Yohánɛs 2 1:9 - Esaa-líat ɛ́ péná

⁹ Tɔ nzáá a ŋgá tɔɓene ɓé á bíyéglɛ́nɛ́ bí Nyɔ́-a-Pɔ́hlɛ ndí á kóndyé jam litám átē a sē ɓé la Ɔlolómɛ̄. Ndí nyɔ́ la nyɔ́ a ŋga tɔ́ɓene á bíyéglɛ́nɛ́ a lɛ lā Etāa elɔŋ la Mɔɔ́n.

Yohánɛs 2 1:9 ပူးပေါင်းရင်းမြစ်များ

Matéus 11:27

Mɔ́mísɛ má tíéɓɛ́ mā la Etāa, ndí mut tɔ wa a ŋgá yí ɓé nzáá a lɛ̄ Mɔ́ɔ̄n, amáh sig Étāa; tɔ li yí lí nzáá a lɛ Étāa, amáh sig Mɔ́ɔ̄n la tɔ nzáá Mɔ́ɔ̄n a díŋɛ́ lí yɛ́ɛ́le náŋ.»

Lúkas 10:22

Mɔ́ mísɛ má tíéɓɛ́ ma la Etāa, ndí tɔ mut a ŋga yí ɓé nzáá a lɛ̄ Mɔ́ɔ̄n, amáh sig Etāa; tɔ li yí lí nzáá a lɛ Etāa, amáh sig Mɔɔ́n la tɔ nzáá Mɔ́ɔ̄n a díiŋ lí yɛ́ɛ́lene náŋ.»

Yohánɛs 14:6

Yésus ɔ pélē nyɛ nɛ́: «Ma nɛ́ mi lɛ nzen, mbálɛ, la eniŋ. Mut tɔ wa a ŋgá kɛ ɓé á yóg Etāa kíyáɓɛ́nɛ āh loolé ɓé la ma.

Yohánɛs 15:6

Kíyáɓɛ́nɛ mut ah kondye ɓé lí átɓe ɓé la ma, bíg léé nyɛ́ á ápūū kaa bipaápáa bí míkɔɔ ɓá sɛ́m, bí byá óm, ɓá kɔt byɔ, ɓá waŋgɛ́ byɔ á nzáan la byɔ́ byá díg.

Yohánɛs 5:23

á lí ɓɔŋ nɛ́ ɓot bísɛ bí ditɛ́ Mɔɔ́n kaa bí ŋga dítɛ Ɛsáŋɛ́. Tɔ nzáá a ŋgá ditɛ ɓé Mɔɔ́n, a ŋgá ditɛ ɓé tɔ ki Ɛsáŋɛ́ nyɔ́ a óm nyɛ.

Yohánɛs 8:31

Yésus ɔ laga hɔ́ ɓɔ́ɔ̄n bí Élōg-Yúda ɓá bí yéɓyéé la nyɛ nɛ́: «Kíyáɓɛ́nɛ maná tiŋɓé á bíɓaŋgá byáma, ɛnɛ miní lɛ́ kɔɔ ɓayége ɓáma.

Misɔ́n mí Ɓáōmɓɛ 2:42

Ɔlɔ́ sig, ɓayéɓe bí ŋgí tiŋɓe á yé ɓáōmɓɛ bí ŋgí yéglɛ ɓɔ́, á lí niŋ kaa linyaŋ, á lí kaan lí ékɔgá, la li kánɛ lí élɔŋ.

Elōg-Kólóso 3:16

Eɓaŋgá Kilístus ɛ́ tɔ́ɔ á póla yáná la abyaŋ wɛ́ɛ́ ásɛ. Jɔ́ nɛ́, mut sig a yéglɛ́ nyɔ́ŋɔ́, miní tíélán ŋgéélé ɓɛ́nɛ la ɓɛ́nɛ átē a peg. Tíán Ɔlolómɛ̄ mítamlan la m̀mím wáná ásɛ, lóŋghánɛ̄ nyɛ́ byaá bí ŋgoso enyɛŋgɛ, byaá bí lípēm la byaá bí éɓégɛ bí ŋga sɔ́le la M̀búl Mpúán.

Títo 2:10

tɔ li yííle lí ɓɔ. Ndí, á tɔ yɔɔ́yɔ́ɔ eceg, mí étɛ́ nɛ́ míg ógle ɓɛɛ́n ɓáɓá m̀ɓɛɛŋ ŋgandag, ányúū lí tíi lí ádit á mam mísɛ mí Ɔ́lolómɛ̄ Ǹsuŋ wahá bí ŋga yéglɛ ɓɔ́.

Elōg-Hébɛl 3:14

Ákaa ɛ́sɛ, bi lɛ̄ ɓot bí élɔŋ yé Nyɔ́-a-Pɔ́hlɛ, kíyáɓɛ́nɛ ɓā tiŋɓé á ŋyéɓé bi byɛɛ́ li ɓotle á míɓōtlé, náŋ la náŋ li pám nɛ́-tɛ́ɛla á lísūg.

Elōg-Hébɛl 6:1

La náŋ hɔ́, bih tíglégé ɓé ɓɛ́hɛ á mam mí ɔ́sū la ɔsú ɓaá yége likɔlɓan la Yésus Kilístus, á li ɓét á ésukúlu yé mináŋag-mí-ɓot. Bih tɔɓégé ɓé ɓɛ́hɛ á jaa lí míōŋ jé lí lɛ́ yé ɓaá dúgú lí yége, kaa li cóó lí misɔ́n mí ŋga óm ɓɛ́hɛ á nyɛmb la li yéɓe la Ɔlolómɛ̄,

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.

Yohánɛs 3 1:9

Ma cíilé éɓasɛ mɔ́ɔ̄n káati, ndí Diotɛ́lɛ́fe nyɔ́ a ŋga díiŋ li tɛ́lɛ ɔ́sū á jam sig, ag pún lí yéɓe lí yé bi ŋga lága.