Yohánɛs 3 1:11 - Esaa-líat ɛ́ péná

¹¹ Á édidíŋɛ yáma Gáyus, ɔh nyɔŋlégé ɓé ɔ́vega á jam liɓé, ndí nyɔŋlé ɔ́vega á jam lí m̀ɓɛɛŋ. Nyɔ́ la nyɔ́ a ŋga ɓɔ̄ŋ m̀ɓɛɛŋ a lɛ la Ɔlolómɛ̄, ndí nyɔ́ la nyɔ́ a ŋga ɓɔŋ aɓé áh yí ɓé Ɔlolómɛ̄.

Yohánɛs 3 1:11 ပူးပေါင်းရင်းမြစ်များ

Yohánɛs 10:27

Mitómbɛ́ mí líɓembá jáma míg ámble cíŋ yáma, mag yí mɔ́, mɔ́g míg oŋ ma.

Yohánɛs 12:26

Tɔ nzáá a ŋga sómo ma lí ɓɔŋle, a ōŋ ma, átɔm nɛ́, ápah mi lɛ, m̀ɓɔŋle wama ki ag ɓɛ́ váŋ. Tɔ nzáá ki a ŋga ɓɔ̄ŋle ma, Etāa nyɛ́g ag kɛ nyɛ́ lí ditɛ.

Yohánɛs 3:20

Ákaa ɛ́sɛ, nyɔ́ la nyɔ́ a ŋga ɓɔ̄ŋ aɓé ag síŋgɛ mipúú, a ŋgá siŋgle ɓé ki ápah mí lɛ, la woŋ nɛ́ misɔ́n mɛ́ɛ́ míɓē mí táág ɛ́ní.

Elōg-Kɔlínto 1 11:1

Miní yégé ma, káa yé mág mi ŋga yége Nyɔ́-a-Pɔ́hlɛ.

Elōg-Kɔlínto 1 4:16

Mag sɔ́hye hɔ́ ɓɛ́nɛ nɛ́ miní nīŋ kaa mi ŋga nīŋ.

Elōg-Éféso 5:1

Á élōgyāŋ, kasig miní lɛ́ ɓɔ́ɔ̄n Ɔlolómɛ̄ a ŋga díŋɛ, ɓɔŋán ákaa nyɛ́.

Elōg-Fílípi 3:17

Á élōgyāŋ, ɓɛ́nɛ bísɛ miní nyɔŋ ɔvega á yóg yáma, miní nyɔŋlé ndembye á ɓá ɓot bí ŋga nīŋ ákaa ɓɛ́hɛ.

Elōg-Tésaloníka 1 1:6

Li loo náŋ, maná yégé lí niŋ ákaa ɓɛ́hɛ, munú yégé ki li niŋ ákaa Nyɔ́ŋ-Ɛsáŋɛ́ Yésus Kilístus, ányúū nɛ, tɔ átē a mitaka, maná lɛ́glé Éɓaŋgá Ɔlolómɛ̄ la mivag mí ŋga sɔ́le la M̀búl Mpúán.

Elōg-Tésaloníka 1 2:14

Á élōgyāŋ, ákaa ɛ́sɛ, maná ōŋlé míɓɔŋɔg mí Bíɓasɛ bí Ɔlolómɛ̄ bí lɛ́ á ŋkɔŋ á Yúdēa, bí byá āt la Yésus Kilístus. Ányúū nɛ, nlemlem ákaa maná taká la ɓot bí ékombo yáná, náŋ ki nɛ́ bíŋ Biɓasɛ byá kuh také la ɓɔɔ́n bí Élōg-Yúda.

Timotéo 2 3:10

Ndí wa, wa ōŋle mā m̀ɓɛɛŋ á mam mi ŋgí yéglɛ, wu yégé míɓɔŋɔg máma, wu yí evú-peg yáma, wu yí ŋyéɓé wáma, eɔ́hánɛ yáma, ediŋ yáma, la kɔkɔ yama.

Elōg-Hébɛl 6:12

Miníh póŋɓág ɓé, ndí ɓɔŋán ákaa ɓot ɓá kuh émbāmbá Ɔ́lolómɛ̄ a kakáánɛ ɓɔ́, li kele la ŋyéɓé la kɔkɔ bí byɛ́ɛ̄.

Pétlos 1 3:11

A nyɛ́ɛ lí pún lí áɓē, a ɓɔ̄ŋ m̀ɓɛɛŋ, a sómó nsaŋ la li oŋhan la wɔ́.

Pétlos 1 3:13

Nzáá a lɛ́ nɛ a ɓɔ̄ŋ ɓɛ́nɛ aɓé, kíyáɓɛ́nɛ miní étɛ akwáá á mam mí m̀ɓɛɛŋ é?

Yohánɛs 1 2:29

Kasig miní ŋga yí nɛ́ a tɛ́ɛ́ sim. Miní yí nɛ́ tɔ nzáá a ŋga ɓɔ̄ŋ yé ɛ́ tɛ́ɛ́ sim a lɛ̄ mɔɔ́n Ɔlolómɛ̄.

Yohánɛs 1 3:10

Jam lí ŋga ɓɔ̄ŋ nɛ́ bí lem ɓɔɔ́n bí Ɔ́lolómɛ̄ la ɓɔɔ́n bí ǹsɔhɔ li lɛ́ nɛ́, nyɔ́ la nyɔ́ a ŋgá ɓɔŋ ɓé yé ɛ́ tɛ́ɛ́ sim, tɔ li diŋ lí mɔ́ɔ̄nyāŋ a sē ɓé nyɔ́ a Ɔlolómɛ̄.

Yohánɛs 1 4:1

Á élōgyāŋ yé ediŋ, Miníh yéɓyág ɓé la ɓá bísɛ bí ŋga yó nɛ́ bí byɛ́ɛ́ M̀búl Mpúán, ndí miní ceglɛ́ ɓɔ́, á lí yí tɔ nɛ́ m̀búl bí byɛ́ɛ̄ a lɛ́ nyú á Ɔlolómɛ̄, átɔm nɛ́ ŋgandag ɓapɔ́tle-bí-Ɔ́lolómɛ̄ bí mínaa yá cámān á ŋkɔŋ-á-sí.