛ̄, nɛ́ a kááhánɛ̄ ɓɔ́ lídī á eceg ɛ́ ŋga sōmlɛ!

Matéus 25:16

nyɔ́ a kuhúú ádun á kápa átáan ɔ kɛ̄, ɔ búlɛ̄ wɔ̄, la nyɛ́ ɔ kūh ádun á kápa átáan atám.

Lúkas 12:42

Nyɔ́ŋ-Ɛsáŋɛ́ ɔ pélē nyɛ nɛ́: «Yɔɔ́yɔ́ɔ taŋ ǹlégɓe-miɓɛɛŋ, nyɔ́ a byɛ́ɛ́ éyī ɛsáŋɛ́-a-mitán a ŋgá tíi ɓé likanʼyɛ lí ɓaɓɔŋle ɓɛ́ɛ́, nɛ́ a káahánɛ̄ ɓɔ́ lídī á eceg ɛ́ ŋga sōmlɛ é?

Misɔ́n mí Ɓáōmɓɛ 1:15

Múŋ á nyúŋ alɔ́, Pétlos ɔ tɛ́lɛ́ á m̀mím á éti yé ndog ɓayéɓe, ɓot bí ɓɛ́ɛ́ bí kɔtánɛ váŋ jam-kaa eɓógo ɓot la muúmɓáa, la nyɛ́ ɔ pɔ́t nɛ:

Elōg-Lóma 12:13

Miní óŋgánɛ ndog-Ɔlolómɛ̄ nyí ya énde. Ɓacɛn bí ŋga sɔ́ á mbóg yāná, miní lɛ́glé ɓɔ́ á nyaa m̀ɓɛɛŋ.

Elōg-Gálátia 6:10

Jɔ́ nɛ́, eceg sig póla ɛ ŋga ɛ́ni, bi ɓɔ́ŋlé ɓot bísɛ m̀ɓɛɛŋ, ndí tín-tín ɓá bí lɛ́ élōgyāŋ átē a ŋyéɓé.

Elōg-Kólóso 3:17

Yé ɛ́sɛ miní ŋga pɔ́t tɔ li ɓɔŋ, ɓɔŋán yɔ́ a jóō lí Nyɔ́ŋ-Ɛsáŋɛ́ Yésus, ányúū li tíi lí Etāa Ɔlolómɛ̄ mítamlan a jóō lí nyɛ́ Yésus.

Elōg-Hébɛl 13:2

Miníh vólkágánɛ́ ɓé lí yí lí lí kale lí ɓácɛn, átɔm nɛ́, la jɔ́ nɛ́ jógo lí ɓot lá lɛ́glé áŋgɛl ŋgi lí yí.

Yohánɛs 3 1:10

Jɔ́ nɛ́, eceg mi ŋga kɛ́ li sɔ́ wóŋ, mag kɛ li yɛ́lɛ́ lí míɓɔŋɔg mɛ́ɛ́, nyɛ́ mut a ŋga pɔ́t aɓé likɔlɓan la ɓɛ́hɛ. Kasig náŋ ah kɔ́ɔ́ ɓé, nyɛ́-mɛ̄n a pún lí kale lí yéŋé elōgétāŋ yáhá, ag púnɛ ki ɓot ɓatám lí kale lí ɓɔ, nyɛ́ ag duhu ɓɔ́ á Éɓasɛ.

Yohánɛs 3 1:3

Ákaa ɛ́sɛ, ma kɔ̄n mivag ŋgandag nɛ́, eceg ndog yahá yá pám mú, yá tí mbóŋ élāām nyí eniŋ yɔ́ɔ; ányúū nɛ ɔg wɛɛhɛnɛ á mbálɛ.